दीप्ती शर्मा(फोटो-सोशल मीडिया)
Deepti Sharma bought by UP Warriors : स्टार अष्टपैलू दीप्ती शर्माला यूपीने ₹३.२ कोटी (US$१.२ दशलक्ष) मध्ये खरेदी केली आहे. डीसीने दीप्तीमध्ये रस दाखवला होता, मात्र, यूपीने जिंकण्यासाठी आरटीएम कार्डचा वापर केला. दिल्लीकडून पहिली बोली लावली होती. दिल्लीने तिला ₹५० लाख (US$१.२ दशलक्ष) बोली लावून विकत घेतले, परंतु त्यात एक ट्विस्ट पुढे आला. यूपी वॉरियर्सने आरटीएम (राईट टू मॅच) कार्डचा वापर केल्यानंतर दिल्लीने त्यांची बोली ₹३.२० कोटी (US$१.२ दशलक्ष) पर्यंत वाढवण्यात आली आणि यूपीने ऑफर स्वीकारली, ज्यामुळे दीप्ती शर्मा ही खेळाडू महिला प्रीमियर लीग लिलावाच्या इतिहासातील दुसरी सर्वात महागडी खेळाडू बनली आहे.
मेग लॅनिंगला ₹१.९० कोटी (US$१.९० कोटी) मध्ये विकत घेऊन यूपीने आपला संघ अधिक मजबूत करण्याकडे वाटचाल केली आहे. दिल्लीने तिला मिळविण्यासाठी सर्वतोपरी प्रयत्न केले होते, ज्याचा परिणाम एक कोटींपेक्षा जास्त बोली लागण्यात झाला. अखेर, प्रदीर्घ बोली शर्यतीनंतर, यूपीने बाजी मारली आणि लॅनिंग संघात सामील केले. लॅनिंग पूर्वी दिल्लीची कर्णधार होती, परंतु एका आश्चर्यकारक निर्णयात, दिल्लीने तिला लिलावापूर्वी कायम ठेवले नाही. लॅनिंग दिल्लीशिवाय इतर संघाकडून खेळण्याची ही पहिलीच वेळ असणार आहे.
यूपी वॉरियर्सने सुरुवातीच्या लिलावात दीप्ती शर्माला ₹२.२० कोटींना खरेदी केले. तिने तीन हंगामात यूपीकडून २५ सामने खेळले आहेत, २८ च्या सरासरीने ५०७ धावा फटकावल्या आहेत. तिने २७ विकेट्स काढल्या आहेत. तथापि, यावेळी वॉरियर्सने मेगा लिलावापूर्वी दीप्तीला सोडले होते आणि आता लिलावात तिला ₹३.२ कोटींना खरेदी करण्यात आले. ज्यामुळे ती इतिहासातील दुसरी सर्वात महागडी खेळाडू ठरली आहे.
स्मृती मानधना महिला प्रीमियर लीगमधील सर्वात महागडी खेळाडू राहिली आहे. पहिल्या डब्ल्यूपीएल लिलावात तिला आरसीबीकडून ₹३.४० कोटींना खरेदी करण्यात आले होते. फ्रँचायझीने मानधनावर ठेवलेला विश्वास सार्थकी लागला आणि तिने २०२४ च्या हंगामात संघाला जेतेपदापर्यंत पोहचवले. २०२६ च्या हंगामापूर्वी, मानधनाला संघाने ३.५ कोटी रुपयांना कायम ठेवण्यात आले.
