बुधवार, 21 ऑक्टोबर 2026
Honor Robot Phone: स्मार्टफोन नाही, रोबोटच समजा! Honor चा नवा फोन झाला वायरल, पॉप-अप कॅमेरा आणि गिंबल फीचरने सुसज्ज
X वर शेअर करण्यात आलेल्या एका पोस्टमध्ये चीनी स्मार्टफोन मेकरने अपकमिंग Honor Robot Phone चे टिझर रिलीज केले आहे. या स्मार्टफोनमध्ये रियर कॅमेरा यूनिटने निघणारा एक AI कॅमेरा असिस्टेंट देण्यात आला आहे. हे हँडसेट स्पेनच्या बार्सीलोनामध्ये आयोजित करण्यात येणाऱ्या MWC 2026 ईव्हेंटमध्ये लाँच केला जाणार आहे. या स्मार्टफोनच्या रोबोट कॅमेऱ्यात गिंबल आणि रोटेटिंग मोटर दिला जाणार आहे. कंपनीने सांगितलं आहे की, यामध्ये एक ‘AI ब्रेन’ असणार आहे, जो ‘मोबिलिटी ऑफ अ रोबोट’ सह काम करणार आहे. (फोटो सौजन्य – X)
What’s the future of intelligent devices? While the industry is busy comparing the iPhone, we believe it’s time to break the mold and refocus on what truly matters: creating real value for you. Introducing the HONOR ROBOT PHONE — a revolutionary AI device that fuses multi-modal… pic.twitter.com/NdhudoBpW0 — HONOR (@Honorglobal) October 15, 2025
Honor ने हे डिव्हाईस सादर करताना सांगितलं आहे की, हे एक ‘रिवोल्यूशनरी AI डिवाइस’ आहे जे मल्टी-मॉडल इंटेलिजेंस, एडवांस्ड रोबोटिक्स आणि ‘नेक्स्ट जनरेशन इमेजिंग’ एकत्र आणते. कंपनीने या हँडसेटचे टेक्निकल स्पेसिफिकेशन अद्याप शेअर केलेले नाहीत. मात्र या व्हिडीओमध्ये Honor Robot Phone चा रोबोट कॅमेरा यूजरचा ड्रेस, त्याच्या आजूबाजूच्या परिसातील वातावरणाची माहिती देते. या मूवेबल AI कॅमेऱ्यात एक USB Type-C पोर्ट पाहायला मिळत आहे. जो कदाचित दूसरी एक्सेसरीजला अटॅच करण्यासाठी देण्यात आला आहे. फोनमध्ये होल-पंच डिस्प्ले देखील देण्यात आला आहे. ज्यामध्ये फ्रंट कॅमेरा असण्याची शक्यता आहे.
फोनचा रियर पॅनल Apple च्या अलीकडेच लाँच करण्यात आलेल्या iPhone 17 सीरीज सारखा दिसत आहे. ज्यामध्ये एक ग्लास कटआउट आणि त्याच्या चारी बाजूला एक अनस्पेसिफाइड मेटल फ्रेम देण्यात आली आहे. या हँडसेटमध्ये पॉप-अप AI कॅमेरासह ट्रिपल रियर कॅमेरा मॉड्यूल असण्याची देखील शक्यता वर्तवण्यात आली आहे. मागील पॅनेलच्या मध्यभागी अल्फा चिन्ह दिसते, जे ऑनरच्या AI इकोसिस्टमच्या इतर प्रोडक्ट्समध्ये देखील वापरले जाऊ शकते. फोनची डावी बाजू पूर्णपणे रिकामी आहे, तर पॉवर बटण आणि व्हॉल्यूम कंट्रोल उजव्या बाजूला असण्याची शक्यता आहे. ऑनर रोबोट फोनचा रोबोटिक कॅमेरा एक्स्ट्रा प्रोटेक्शनसाठी काचेच्या कव्हरच्या मागे लपवला जाईल.
