रविवार, 23 ऑगस्ट 2026
WTC Table india ranking After Aus Beat Ban
ऑस्ट्रेलियाविरुद्धचा पहिला कसोटी सामना जिंकल्यानंतर, बांग्लादेश (WTC 2025-27) डब्ल्यूटीसी २०२५-२७ च्या गुणतालिकेत चौथ्या स्थानावर होता. त्यांची विजयाची टक्केवारी ६६.६७ होती. दुसरा कसोटी सामना गमावल्यानंतरही बांग्लादेश गुणतालिकेत चौथ्या स्थानावर कायम आहे. मात्र, त्यांची विजयाची टक्केवारी आता ५५.५६ पर्यंत घसरली असून, हे त्यांच्यासाठी एक मोठे नुकसान आहे. ऑस्ट्रेलिया आधीच गुणतालिकेत अव्वल स्थानी होता आणि आताही कायम आहे. या सामन्यापूर्वी त्यांची विजयाची टक्केवारी ७७.७८ होती, जी आता वाढून ८० झाली आहे. या विजयामुळे डब्ल्यूटीसी गुणतालिकेतील ऑस्ट्रेलियाच्या क्रमवारीत कोणताही बदल झालेला नाही.
पहिल्या कसोटीत ऑस्ट्रेलियाला हरवून बांग्लादेशने इतिहास रचला होता. पण दुसऱ्या सामन्यातील दारुण पराभवानंतर भारतीय संघाचा पुढील मार्ग थोडा सोपा झाला आहे. भारतीय संघ सध्या श्रीलंकेविरुद्ध दुसरा कसोटी सामना खेळत आहे. जर भारताने दुसऱ्या कसोटीत श्रीलंकेला हरवले, तर तो गुणतालिकेत बांग्लादेशला मागे टाकून चौथ्या स्थानावर पोहोचेल. जर भारतीय संघाने हा दुसरा सामनाही जिंकून मालिका २-० ने जिंकली, तर त्यांची विजयाची टक्केवारी ५७.५८ पर्यंत वाढेल. ते पाचव्या स्थानावरून चौथ्या स्थानावर पोहोचतील.
ऑस्ट्रेलियाने १० पैकी आठ कसोटी सामने जिंकले असून दोन गमावले आहेत. विद्यमान डब्ल्यूटीसी चॅम्पियन दक्षिण आफ्रिका ७५.०० च्या विजय टक्केवारीसह दुसऱ्या स्थानावर आहे. दक्षिण आफ्रिकेने चारपैकी तीन कसोटी सामने जिंकले असून एक गमावला आहे. भारत सध्या ५३.३३ टक्के गुणांसह पाचव्या स्थानावर आहे. त्यांनी या फेरीत खेळलेल्या १० पैकी पाच सामने जिंकले असून चार गमावले आहेत आणि एक अनिर्णित राहिला आहे. गॉल येथे झालेल्या पहिल्या कसोटीत श्रीलंकेला १६५ धावांनी पराभूत करून भारताने आपली पीसीटी सुधारली.
IND vs SL: कोण आहे सारांश जैन? वयाच्या ३३व्या वर्षी मिळाली टीम इंडियात पदार्पणाची संधी
