Beed Marethon Viral Video: लेकीच्या स्वप्नासाठी आईची अनवाणी झेप! पायात बूट नव्हते, पण मॅरेथॉन जिंकण्याचा जिद्दीचा विक्रम

Beed Marethon Viral Video: बीडच्या अंबाजोगाईतील ४७ वर्षीय रमाबाई रणवीर यांनी आपल्या दोन मुलींच्या शिक्षणासाठी प्रेरणादायी कामगिरी केली. लोकांच्या घरी स्वयंपाकाचे काम करून संसार चालवणाऱ्या रमाबाई ‘अमृत दौड’मध्ये साधी साडी परिधान करून सहभागी झाल्या.

• ४७ वर्षीय रमाबाईंनी अनवाणी धावत गाठली फिनिश लाईन
• साडी आणि हातात चप्पल घेऊन शर्यतीत केली दमदार कामगिरी
• दोन लेकींच्या शिक्षणासाठी आईची प्रेरणादायी जिद्द

Beed Woman Wins Marathon News: ना पायात महागडे बूट, ना अंगावर ट्रॅक पॅन्ट, ना कोणी शिकवायला कोच. साधी सुती साडी, रोजच्या वापरातली चप्पल आणि मनात दोन लेकींना शिकवायचं स्वप्न. अंबाजोगाईच्या एका महिलेने जे करून दाखवलं, त्याने मोठमोठ्या धावपटूंना सुद्धा मागे टाकलं आहे. रमाबाई रणवीर वय वर्ष ४७ बीडच्या अंबाजोगाईत लोकांच्या घरी स्वयंपाकीन याचं काम करत आपल्या संसार चालवत आहेत.

शनिवारी सकाळी शहरात एका धावण्याच्या स्पर्धेचं आयोजन केलं होतं. भारतीय शिक्षण प्रसारक संस्थेच्या खोलेश्वर शाळेच्या अमृत महोत्सवानिमित्त ही ‘अमृत दौड‘ ठेवली होती. छत्रपती शिवाजी महाराज चौकापासून ते भगवानबाबा चौकापर्यंत ही शर्यत होती. Beed Marethon Viral Video:

लेकीच्या सुखासाठी आईचे धाडस

या शर्यतीसाठी कॉलेजचे तरुण-तरुणी, ट्रॅक सूट घालून, कानात गाणी लावून आले होते. सगळे तयारीत होते. त्याच गर्दीत अगदी शेवटच्या रांगेत रमाबाई उभ्या होत्या. अंगावर रोजचीच साडी. लोकांना वाटलं, बघायला आल्या असतील. कुणाच्याच लक्षात नव्हतं त्या धावणार आहेत.शिट्टी वाजली आणि शर्यत सुरू झाली. सगळे तरुण पोरं सुसाट पळायला लागले. रमाबाई पण धावू लागल्या.

बेटी की पढ़ाई के लिए नंगे पैर दौड़ी मां, मैराथन में जीते 3 हजार रुपए ताकि भरे फ़ीस
.बीड के अंबाजोगाई में लड़कियों की पढ़ाई के लिए खाना बनाने वाली एक मां ने दौड़कर मैराथन जीत ली है।
रमाबाई रणवीर (उम्र 47) ने खोलेश्वर एजुकेशनल कॉम्प्लेक्स के अमृत जयंती वर्ष के मौके पर आयोजित अमृत… pic.twitter.com/1FefTr7yit — Preeti Sompura (@sompura_preeti) August 31, 2026

सुरुवातीला त्या मागेच होत्या. थोडं अंतर गेल्यावर त्यांच्या पायातली स्लीपर सारखी निसटायला लागली. तर त्यांनी चप्पल काढली, हातात धरली आणि थेट अनवाणी पळायला सुरुवात केली.रस्ता पावसामुळे ओला झाला होता, गार होता. मात्र, पायाला छोटे- छोटे दगड टोचत होते. पण त्यांनी थांबायचं नाव घेतलं नाही. एका हातात चप्पल, दुसऱ्या हाताने साडीचा पदर सावरत त्या पळत होत्या. हळूहळू एक एकजण मागे पडत गेला. ट्रॅकसूट वाल्या मुलींना सुद्धा त्यांनी मागे टाकत त्यांनी फिनिश लाईन पार केली.

एका बाईने पहिला नंबर पटकावला

लोकांना पहिले विश्वास बसत नव्हता. अनवाणी पळणाऱ्या एका बाईने पहिला नंबर पटकावला होता. टाळ्यांचा एकच कडकडाट झाला. अनेकांच्या डोळ्यात पाणी आलं. आयोजकांनी त्यांना तीन हजार रुपयांचं बक्षीस दिलं. बक्षीस घेताना त्यांना विचारलं तेव्हा त्या फक्त एवढंच म्हणाल्या, “रोज लेकींसाठी, त्यांच्या पोटापाण्यासाठी धावते, आज स्वतःसाठी धावले.

Nepal Flood Viral House: महापुराचा कहर, पण ‘हे’ घर ठाम! आजूबाजूचं सगळं वाहून गेलं तरी घराला धक्का नाही; VIDEO व्हायरल

घरांची जबाबदारी त्याच्यावर

रमाबाईंची कहाणी खूप वेदनादायी आहे. काही वर्षांपूर्वी त्यांच्या पतीचं निधन झालं. दोन लहान मुली पदरात होत्या. त्यांना शिकवायचं होतं, मोठं करायचं होतं. म्हणून त्यांनी आपलं गाव हिंगोली सोडलं आणि अंबाजोगाईत आल्या. इथे चार घरचं स्वयंपाकाचं काम करून त्या दोन्ही मुलींना शिकवत आहेत.त्यांच्याकडे कुठलीच सुविधा नाही, तरीही त्यांच्यातली जिद्द आज हजारो लोकांसाठी प्रेरणा बनली आहे.

भक्ती की अंधश्रद्धा? कचऱ्याच्या डब्यालाच मानले देव; जल अर्पण करून लावला टिळक; Video Viral