Iran Israel War : ‘आम्हाला युद्ध नको, पण हल्ले थांबले नाहीत तर….’ इराणच्या परराष्ट्रमंत्र्यांनी इस्रायलवर उठवली टीकेची झोड

Iran on Trump: काट्झ यांनी एका मुलाखतीत म्हटले आहे की, इस्रायलने इराणवर अलिकडेच केलेले हल्ले त्यांची अणुक्षमता कमकुवत करण्याच्या उद्देशाने होते. याबाबत वाचा सविस्तर.

Iran Israel War : ‘आम्हाला युद्ध नको, पण हल्ले थांबले नाहीत तर....’ इराणच्या परराष्ट्रमंत्र्यांनी इस्रायलवर उठवली टीकेची झोड ( फोटो सौजन्य : सोशल मीडिया)

Follow Us:

Follow Us:

Iran FM Araghchi ceasefire : इराण आणि इस्रायल यांच्यातील तणाव पुन्हा एकदा शिगेला पोहोचला आहे. इराणचे परराष्ट्र मंत्री अब्बास अराघची यांनी इस्रायलला स्पष्ट शब्दांत इशारा दिला आहे की, त्यांच्या देशाला कोणत्याही प्रकारचा संघर्ष घडवून आणण्याचा हेतू नाही, परंतु इस्रायलने जर हल्ले थांबवले नाहीत, तर इराणही शांत बसणार नाही. अराघची यांनी इस्रायलचा उल्लेख “झायनिस्ट राजवट” असा करत, अलीकडील हल्ल्यांना “गंभीर आणि उद्दाम कारवाया” असे संबोधले. ते म्हणाले की, “इराणकडे शांततेचा पर्याय खुला आहे, पण यासाठी दोन्ही बाजूंनी सहमती आवश्यक आहे. एकतर्फी युद्धबंदी आम्ही मान्य करणार नाही.”

अणु प्रकल्पांवर गंभीर हल्ले – नुकसान मोठं

इस्रायलने इराणच्या अणुउर्जा प्रकल्पांवर अलीकडे केलेल्या हवाई हल्ल्यांमुळे गंभीर नुकसान झाले आहे. याविषयी बोलताना अराघची यांनी कबूल केले की, नुकसान “गंभीर आणि मोठ्या प्रमाणात” झाले आहे. तथापि, त्यांनी आंतरराष्ट्रीय अणुऊर्जा एजन्सी (IAEA) निरीक्षकांना चौकशीसाठी परवानगी देण्यास नकार दिला आहे.ते म्हणाले, “आम्ही आतापर्यंत आमच्या अणु कार्यक्रमाची स्वतंत्रपणे समीक्षा करत आहोत. योग्य वेळ आल्यावर आम्ही आमचे पुढील राजनैतिक धोरण जाहीर करू.”

जागतिक घडामोडी संबंधित बातम्या वाचण्यासाठी येथे क्लिक करा : ट्रम्प यांची घोषणा; ‘लवकरच भारतासोबतही मोठा व्यापार करार’, चीन-अमेरिका करारानंतर नवा संकेत

इराण-इस्रायल संघर्ष: आणखी एक युद्धाचं टोक?

पश्चिम आशियातील इराण आणि इस्रायलमधील संघर्ष दीर्घकाळापासून सुरू आहे. मात्र, अलीकडील काही आठवड्यांमध्ये इस्रायलच्या लष्करी कारवायांनी हा संघर्ष अधिक चिघळवला आहे. इस्रायलचे परराष्ट्र मंत्री इस्राएल काट्झ यांनी नुकत्याच दिलेल्या मुलाखतीत सांगितले होते की, “इराणच्या अणु क्षमतेला कमकुवत करण्यासाठीच हे हल्ले केले गेले.” त्याचवेळी इराणकडून मिळणारे उत्तर अधिक तीव्र बनू शकते, असा इशारा जागतिक विश्लेषकांनीही दिला आहे.

अमेरिकेवरही इराणचा अविश्वास

इराणने अमेरिकेचे माजी अध्यक्ष डोनाल्ड ट्रम्प यांच्या अलीकडील विधानांवरही तिखट प्रतिक्रिया दिली आहे. ट्रम्प यांनी NATO परिषदेदरम्यान सांगितले होते की, “इराण अमेरिकेशी करार करण्यास तयार आहे, आणि लवकरच चर्चा होणार आहे.” मात्र, इराणचे परराष्ट्र मंत्री अराघची यांनी हे विधान फेटाळून लावले. त्यांनी ठामपणे सांगितले की, “अशा कोणत्याही चर्चा नियोजित नाहीत. ट्रम्प यांचा दावा पूर्णतः खोटा आहे.”

व्हाईट हाऊसही सावध, ट्रम्पपासून अंतर

या प्रकरणात विशेष बाब म्हणजे व्हाईट हाऊसनेही ट्रम्पच्या विधानांपासून स्वतःला दूर केले आहे. व्हाईट हाऊसच्या प्रेस सेक्रेटरी कॅरोलिन लेविट यांनी पत्रकार परिषदेत स्पष्ट केले की, “अमेरिका आणि इराणमध्ये सध्या कोणतीही अधिकृत बैठक नियोजित नाही. कतारसारख्या मध्यपूर्वेतील देशांशी संपर्क सुरू आहे, पण अद्याप कोणतीही चर्चा निश्चित झालेली नाही.”

जागतिक घडामोडी संबंधित बातम्या वाचण्यासाठी येथे क्लिक करा : ढाकामध्ये दुर्गा मंदिराची तोडफोड; भारताने बांगलादेश सरकारला फटकारले, हिंदू सुरक्षेचा प्रश्न ऐरणीवर

संघर्षाची शक्यता कायम

सध्याच्या घडामोडी पाहता, इराण आणि इस्रायलमधील तणाव लवकर मिटण्याची शक्यता कमीच आहे. इराणने आपली भूमिका स्पष्ट करताना शांततेची तयारी दाखवली असली, तरी इस्रायलच्या हल्ल्यांना प्रत्युत्तर देण्यास ते तयार असल्याचे स्पष्ट केले आहे. या परिस्थितीत युद्धाची ठिणगी कधीही पेटू शकते, आणि त्यामुळे संपूर्ण पश्चिम आशियात अस्थिरता निर्माण होण्याची शक्यता वाढली आहे. अमेरिकेची अस्पष्ट भूमिका आणि इराणचा वाढता संशय यामुळे जागतिक राजकारणात नवा संघर्ष उद्भवण्याचे संकेत मिळत आहेत.

Web Title: Iran fm araghchi no ceasefire yet but if israel stops iran will too

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com