IND vs ENG T-20 Match : रिचा घोषने रचला इतिहास! केला ‘हा’ भीम पराक्रम; असे करणारी ठरली जगातील पहिली फलंदाज 

भारत आणि इंग्लंड या दोन महिला संघांमध्ये टी-२० मालिका खेळवली जात आहे. या मालिकेतील दुसऱ्या सामन्यात भारतीय महिला फलंदाज रिचा घोषने इतिहास रचला आहे.

रिचा घोष(फोटो-सोशल मिडिया)

Follow Us:

Follow Us:

Richa Ghosh created history : भारत आणि इंग्लंड या दोन महिला संघांमध्ये टी-२० मालिका खेळवली जात आहे. या मालिकेतील दिसऱ्या टी २० सामन्यात भारतीय महिला विकेटकीपर फलंदाज रिचा घोषने इतिहास रचला आहे.  इंग्लंडविरुद्धच्या दुसऱ्या टी-२० सामन्यात नाबाद ३२ धावा करून रिचा घोषने मोठी कामगिरी करून दाखवली आहे.  टी-२० आंतरराष्ट्रीय क्रिकेटमध्ये १४० पेक्षा जास्त स्ट्राईक रेटने पहिले १००० धावा करणारी ती भारतीय महिला संघाची पहिली खेळाडू ठरली आहे. इतकेच नाही तर रिचा टी-२० आंतरराष्ट्रीय क्रिकेटमध्ये चेंडूंच्या बाबतीत १००० धावा पूर्ण करणारी दुसरी सर्वात जलद फलंदाज बनली आहे. तर पूर्ण सदस्य देशांच्या खेळाडूंमधून ही कामगिरी करून दाखवणारी ती पहिली खेळाडू देखील ठरली आहे.

रिचा घोषची स्फोटक खेळी..

रिचा घोषने इंग्लंडविरुद्धच्या दुसऱ्या टी-२० सामन्यात जबरदस्त कामगिरी केली आहे. भारतीय संघासाठी रिचाने सहाव्या स्थानावर फलंदाजी करताना तिने फक्त २० चेंडूंचा सामना करून १६०.०० च्या स्ट्राईक रेटने ३२ धावा फटकावल्या. यादरम्यान घोषने तिच्या ६ चौकार लगावले.  या खेळीमुळे भारताला १८१ धावांचा आकडा गाठता आला.

हेही वाचा : Asia cup 2025 : अखेर ठरलं! भारत-पाकिस्तान सामना होणार; आशिया कपमध्ये ‘या’ तारखेला दोन्ही संघ येणार आमनेसामने..

रिचा ‘लेडी धोनी’ म्हणूनही प्रसिद्ध

रिचा घोष भारतात ‘लेडी धोनी’ म्हणून ओळखले जाते. कारण तिची फलंदाजीची शैली पुरुष संघाच्या माजी कर्णधार एमएस धोनीच्या शैलीसोबत मिळतीजुळती दिसून येते. ती धोनीसारखी विकेटकीपर फलंदाज देखील आहे आणि संघात खालच्या क्रमात फिनिशर म्हणून देखील ती भूमिका बजावत असते.  महिला प्रीमियर लीगमधील केलेल्या प्रभावी कामगिरीने आणि फिनिशिंग क्षमतेने तिच्या नावासोबत  लेडी धोनी हेटोपणनाव जोडले जावून अधिक मजबूत झाले आहे.

हेही वाचा : India and England 2nd Test : दुसऱ्या कसोटी सामन्यात दोन्ही संघाच्या खेळाडूंच्या दंडाला काळ्या पट्ट्या? समोर आलं मोठं कारण..

रिचा घोषची टी२० क्रिकेट कारकीर्द

रिचा घोषच्या टी२० कारकीर्दीबाबत सांगायचे झाल्यास, तिने भारतीय महिला संघासाठी ६४ टी२० सामने खेळले आहेत. यादरम्यान, तिच्या बॅटमधून ५३ डावांमध्ये २७.८१ च्या सरासरीने १०२९ धावा आल्या आहेत. रिचाने टी२० क्रिकेटमध्ये दोन अर्धशतके लगावाली आहेत. येथे तिने आतापर्यंत रिचा घोषने १४३.१२ च्या स्ट्राईक रेटने फलंदाजी केली आहे.

Web Title: T 20 match richa ghosh creates history she became the first batsman in the world to do so

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com