IND vs SA 2nd Test: दुसऱ्या दिवसावर दक्षिण आफ्रिकेचे पूर्ण वर्चस्व! मुथुसामी-जानसेनचा ‘प्रचंड’ हल्ला, भारत ४८० धावांनी पिछाडीवर

IND vs SA 2nd Test Day 2: दुसऱ्या दिवसाच्या खेळाअखेर भारताने एकही विकेट न गमावता ९ धावा केल्या आहेत. टीम इंडिया सध्या पहिल्या डावात ४८० धावांनी पिछाडीवर आहे.

 

• मुथुसामी-जानसेन जोडीने भारताल रडवले
• खेळाचा दुसरा दिवस यजमानांच्या नावावर
• वाचा संपूर्ण डे रिपोर्ट

India National Cricket Team vs South Africa National Cricket Team Match Scorecard: गुवाहाटीमध्ये सुरू असलेल्या दुसऱ्या कसोटी क्रिकेट सामन्याचा दुसरा दिवस पूर्णपणे दक्षिण आफ्रिकेच्या (South Africa) नावावर राहिला. पहिल्या डावात ६ गडी गमावून २४७ धावांपासून खेळ सुरू केलेल्या दक्षिण आफ्रिकेने उर्वरित ४ विकेट्ससाठी तब्बल २४२ धावांची भर घालत संघाला ४८९ धावांच्या विशाल स्कोअरपर्यंत पोहोचवले. दुसऱ्या दिवसाचा खेळ संपेपर्यंत भारतीय संघाने बिनबाद ९ धावा केल्या असून, अजूनही टीम इंडिया (Team India) पहिल्या डावात ४८० धावांनी मोठी पिछाडीवर आहे.See more

That’s stumps on Day 2! Another enthralling day’s play comes to an end 🙌#TeamIndia openers will resume proceedings tomorrow ⏳ Scorecard ▶️ https://t.co/Hu11cnqQn8#INDvSA | @IDFCFIRSTBank pic.twitter.com/QDuEZyCqsF — BCCI (@BCCI) November 23, 2025

मुथुसामी-जानसेन जोडीचा भारतीय गोलंदाजांवर हल्ला

दुसऱ्या दिवशी दक्षिण आफ्रिकेच्या तळाच्या फलंदाजांनी भारतीय गोलंदाजांना अक्षरशः दिवसभर ‘रडवले’. सेनुरन मुथुसामी आणि काइल वेरेयिन यांनी ८८ धावांची भागीदारी केली. त्यानंतर, मुथुसामी यांनी आक्रमक मार्को जानसेन यांच्यासोबत ९७ धावांची महत्त्वपूर्ण भागीदारी रचली. सेनुरन मुथुसामीने ११ चौकार आणि २ षटकारांच्या मदतीने दमदार १०९ धावांची शतकी खेळी केली. तर मार्को जानसेनने भारतीय गोलंदाजांवर जास्त प्रहार केला. त्याने केवळ ९३ चेंडूत ९३ धावांची झंझावाती खेळी केली. विशेष म्हणजे, त्याचा स्ट्राइक रेट १०२ हून अधिक होता. त्याने आपल्या खेळीत ६ चौकार आणि ७ उत्तुंग षटकार लगावले. अंतिम ४ विकेट्ससाठी दक्षिण आफ्रिकेने तब्बल २४३ धावा जोडून सामन्यावर मजबूत पकड मिळवली.

हे देखील वाचा: AUS vs ENG 1st Test: १२३ वर्षांनंतर एकाच दिवसात १९ विकेट्सचा थरार ; अॅशेस कसोटीत २५ विकेट्सचा विक्रम

भारतीय गोलंदाज ठरले ‘फिसड्डी’

दुसऱ्या दिवशी भारतीय गोलंदाज पूर्णपणे निष्प्रभ ठरले. कुलदीप यादव आणि मोहम्मद सिराज यांनी १०० पेक्षा जास्त धावा दिल्या.  सर्वाधिक ४ विकेट्स कुलदीप यादव यांनी घेतल्या. तर, जसप्रीत बुमराह, रवींद्र जडेजा आणि मोहम्मद सिराज यांनी प्रत्येकी दोन-दोन विकेट्स घेतल्या.

भारताची फलंदाजी सुरू

४८९ धावांच्या प्रत्युत्तरात दुसऱ्या दिवसाचा खेळ संपण्यापूर्वी भारतीय संघाने फलंदाजी सुरू केली. सलामीवीर केएल राहुल आणि यशस्वी जयस्वाल यांनी ६.१ षटके खेळून काढत संघाला कोणताही धक्का बसू दिला नाही. खेळ थांबला तेव्हा यशस्वी जयस्वाल ७, तर केएल राहुल २ धावांवर नाबाद होते. भारतीय संघ अजूनही ४८० धावांनी पिछाडीवर असून, तिसरा दिवस टीम इंडियासाठी अत्यंत महत्त्वाचा ठरणार आहे.

हे देखील वाचा: Ind vs SA Test : गौतम गंभीरच्या प्रयोगांचे भारतीय संघाला अपचन! दीड वर्षात नंबर ३ वर खेळवले गेले ‘सात’ फलंदाज