भारताच्या पहिल्या GenBeta मुलाला मिळालं Aadhaar Card, सोशल मीडियावर पोस्ट शेअर करत दिली माहिती

India's first GenBeta Aadhaar: तुम्ही तुमच्या घरात असणाऱ्या लहान मुलांसाठी बाल आधार किंवा ब्लू आधार कार्ड तयार करू शकता. पण यासाठी काही प्रोसेस फॉलो करावी लागणार आहे, ही प्रोसेस काय आहे जाणून घ्या.

भारताच्या पहिल्या GenBeta मुलाला मिळालं Aadhaar Card, सोशल मीडियावर पोस्ट शेअर करत दिली माहिती

Follow Us:

Follow Us:

आपल्या सर्वांकडे आपलं सरकारी ओळखपत्र आधार कार्ड आहे. हे आधार कार्ड म्हणजे आपल्या भारतीय नागरिकत्वाचा पुरावा आहे. पण इतर सराकारी डॉक्युमेंट्सप्रमाणेच आधार कार्ड देखील केवळ 18 वर्षांवरील व्यक्तिंसाठीच जारी केलं जात, असं तुम्हालाही वाटतं का? तर तुम्ही चुकीचे आहेत. आधार कार्ड प्रत्येक भारतीय नागरिकासाठी जारी केले जाते. ज्यामध्ये लहान मुलं, वयोवृद्ध माणसं या सर्वांचा देखील समावेश आहे. 5 वर्षांपेक्षा कमी वयाच्या आणि त्याहून अधिक वयाच्या मुलांसाठीही आधार कार्ड बनवले जाते.

Meta च्या नव्या AI मॉडेलने ChatGPT आणि Gemini ला फोडला घाम, मार्केटमध्ये घातलाय नुसता धुमाकूळ! जाणून घ्या खास फीचर्स

भारताच्या पहिल्या GenBeta मुलाला मिळालं आधार कार्ड

आता Beta जनरेशनधील पहिल्या भारतीय मुलाचं आधार कार्ड तयार करण्यात आलं आहे. तुम्ही आतापर्यंत जनरेशनचे वेगवेगळे प्रकार नक्कीच वाचले असतील. ज्यामध्ये GenZ, GenX, Gen Alpha, Generation Beta अशा अनेकांचा समावेश आहे. GenX म्हणजेच 1965-1980 या काळात जन्मलेले, GenZ म्हणजेच 1997-2012 या काळात जन्मलेले आणि GenBeta म्हणजेच 2025-2039 या काळात जन्म घेणारी मुलं.  (फोटो सौजन्य – X)

पहिल्या जेनबेटा मुलाचं आधार कार्ड

भारतातील पहिल्या जेनबेटा मुलाला त्याचे आधार कार्ड मिळाले आहे, ज्याची माहिती युनिक आयडेंटिफिकेशन अथॉरिटी ऑफ इंडियाने स्वतः त्याच्या एक्स अकाउंटवर पोस्ट करून दिली आहे. या पोस्टमध्ये काही फोटो देखील शेअर करण्यात आले आहेत. UIDAI ने त्यांच्या अधिकृत X अकाउंटवर एक पोस्ट जारी केली आहे ज्यामध्ये म्हटले आहे की, “भारतातील पहिल्या #GenBeta मुलाला त्याचे #Aadhaar मिळाले! आधार सर्वांसाठी आहे.” जर तुम्हीही तुमच्या घरातील लहान मुलांसाठी आधार कार्ड बनवण्याचा विचार करत असाल, तर बाल आधार किंवा ब्लू आधार कार्ड कसे बनवायचे याची प्रोसेस जाणून घ्या.

India’s first #GenBeta child gets his #Aadhaar! Aadhaar is for all.#UIDAI #EaseOfLiving pic.twitter.com/yOsXnHgYSx

— Aadhaar (@UIDAI) April 4, 2025

ब्लू आधार कागदपत्रे आवश्यक आहेत

• दोन्ही पालकांचे आधार कार्ड
• पत्त्याचा पुरावा
• मोबाईल नंबर
• मुलाचा अलीकडील फोटो
• मुलाचे जन्म प्रमाणपत्र

बाल आधार कार्ड पात्रता

• अर्जदार मुलाचे वय 5 वर्षांपेक्षा कमी असावे.
• भारताचे कायमचे रहिवासी असणे आवश्यक आहे.
• 5 वर्षांपेक्षा कमी वयाच्या मुलांसाठी फिंगरप्रिंट किंवा आयरीस स्कॅन आवश्यक नाही.
• वयाच्या 5 वर्षांनंतर बायोमेट्रिक्स अपडेट करणे आवश्यक असेल.

1674 चा तो ‘सुवर्णक्षण’, छत्रपती शिवयारांचा राज्याभिषेक सोहळा! सोशल मीडियावर व्हायरल होतोय AI Video, पाहून अंगावर शहारे येतील

बाल आधारसाठी अशा प्रकारे अर्ज करा

• UIDAI च्या अधिकृत वेबसाइटवर जा.
• तुमचे राज्य आणि जिल्हा निवडल्यानंतर, जवळचे आधार केंद्र निवडा.
• निवडीनंतर, अपॉइंटमेंट बुक करा आणि तारीख निश्चित करा.
• पडताळणी प्रक्रिया पुढे नेण्यासाठी तुमचा मोबाइल नंबर एंटर करा.
• फोन नंबरवर आलेला ओटीपी टाकल्यानंतर अपॉइंटमेंट बुकिंग केले जाईल.
• तुम्ही आधार केंद्रावर जाऊन बाल आधार बनवू शकता.

मुलांचे आधार कार्ड कसे डाउनलोड करावे

• UIDAI च्या अधिकृत वेबसाइटला भेट द्या.
• आधार क्रमांक किंवा नोंदणी आयडी प्रविष्ट करा.
• कॅप्चा कोड टाकल्यानंतर, फोनवर ओटीपी येईल.
• तुमच्या मोबाईल फोनवर आलेला OTP एंटर करा.
• यानंतर तुम्ही आधार कार्ड डाउनलोड करू शकता.

Web Title: Indias first genbeta child got his aadhaar card shared information on official x account tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com