Mexican drug trafficker Joaquin Guzman Loera aka "el Chapo Guzman" (C), is escorted by marines as he is presented to the press on February 22, 2014 in Mexico City. Mexican drug lord Joaquin "El Chapo" Guzman has escaped from a maximum-security prison for the second time in 14 years, sparking a massive manhunt Sunday and dealing an embarrassing blow to the government. AFP PHOTO/Alfredo Estrella (Photo credit should read ALFREDO ESTRELLA/AFP/Getty Images)
नवी दिल्ली – मेक्सिकोतील ड्रग माफिया एल चापोचा मुलगा ओविडिओ गुझमन-लोपेझ (Ovidio Guzman lopez) याच्या अटकेनंतर सुरू झालेल्या गोंधळाचे रुपांतर रक्तरंजित दंगलीत झाले. यात दंगलीत आतापर्यंत 19 हल्लेखोर आणि 10 सुरक्षा कर्मचाऱ्यांचा मृत्यू झाला.
मेक्सिकोचे संरक्षण मंत्री लुईस क्रेसेन्सियो सँडोवाल यांनी सांगितले की, गोळीबार करणाऱ्या २१ आरोपींना अटक करण्यात आली आहे. यादरम्यान 35 सुरक्षा कर्मचारी जखमी झाले. परिस्थिती नियंत्रणात आणण्यासाठी बंदूकधारी हेलिकॉप्टर आकाशात तैनात करण्यात आले आहेत.
ओविडिओला गुरुवारी सकाळी सिनालोआ राज्यातील कुलियाकन शहरात अटक करण्यात आली. त्याला हेलिकॉप्टरने मेक्सिको सिटीमध्ये नेण्यात आले. उच्च सुरक्षा तुरुंगात ठेवण्यात आले. यानंतर ओविडिओच्या टोळीतील सदस्यांनी दंगल सुरू केली. त्यांनी रस्ते अडवले. वाहने पेटवली आणि दोन विमानांवर गोळीबार केला. संरक्षणमंत्र्यांच्या म्हणण्यानुसार या काळात एकाही नागरिकाचा मृत्यू झाला नाही. दंगल आटोक्यात आणण्यात आली असून सामान्य नागरिकांच्या सुरक्षेसाठी आणखी एक हजार सैनिक पाठविण्यात आले आहेत.
दंगलीनंतर सिनालोआ राज्यात कडक सुरक्षा व्यवस्था करण्यात आली आहे. सर्वसामान्य नागरिकांच्या सुरक्षेसाठी १ हजार अतिरिक्त सैनिक पाठवण्यात आले आहेत. 9 ते 11 जानेवारी दरम्यान मेक्सिकोमध्ये नॉर्थ अमेरिकन लीडर्स समिटही होणार आहे. त्यात सामील होण्यासाठी अमेरिकेचे राष्ट्राध्यक्ष जो बिडेन 8 जानेवारीला मेक्सिकोला पोहोचणार आहेत.
डिसेंबर 2022 मध्ये, अमेरिकेने ओविडिओ आणि त्याच्या भावांबद्दल माहिती देणाऱ्या व्यक्तीला $5 दशलक्ष किंवा 41.3 कोटी रुपयांचे बक्षीस जाहीर केले होते. यूएस स्टेट डिपार्टमेंटच्या मते, ओव्हिडिओ आणि त्याचे भाऊ सिनालोआमध्ये 11 मेथॅम्फेटामाइन लॅब चालवतात. जिथे दर महिन्याला 1,300 ते 2,200 किलो औषधे तयार होतात.
