रविवार, 18 ऑक्टोबर 2026
फोटो सौजन्य AI
या मोहिमेमुळे महिलांनी आपला आवाज उठवण्यासाठी नवे व्यासपीठ आणि मार्ग निवडला आहे . आणि एकाच वेळी त्या परिसरातल्या सगळ्याच महिला तो एक व्हिडीओ प्रसारित करत असल्यामुळे तो कमीं वेळेत सगळ्यांकडे पोहोचत आहे . मात्र या सगळ्यात महिलांना धमक्याही मिळत आहेत . पण तरीही महिलांनी ही मोहीम चालवत राहण्याचे संकेत दिले आहेत , असे समजत आहे .
इराकची महिला हक्क कार्यकर्ती सारा जासिम ही सोशल मीडियाच्या माध्यमातून लैंगिक छळाविरोधात आवाज उठवत आहे . सार्वजनिक ठिकाणी महिलांची छेडछाड करणाऱ्या व्यक्तींचे व्हिडीओ चित्रित करून ती आपल्या सोशल मीडिया इंस्टाग्राम अकाउंटवर प्रसिद्ध करते . त्या व्हिडीओसला मोठ्या प्रमाणात लोक पाहत असून त्याच्यावर इराक मध्ये चर्चा व्हायला लागला आहेत .
यावर अनेक पीडित महिला स्वतःचे अनुभव तिच्यापर्यंत पोहचवत आहेत . या व्हिडिओच्या माध्यमातून आरोपींचे गैरवर्तन समाजासमोर आणण्याचा प्रयत्न केला जात आहे . कॅमेऱ्यात कैद झालेले व्हिडीओ न्यायालयीन कारवाईसाठी सुद्धा पुरावा ठरू शकतात तसेच आरोपीना सामाजिक पातळीवर जाब विचारण्यास मदत होत आहे . भले भारतात ही गोष्ट एवढी मोठी वाटत नसेल पण इराक सारख्या मुस्लिम धार्मिक देशात याचे महत्व आहे . तिथल्या सामाजिक रचनेला हे पोषक असल्याचे बोलले जात आहे .
Bangladesh Fire : भीषण आग ;समुद्रकिनाऱ्यावरील रिसॉर्टला आग ;१० जणांचा मृत्यू ,सहा जखमी
या मोहिमेचा परिणामही दिसू लागला आहे . एका व्हिडिओमध्ये शाळकरी मुलींना त्रास देणाऱ्या पोलीस कर्मचाऱ्याचे कथित गैरवर्तन समोर आल्यानंतर त्याला अटक करण्यात आली आहे . असे सारा जासिमने सांगितले आहे . मात्र या सगळ्याचा तिला मोठा धोकाही पत्करावा लागतोय .
तिला जीवानिशी मारण्याचे फोन msg येत आहेत . ऍसिड हल्ल्याच्या धमक्या मिळत आहेत . महिलांनी अन्यायाविरुद्ध आवाज उठवू नये अशी मानसिकता अजूनही समाजात असल्याचे कार्यकर्त्यांचे म्हणणे आहे . त्यामुळे स्वतःच्या सुरक्षेसाठी साराला सार्वजनिक ठिकाणी जाणेही मर्यादित आणि जपून करावे लागत आहे .
इराकमध्ये महिलांच्यावर अत्याचार केल्यानंतर आरोपीला कठोर शिक्षा व्हावी अशा कायद्याची गरज असल्याचे आता बोलले जात आहे . सध्याच्या दंडसंहितेत स्पष्टपणे गुन्हा ठरवण्याच्या तरतुदीचा अभाव असल्याची टीका महिला हक्क कार्यकर्त्यांकडून केली जात आहे . मात्र सोशल मीडियावर अवलंबून न राहता आता सामाजिक आणि प्रशासकीय लोकांकडून मदत होणे गरजेचे असल्याचे बोलले जात आहे . सगळ्यामुळे सध्या तरी महिलांच्या बाजूने वातावरण बनत असून हे महिलांच्या फायद्याच हे असल्याचे बोलले जात आहे .
