सोमवार, 7 सप्टेंबर 2026
Ganeshotsav Viral Video: ना स्टेज, ना मोठा सेटअप… (फोटो सौजन्य- सोशलमीडिया)
Ganpati Song Viral Dance Video: आपल्या लाडक्या बाप्पाच्या आगमनाला आता काहीच दिवस राहिले आहेत. घरा-घरात बाप्पाच्या स्वागताची तयारी सुरुच असून बाजारात मंडपात एक वेगळाच उत्साह पाहायला मिळतोय. पण हा उत्साह फक्त घरापुरता नसून शाळांमध्ये सुद्धा तितकाच दिसतोय. नाशिक जिल्ह्यातल्या एका जिल्हा परिषदेच्या शाळेने तर सगळ्यांचे लक्ष वेधून घेतलं आहे. शिक्षक आणि विद्यार्थ्यांची एक भन्नाट रील सध्या सोशल मीडियावर तुफान व्हायरल होतेय. Ganeshotsav Viral Video:
जिल्हा परिषद प्राथमिक शाळा, भादगोट (देवघट), तालुका मालेगाव, जिल्हा नाशिक ही आहे. इथल्या शिक्षकांनी आणि लहान मुलांनी मिळून ‘सण गौरी गणपतीचा आला’ या गाण्यावर एकदम धमाल डान्स केला. व्हिडीओ पाहताना नक्कीच तुमच्या चेहऱ्यावर हसू उमटेल. लहान मुलांचा निरागसपणा, त्यांची मस्ती आणि शिक्षकांचा त्यांच्यात मिसळून नाचणं हे सगळं खूप भारी वाटतं. या रीलला त्यांनी एक मस्त कॅप्शन पण दिलं आहे – “POV: आमच्यासोबत बाप्पा आणि बाप्पासोबत मस्ती.. असा वर्षातला सगळ्यात भारी काळ”. Viral Video:
गणपती घरी आल्यावर एक वेगळीच ऊर्जा निर्माण होते. शाळेत हा आनंदात साजरे करण्यात येईल असे या व्हिडिओमध्ये दिसतयं नेहमी अभ्यास, गृहपाठ, शिस्त यात असलेले शिक्षक जेव्हा मुलांसोबत असे मनमोकळेपणाने नाचतात तेव्हा तो क्षण खूप खास बनतो.
शिक्षक म्हणजे फक्त फळ्यावर शिकवणारे नाहीत. ते मुलांच्या आनंदात सामील होणारे मित्र पण असतात, हे या व्हिडीओने दाखवून दिलं आहे की, शिक्षक आणि विद्यार्थ्यांमधलं हे प्रेमळ नातं, हा बॉन्ड खूप महत्त्वाचा असतो. जेव्हा शिक्षक असं मुलांमध्ये मिसळतात तेव्हा मुलांना पण शाळा आपलीशी वाटते. सोशल मीडियावर ‘माझी मराठी शाळा’ या नावाने हा व्हिडीओ शेअर झाला आहे.
View this post on Instagram
लोकांना हा व्हिडीओ खूप आवडतोय. भरपूर लोक लाईक करत आहेत, कमेंट करत आहेत. बऱ्याच जणांनी लिहिलं आहे की हे बघून आम्हाला आमच्या शाळेच्या दिवसांची आठवण आली.
गणपती बाप्पा म्हणजे फक्त पूजा, आरती किंवा मोदक नाही. तर तो एकत्र येण्याचा, आनंद साजरा करण्याचा आणि आठवणी बनवण्याचा सण आहे. या छोट्याशा शाळेने हेच दाखवून दिलं आहे. “बाप्पा आला की मस्ती तर बनती है!” हेच या व्हिडीओत दिसतंय.आजकाल जिथे सगळीकडे मोबाईल, रीलचं वेड आहे, तिथे अशा रील खूप काही शिकवून जातात.
दारू पिऊन बनला तपस्वी! नशेत उड्डाणपुलाच्या छतावर चढून तरुण करू लागला साधना; Video Viral
जिल्हा परिषदेच्या शाळेत पण असे उपक्रम होतात, शिक्षक मुलांना इतकं जीव लावतात, हे बघून खूप बरं वाटतं. पुस्तकातल्या ज्ञानापेक्षा असे काही क्षण असतात जे आयुष्यभर लक्षात राहतात. मालेगावच्या या शाळेने तोच क्षण अनुभवला आहे आणि सगळ्यांसोबत शेअर केला आहे.
