VIDEO VIRAL : मायक्रोसॉफ्टचे हात रक्ताने माखले… बिल गेट्सच्या उपस्थितीत कंपनीच्या 50 व्या वर्धापन दिनाच्या पार्टीत गोंधळ

जगातील दिग्गज टेक कंपनी मायक्रोसॉफ्टच्या 50व्या वर्धापन दिन सोहळ्यात प्रचंड गोंधळ उडाला. इस्रायली लष्कराला कृत्रिम बुद्धिमत्ता (AI) तंत्रज्ञान विक्री केल्याच्या आरोपावरून कर्मचाऱ्यांनी जोरदार निदर्शने केली.

मायक्रोसॉफ्टच्या 50व्या वर्धापनदिन सोहळ्यात गोंधळ! इस्रायली लष्कराला AI तंत्रज्ञान पुरवल्याच्या आरोपावरून कर्मचाऱ्यांचा तीव्र विरोध ( फोटो सौजन्य : सोशल मीडिया)

Follow Us:

Follow Us:

वॉशिंग्टन : जगातील दिग्गज टेक कंपनी मायक्रोसॉफ्टच्या 50व्या वर्धापन दिन सोहळ्यात प्रचंड गोंधळ उडाला. इस्रायली लष्कराला कृत्रिम बुद्धिमत्ता (AI) तंत्रज्ञान विक्री केल्याच्या आरोपावरून कर्मचाऱ्यांनी जोरदार निदर्शने केली. मायक्रोसॉफ्टच्या AI विभागाचे सीईओ मुस्तफा सुलेमान, कंपनीचे सहसंस्थापक बिल गेट्स आणि माजी सीईओ स्टीव्ह बाल्मर मंचावर उपस्थित असताना हा विरोध सुरू झाला. गाझा आणि लेबनॉनमधील युद्धांमध्ये या तंत्रज्ञानाचा वापर करण्यात आल्याचे आरोप करण्यात आले असून, कंपनीच्या धोरणांवर मोठे प्रश्न उपस्थित झाले आहेत.

वर्धापनदिनाच्या सोहळ्यात गोंधळाचे वातावरण

मायक्रोसॉफ्टच्या मुख्यालयात या ऐतिहासिक सोहळ्याचे आयोजन करण्यात आले होते. कंपनीच्या यशाचा आढावा घेत विविध नवीन AI उत्पादनांविषयी माहिती दिली जात असतानाच कर्मचाऱ्यांच्या एका गटाने घोषणाबाजी करत निषेध नोंदवला. इस्रायली लष्कराला AI तंत्रज्ञान विकण्याच्या निर्णयाविरोधात हे आंदोलन होते. कर्मचाऱ्यांनी मायक्रोसॉफ्टच्या नेतृत्वावर गंभीर आरोप करत, “संपूर्ण कंपनीच्या हाताला रक्त लागले आहे,” असे म्हटले.

कर्मचारी इब्तिहाल अबू साद यांनी स्टेजवर धाव घेत तीव्र संताप व्यक्त केला. त्यांनी “तुम्ही नरसंहार भडकवत आहात! तुम्हाला लाज वाटली पाहिजे!” असे सांगत मायक्रोसॉफ्टच्या धोरणांवर प्रश्नचिन्ह उपस्थित केले. त्यांनी पुढे म्हटले की, “तुम्ही म्हणता की, तुम्हाला AI मानवहितासाठी वापरायचा आहे, पण मायक्रोसॉफ्ट इस्रायली सैन्याला AI शस्त्रे विकते. 50 हजार लोकांचा बळी गेला आहे, आणि त्याला तुम्ही जबाबदार आहात!”

जागतिक घडामोडी संबंधित बातम्या वाचण्यासाठी येथे क्लिक करा : Donald Trump: ट्रम्प यांनी मित्रांनाही नाही सोडले, एलोन मस्क आणि जेफ बेझोसला अब्जावधी डॉलर्सचा फटका

इस्रायली लष्कराला AI विक्रीचा आरोप

असोसिएटेड प्रेसने प्रसिद्ध केलेल्या अहवालानुसार, गाझा आणि लेबनॉनमधील युद्धांदरम्यान मायक्रोसॉफ्ट आणि ओपन AI च्या तंत्रज्ञानाचा वापर बॉम्बफेक आणि लक्ष्य निवडीसाठी करण्यात आला होता. यामुळे मायक्रोसॉफ्टच्या अनेक कर्मचाऱ्यांनी या धोरणाविरोधात आवाज उठवला आहे. कंपनीच्या तंत्रज्ञानाचा वापर युद्धात होणे हा गंभीर प्रश्न असून, यामुळे निष्पाप नागरिकांचे बळी जात असल्याचा आरोप आंदोलकांनी केला आहे.

