‘तेल अवीव, हैफा बनणार राखेचे ढिगारे…’ इराणने दिली इस्रायलला जगाच्या नकाशावरून पुसून टाकायची धमकी

इराणच्या रिव्होल्युशनरी गार्ड्स (IRGC) चे वरिष्ठ जनरल इब्राहिम जबारी यांनी इस्रायलवर मोठ्या क्षेपणास्त्र हल्ल्याची धमकी दिली आहे. हा हल्ला इस्रायलला नेस्तनाबूत करेल आणि तेल अवीव व हैफा यांसारखी प्रमुख शहरे नष्ट होतील.

इराणच्या रिव्होल्युशनरी गार्ड्स (IRGC) चे वरिष्ठ जनरल इब्राहिम जबारी यांनी इस्रायलवर मोठ्या क्षेपणास्त्र हल्ल्याची धमकी दिली आहे. ( फोटो सौजन्य : सोशल मीडिया)

Follow Us:

Follow Us:

तेहरान : इराणच्या रिव्होल्युशनरी गार्ड्स (IRGC) चे वरिष्ठ जनरल इब्राहिम जबारी यांनी इस्रायलवर मोठ्या क्षेपणास्त्र हल्ल्याची धमकी दिली आहे. त्यांनी जाहीरपणे सांगितले की, हा हल्ला इस्रायलला नेस्तनाबूत करेल आणि तेल अवीव व हैफा यांसारखी प्रमुख शहरे राखेत परिवर्तित होतील. या इशाऱ्यानंतर इस्रायलकडूनही तीव्र प्रतिक्रिया देण्यात आली असून, दोन्ही देशांतील तणाव कमालीचा वाढला आहे.

इराणकडून ‘ऑपरेशन ट्रू प्रॉमिस 3’ची घोषणा

इराणी मीडियाच्या माहितीनुसार, जनरल जबारी यांनी ‘ऑपरेशन ट्रू प्रॉमिस 3’ या मोहिमेअंतर्गत इस्रायलवर हल्ला करण्याचा इशारा दिला आहे. त्यांच्या म्हणण्यानुसार, ही मोहीम अचूकतेने आणि योग्य वेळी राबवली जाईल, ज्यामुळे इस्रायलचा संपूर्ण विनाश होईल. गुरुवारी ‘द ग्रेट एक्सरसाइज ऑफ पैगंबर मोहम्मद पॉवर’ या लष्करी सरावादरम्यान त्यांनी निमलष्करी दलांना संबोधित करताना हे वक्तव्य केले. या पार्श्वभूमीवर, इराणच्या सर्वोच्च नेते अयातुल्ला अली खामेनी यांनी देशाच्या क्षेपणास्त्र क्षमतेत वाढ करण्याचे आदेश दिले आहेत. या निर्णयामुळे इराणची लष्करी ताकद अधिक मजबूत होणार असून, भविष्यातील संघर्षात त्याचा प्रभाव दिसून येईल.

जागतिक घडामोडी संबंधित बातम्या वाचण्यासाठी येथे क्लिक करा : मानवतेवर पुन्हा संकट? चीनमध्ये सापडला कोरोनासारखा नवा विषाणू, प्राण्यांपासून माणसात पसरण्याचा धोका

अमेरिकेलाही इराणचा इशारा

इराणने केवळ इस्रायललाच नव्हे, तर अमेरिकेलाही थेट इशारा दिला आहे. जनरल जबारी यांच्या म्हणण्यानुसार, अमेरिकेचा येमेनमध्ये हस्तक्षेप कधीही यशस्वी होणार नाही. तसेच, लेबनॉन, इराक आणि पॅलेस्टाईनमधील प्रतिकार मोर्चे पूर्ण तयारीत आहेत आणि इस्रायल-अमेरिकेला तीव्र प्रतिकार करण्यास सक्षम आहेत. इराणच्या या भूमिकेमुळे संपूर्ण मध्य पूर्वेत अस्थिरता वाढण्याची शक्यता आहे.

If the Jewish people have learned anything from history, it is this:
if your enemy says his goal is to annihilate you – believe him.
We are ready. https://t.co/UOrSmhPlg8

— Gideon Sa’ar | גדעון סער (@gidonsaar) February 21, 2025

credit : social media

इस्रायलकडून कठोर प्रत्युत्तर

इराणच्या धमकीवर इस्रायलच्या परराष्ट्र मंत्री गिडॉन यांनी त्वरित प्रतिक्रिया दिली. ट्विटरवर त्यांनी स्पष्ट शब्दांत म्हटले की, इस्रायल इराणच्या धमक्यांकडे गांभीर्याने पाहत आहे आणि स्वतःचा बचाव करण्यास पूर्णतः तयार आहे. त्यांच्या मते, “इतिहास आपल्याला शिकवतो की, जर शत्रू तुमचा नाश करण्याचा विचार करत असेल, तर त्याचा विश्वास ठेवावा आणि योग्य तयारी करावी.” इस्रायलने इराणच्या कोणत्याही हल्ल्यासाठी सज्ज असल्याचे जाहीर केले असून, कोणतीही चिथावणीखोर कृती केल्यास इराणला जोरदार प्रत्युत्तर दिले जाईल.

जागतिक घडामोडी संबंधित बातम्या वाचण्यासाठी येथे क्लिक करा : आर्क्टिकवरील वर्चस्वासाठी महासत्ता आमने-सामने; चीन-रशिया विरुद्ध अमेरिका

इराणची वाढती लष्करी ताकद आणि भविष्यातील धोके

2024 हे वर्ष इस्रायल आणि इराणसाठी अत्यंत धोकादायक राहिले. दोन्ही देशांनी एकमेकांवर क्षेपणास्त्र हल्ले केले, मात्र फारसे नुकसान झाले नाही. इराणसाठी हे वर्ष आव्हानात्मक होते, कारण सीरिया आणि लेबनॉनमधील त्याचे सहकारी मोठ्या नुकसानीला सामोरे गेले. मात्र, त्या धक्क्यातून सावरत इराण सध्या लष्करी सराव वाढवून आपली ताकद मजबूत करत आहे. इराणच्या वाढत्या आक्रमकतेमुळे इस्रायल आणि अमेरिका अत्यंत सतर्क झाले आहेत. येत्या काळात दोन्ही देशांतील संघर्ष अधिक तीव्र होण्याची शक्यता असून, संपूर्ण मध्य पूर्व या तणावाच्या भोवऱ्यात सापडण्याची भीती आहे.

Web Title: An iranian general warned of an imminent missile attack to destroy israel including tel aviv and haifa nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com