IML Final 2025 : आयएमएल फायनलचा आज रंगणार थरार: जाणून घ्या संघापासून ते ठिकाणापर्यंत संपूर्ण माहिती…

इंटरनॅशनल मास्टर्स लीग 2025 स्पर्धा अंतिम टप्प्यात आली आहे. 16 मार्च रोजी भारत मास्टर्स आणि वेस्ट इंडिज मास्टर्स यांच्यात विजेतेपदासाठी सामना खेळवला जाणार आहे.

IML Final 2025 : इंटरनॅशनल मास्टर्स लीग 2025 स्पर्धा अंतिम टप्प्यात आली आहे. आज म्हणजेच 16 मार्च रोजी भारत मास्टर्स आणि वेस्ट इंडिज मास्टर्स यांच्यात विजेतेपदासाठी सामना खेळवला जाणार आहे. शहीद वीर नारायण सिंग आंतरराष्ट्रीय स्टेडियम, रायपूर येथे हा सामना होणार आहे. इंडिया मास्टर्सचे नेतृत्व सचिन तेंडुलकर करताना दिसेल तर दुसरीकडे महान ब्रायन लारा वेस्ट इंडिज मास्टर्सच्या कर्णधारपदाची जबाबदारी सांभाळणार आहे.

ऑस्ट्रेलिया मास्टर्सचा पराभव करत इंडिया मास्टर्सने अंतिम फेरी धडक मारली आहे. तर वेस्ट इंडिज मास्टर्सने श्रीलंका मास्टर्सला पराभूत करत  फायनलमध्ये दिमाखात प्रवेश केला आहे. दोन्ही संघा तुल्यबळ असून दोन्ही संघामध्ये अनुभवी खेळाडूंचा भरणा आहे. अशावेळी  अंतिम सामना हा चांगलाच अतिटतीचा होण्याची शक्यता वर्तवली जाता आहे.  कारण, दोन्ही संघांकडे अनुभवाची कसलीच कमतरता नाही.

हेही वाचा : MS Dhoni : आता गोलंदाजांची खैर नाही! तो आलाय, आयपीएलपूर्वीच ‘थाला’ चा स्फोटक अंदाज समोर..; पहा Video

सामना विनामूल्य पाहण्यासाठी काय कराल?

इंटरनॅशनल मास्टर्स लीग 2025 चा फायनल सामना इंडिया मास्टर्स विरुद्ध वेस्ट इंडीज मास्टर्स यांच्यातील नाणेफेक संध्याकाळी  07:00 वाजता होणार असून 07:30 वाजता सामना सुरू होणार आहे. अंतिम सामना विनामूल्य पाहण्यासाठी, तुम्हाला Play Spor वरून Jio Hotstar ॲप डाउनलोड करावे लागणार आहे. आयएमएल 2025 च्या लाईव्ह स्ट्रीमिंगचे अधिकार फक्त Jio Hotstar कडे आहेत. याशिवाय कलर्स सिनेप्लेक्स (SD आणि HD) आणि कलर्स सिनेप्लेक्स सुपरहिटवरही हा सामना प्रसारित केला जाणार आहे. यामुळे तुम्ही आता  टीव्हीवरही अंतिम सामना बघू शकता.

हेही वाचा : Virat Kohli : किंग कोहलीची बीसीसीआयविरोधात ‘विराट’ डरकाळी; खेळाडूंसाठीचे नियम चुकीचे, आवाज उठवणार..

See more

𝐓𝐇𝐄 𝐂𝐇𝐀𝐌𝐏𝐈𝐎𝐍𝐒𝐇𝐈𝐏 𝐁𝐀𝐓𝐓𝐋𝐄! 👉 #IndiaMasters 🆚 #WestIndiesMasters 🔥 Get ready for the #IMLT20 𝐅𝐢𝐧𝐚𝐥 – grab your tickets on #BookMyShow and be part of the excitement 🤩🎟 📅 16th March | 7:00 PM 📍 SVNS International Stadium, Raipur#TheBaapsOfCricket pic.twitter.com/3RKbXDDfkj — INTERNATIONAL MASTERS LEAGUE (@imlt20official) March 15, 2025

IML 2025 मध्ये दोन्ही संघ..

इंडिया मास्टर्स संघ: सचिन तेंडुलकर (कर्णधार), गुरकीरत सिंग मान, सुरेश रैना, अंबाती रायुडू, युवराज सिंग, इरफान पठाण,  युसूफ पठाण, स्टुअर्ट बिन्नी, नमन ओझा (यष्टीरक्षक), अभिमन्यू मिथुन, पवन शर्मा, धवल कुलकर्णी, राहुल कुमार नेगीबा, राहुल कुमार, नमन आणि नमन.

वेस्ट इंडिज मास्टर्स संघ: ब्रायन लारा (कर्णधार),  कर्क एडवर्ड्स, लेंडल सिमन्स, ख्रिस गेल, नरसिंग देवनारिन,ॲशले नर्स, ड्वेन स्मिथ, चॅडविक वॉल्टन (विकेटकीपर), विल्यम पर्किन्स, दिनेश रामदिन,  फिडेल एडवर्ड्स, जेरोम टेलर, रविनो राम्पा, रवीनो राम्पा आणि बेस्ट.