Redmi Note 14s: 23 हजार रुपयांहून कमी किंमतीत रेडमीच्या नव्या स्मार्टफोनची एंट्री, पावरफुल बॅटरीसह मिळणार हे फीचर्स
टेक कंपनी Xiaomi ची उपकंपनी असलेल्या स्मार्टफोन कंपनी Redmi ने नवीन मिड रेंज स्मार्टफोन लाँच केला आहे. हा स्मार्टफोन Redmi Note 14s या नावाने लाँच करण्यात आला आहे. Redmi Note 14s हा 4G कनेक्टिव्हिटीसह येणारा एक नवीन स्मार्टफोन आहे. सध्या स्मार्टफोन कंपन्या त्यांचे नवीन स्मार्टफोन 5G कनेक्टिव्हिटीसह लाँच करत आहेत, जेणेकरून युजर्सना उत्तम नेटवर्कचा वापर करता यावा. मात्र Redmi ने त्यांचा नवीन स्मार्टफोन 4G कनेक्टिव्हिटीसह लाँच केला आहे.
Redmi चा नवीन स्मार्टफोन MediaTek Helio G99-Ultra चिपसेटद्वारे समर्थित आहे आणि एक अनस्पेसिफाइड Android वर्जनवर आधारित आहे. Redmi Note 14s मध्ये 200-मेगापिक्सेलचा रिअर कॅमेरा आणि 6.67-इंचाचा AMOLED डिस्प्ले देण्यात आला आहे. यात बायोमेट्रिक ऑथेंटिकेशनसाठी इन-डिस्प्ले फिंगरप्रिंट सेन्सर, धूळ आणि पाण्याच्या प्रतिकारासाठी IP64 रेटिंग आणि 67W चार्जिंग सपोर्टसह 5,000mAh बॅटरी देण्यात आली आहे. त्याच वेळी, सेल्फी आणि व्हिडिओ कॉलिंगसाठी या फोनमध्ये 16MP फ्रंट कॅमेरा देण्यात आला आहे. (फोटो सौजन्य – X)
चेक रिपब्लिकमध्ये Redmi Note 14s ची किंमत CZK 5,999 म्हणजेच अंदाजे 22,700 रुपये निश्चित करण्यात आली आहे. तर, युक्रेनमध्ये हा हँडसेट 10,999 UAH म्हणजेच अंदाजे 23,100 रुपयांमध्ये उपलब्ध असेल. हा नवीन स्मार्टफोन दोन्ही देशांमध्ये ऑरोरा पर्पल, मिडनाईट ब्लॅक आणि ओशन ब्लू रंगांच्या पर्यायांमध्ये खरेदीसाठी उपलब्ध आहे.
ड्युअल-सिम (नॅनो+नॅनो) सपोर्ट असलेला Redmi Note 14s हा स्मार्टफोन एक अनस्पेसिफाइड Android वर्जनवर आधारित आहे, ज्याच्यावर Xiaomi ची HyperOS स्किन देण्यात आली आहे. हा नवीन स्मार्टफोन प्रत्यक्षात Redmi Note 13 Pro 4G चे रिब्रँडेड व्हर्जन आहे. या स्मार्टफोनमध्ये 6.67-इंचाचा फुल-एचडी+ (1,080×2,400 पिक्सेल) AMOLED डिस्प्ले आहे जो 120Hz रिफ्रेश रेट आणि कॉर्निंग गोरिल्ला ग्लास 5 प्रोटेक्शनसह येतो.
कंपनीने Redmi Note 14s मध्ये ऑक्टा-कोर MediaTek Helio G99-Ultra प्रोसेसर दिला आहे, जो Redmi Note 13 Pro 4G मध्ये देखील वापरला गेला होता. हे एकाच 8GB+256GB रॅम आणि स्टोरेज कॉन्फिगरेशनमध्ये उपलब्ध आहे.
फोटो आणि व्हिडिओंसाठी, Redmi Note 14s मध्ये 200-मेगापिक्सेलचा प्रायमरी कॅमेरा आहे. यासोबत 8-मेगापिक्सेलचा अल्ट्रावाइड आणि 2-मेगापिक्सेलचा मॅक्रो कॅमेरा देखील आहे. सेल्फी आणि व्हिडिओ कॉलसाठी यात 16 मेगापिक्सेलचा फ्रंट कॅमेरा आहे.
कनेक्टिव्हिटीच्या बाबतीत, Redmi Note 14s मध्ये 4G LTE, Wi-Fi, Bluetooth 5.2, NFC, GPS आणि USB Type-C पोर्ट देण्यात आले आहेत. हँडसेटमध्ये इन-डिस्प्ले फिंगरप्रिंट सेन्सर आहे.
स्मार्टफोनमध्ये 67W चार्जिंगसह 5,000mAh बॅटरी आहे. Redmi Note 14s चे डायमेंशन 161.1×74.95×7.98mm आहे आणि त्याचे वजन 179 ग्रॅम आहे.