मुस्तफा सुलेमान यांची प्रतिक्रिया

कर्मचाऱ्यांच्या या निदर्शनांदरम्यान, AI विभागाचे सीईओ मुस्तफा सुलेमान यांनी “निषेध केल्याबद्दल धन्यवाद, मी तुमचे ऐकत आहे,” असे उत्तर दिले. मात्र, कर्मचाऱ्यांचा आक्रोश अधिक वाढला. संतप्त कर्मचाऱ्यांनी मंचावरच पॅलेस्टिनी समर्थनाचे प्रतीक मानला जाणारा केफियेह स्कार्फ फेकला. यानंतर सुरक्षा कर्मचाऱ्यांनी अबू साद यांना कार्यक्रमाबाहेर काढले.

Pro-Palestinian Protest Disrupts Microsoft’s 50th Anniversary over Israel AI Contract!#Microsoft’s 50th anniversary celebration in Redmond, Washington, was disrupted on Friday when a pro-Palestinian protester confronted company executives over Microsoft’s alleged involvement in… pic.twitter.com/SWDahLadfw

— The Asian Chronicle (@AsianChronicle) April 5, 2025

credit : social media

आंदोलक कर्मचाऱ्यांवर कारवाईची शक्यता

या निषेधानंतर आंदोलक कर्मचाऱ्यांचे कंपनी पोर्टलवरील प्रवेश बंद करण्यात आले आहे. त्यांना कंपनीतून निलंबित किंवा बडतर्फ करण्यात आल्याची शक्यता वर्तवली जात आहे. मायक्रोसॉफ्टकडून या संदर्भात कोणतेही अधिकृत वक्तव्य आलेले नाही, मात्र कर्मचारी संघटनांनी कंपनीच्या धोरणांवर पुन्हा आक्षेप घेतले आहेत.

मायक्रोसॉफ्टच्या धोरणांवर प्रश्नचिन्ह

हा वाद तंत्रज्ञान क्षेत्रातील नैतिकतेच्या चर्चेला नवी दिशा देतो. कंपनीच्या AI तंत्रज्ञानाचा वापर युद्धात आणि हत्यांसाठी होत असेल, तर हे गंभीर संकट आहे, असे तज्ज्ञांचे मत आहे. मायक्रोसॉफ्टने यावर स्पष्टता देणे गरजेचे आहे.

तंत्रज्ञानाचा वापर मानवहितासाठी की युद्धासाठी?

ही घटना AI आणि तंत्रज्ञान कंपन्यांच्या सामाजिक जबाबदारीबाबत मोठे प्रश्न निर्माण करते. एका बाजूला तंत्रज्ञान मानवाच्या भल्यासाठी वापरण्याच्या गप्पा मारल्या जातात, तर दुसऱ्या बाजूला त्याचाच वापर युद्ध आणि हिंसेसाठी केला जातो. यामुळे कंपन्यांनी आपल्या नैतिक जबाबदारीची पुनर्रचना करणे आवश्यक आहे.

जागतिक घडामोडी संबंधित बातम्या वाचण्यासाठी येथे क्लिक करा : डोनाल्ड ट्रम्प यांचा व्यापारी निर्णय; भारतावरील शुल्कात एक टक्क्याची कपात, पण का?

जागतिक स्तरावर चर्चा

मायक्रोसॉफ्टच्या 50व्या वर्धापनदिन सोहळ्यात घडलेली ही घटना कंपनीसाठी गंभीर ठरणार आहे. AI तंत्रज्ञानाचा वापर शांततेसाठी व्हावा की युद्धासाठी, यावर जागतिक स्तरावर चर्चा गरजेची आहे. मायक्रोसॉफ्टला या आरोपांवर खुलासा करावा लागेल, अन्यथा त्यांच्या जागतिक प्रतिमेला मोठा धक्का बसू शकतो.

Web Title: Microsofts 50th anniversary rocked by protests over ai ties to israeli military nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com