100 ग्रॅम प्रेम तर 200 ग्रॅम वाद… घटस्फोटानंतर महिलेने ठेवला आगळावेगळा मेहंदी सोहळा; पाहून तुम्हीही व्हाल आवाक्; Video Viral

Divorce Mehndi Video: सोशल मीडियावर डिवोर्स मेहंदीचा एक अजब-गजब व्हिडिओ मोठ्या प्रमाणात व्हायरल झाला आहे. यातील अनोख्या दृश्यांनी सर्वांनाच आश्चर्यचकित केले आहे.

(फोटो सौजन्य – Instagram)

Follow Us:

Follow Us:

सोशल मीडियावर अनेक अजब-गजब व्हिडिओ व्हायरल होत असतात. इथे लग्नसमारंभातील देखील अनेक सोहळे शेअर केले जातात. मात्र आता इथे एक हैराण करणारा व्हिडिओ व्हायरल झाला आहे, ज्यातील दृश्यांचा विचार तुम्ही कधी स्वप्नातही केला नसेल. लग्नसमारंभातील एक महत्त्वाचा सोहळा म्हणजे मेहंदी फंक्शन. यात नवऱ्याचा नावाची मेहंदी नवरी आपल्या हातावर लावते. आताही मेहंदी सोहळ्याचाच एक अनोखा व्हिडिओ सोशल मीडियावर व्हायरल झाला आहे ज्यात महिलेने आपल्या हातांवर मेहंदी तर लावली आहे पण लग्नाची नाही तर घटस्फोटाची… होय एका महिलेने चक्क आपल्या घटस्फोटानिमित्त एक आगळावेगळा मेहंदी सोहळा आयोजित केला ज्याचे दृश्य आता सोशल मीडियावर व्हायरल झाले आहेत..

Pahalgam Terror Attack: काश्मीरच्या हृदयात भारत आहे की पाकिस्तान? स्थानिक महिलेनेच केला खुलासा; Video Viral

काय आहे व्हिडिओत?

एका महिलेने इंस्टाग्रामवर एक व्हिडिओ शेअर केला आहे ज्यामध्ये ती तिच्या लग्नानंतरच्या मेहंदीपासून घटस्फोटानंतरच्या मेहंदीपर्यंतचा प्रवास दाखवत आहे. या व्हिडिओमध्ये, महिलेने तिच्या आयुष्यातील एका मोठ्या बदलाचा आनंद अतिशय खास आणि अनोख्या पद्धतीने साजरा केला. घटस्फोटानंतर तिने तिच्या स्वातंत्र्याचा आणि नवीन आयुष्याची सुरुवात दर्शविताना मेहंदी सोहळ्याचे आयोजन केले. ही पद्धत केवळ वेगळी नव्हती तर अनेक लोकांसाठी प्रेरणा देखील बनली. मेहंदीचे डिझाईन्स तीन भागात विभागले गेले होते. पहिल्या भागात तो क्षण दाखवण्यात आला होता जेव्हा मुलाने मुलीला प्रपोज केले होते. दुसऱ्या भागात, लग्नानंतरच्या मारामारींचे एका स्केलद्वारे चित्रण करण्यात आले तर तिसऱ्या आणि शेवटच्या भागात, एक मोठे तुटलेले हृदय रेखाटून घटस्फोटाचे चित्रण करण्यात आले.

 

View this post on Instagram

 

A post shared by mehandi artist (@mehandibysandhyayadav)

उन्हाळ्याची उष्णता सापालाही सोसवेना; फ्रिज उघडताच असे काही दिसले की… पाहून सर्वांनाच आश्चर्याचा धक्का बसला; Video Viral

या आगळ्यावेगळ्या मेहंदी सोहळ्याचा व्हिडिओ @mehandibysandhyayadav नावाच्या अकाऊंटवरून शेअर करण्यात आला आहे. व्हिडिओच्या कॅप्शनमध्ये, ‘घटस्फोट मेहंदी’ असे लिहिले आहे. व्हिडिओला आतापर्यंत लाखो युजर्सने पाहिले असून अनेकांनी यावर कमेंट्स देखील केल्या आहेत. एका युजरने लिहिले आहे, “जीवनाच्या लढाईतून जिवंत परतल्याबद्दल अभिनंदन” तर दुसऱ्या युजरने लिहिले आहे, “भावा हे काही नवीन पाहायला मिळाले”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.

Web Title: 100 grams of love and 200 grams of fight after divorce woman arranged a unique mehndi ceremony video went viral on social media viral news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com