सोमवार, 7 सप्टेंबर 2026
आखाती देशातील शेखांना दुर्मिळ पांढऱ्या ससाण्याची एवढी आवड का? भाचीसाठी लिलावात मोजले तब्बल ३.८५ कोटी रुपये ( फोटो सौजन्य : सोशल मीडिया )
संयुक्त अरब अमिरातीची (UAE) राजधानी अबू धाबी येथे आयोजित करण्यात आलेल्या जागतिक दर्जाच्या लिलावात नुकताच एक थक्क करणारा प्रकार समोर आला आहे. एका दुर्मिळ आणि अति-पांढऱ्या ससाण्यासाठी (Gyr Garmousha Falcon) तब्बल १.५ दशलक्ष युएई दिरहॅम, म्हणजेच भारतीय चलनात सुमारे ३.८५ कोटी रुपयांची बोली लावण्यात आली. आखाती देशांमधील अब्जाधीश आणि राजघराण्यांमध्ये शिकारी पक्ष्यांबद्दल असलेली वेड आणि आवड किती टोकाची असू शकते, याचे हे उत्तम उदाहरण मानले जात आहे. (Falcon Auction)
हा ऐतिहासिक सौदा अबू धाबी आंतरराष्ट्रीय शिकार आणि अश्वारोहण प्रदर्शनात (ADIHEX 2026) पार पडला. या लिलावात अबू धाबीतील शेख अल मन्सूरी यांनी आपल्या लहान भाचीची इच्छा पूर्ण करण्यासाठी ही अथांग रक्कम खर्च केली. त्या लहान मुलीला ससाणे अत्यंत प्रिय आहेत. लिलावात जेव्हा हा अत्यंत देखणा, पंखांवर शुभ्र पांढरा रंग असलेला ससाणा समोर आला, तेव्हा शेख यांनी क्षणाचाही विलंब न करता सर्वाधिक बोली लावून तो आपल्या भाचीसाठी खरेदी केला.
या दुर्मिळ ससाण्याची पैदास अमेरिकेतील प्रसिद्ध ‘मार्क मोग्लिच फाल्कन फार्म’ (Mark Moglich Falcon Farm) द्वारे करण्यात आली आहे. या पक्ष्याचे नाव ‘अल्ट्रा व्हाईट प्युअर गिर गार्मौशाह’ (Pure Ultra White Gyr Garmousha) असे आहे. याचे वजन सुमारे १ किलोग्राम असून त्याची लांबी आणि रुंदी १६.५ इंच आहे. त्याचे शरीर अत्यंत प्रमाणबद्ध असून त्याच्या अंगावरील शुभ्र पांढरी पिसे त्याला अत्यंत राजेशाही आणि आकर्षक स्वरूप देतात. ससाणा संगोपन करणाऱ्या तज्ज्ञांच्या मते, असा पूर्णपणे पांढरा आणि शुद्ध वंशाचा गिर ससाणा मिळणे अत्यंत कठीण असते. हजारो पक्ष्यांमध्ये असा एखादाच दुर्मिळ पक्षी जन्माला येतो. त्यामुळे पक्षीप्रेमी, संग्राहक आणि आखाती राजघराण्यांमध्ये या पक्ष्याला मिळवण्यासाठी मोठी स्पर्धा रंगली होती. ADIHEX 2026 च्या या आवृत्तीत विकला गेलेला हा आजवरचा सर्वात महागडा ससाणा ठरला आहे.
जागतिक घडामोडी संबंधित बातम्या वाचण्यासाठी येथे क्लिक करा : Strait of Hormuz: इराणचा US ला मोठा दणका! होर्मुझ सामुद्रधुनीत नवीन ‘प्रतिबंधित क्षेत्र’ घोषित; जागतिक तेलाच्या पुरवठ्यावर संकट
आखाती देशांमध्ये, विशेषतः संयुक्त अरब अमिराती (UAE), सौदी अरेबिया, कतार आणि कुवेतमध्ये ससाणा बाळगणे (Falconry) ही केवळ एक आवड किंवा छंद राहिलेला नाही, तर तो तिथल्या वाळवंटी संस्कृतीचा आणि वारशाचा एक मुख्य भाग आहे. प्राचीन काळात वाळवंटात जगण्यासाठी बदू जमातीचे लोक ससाण्यांचा वापर शिकारीसाठी करत असत. आजच्या आधुनिक काळात ही परंपरा आखाती देशांतील श्रीमंती, प्रतिष्ठा आणि राजेशाही थाटाचे प्रतीक बनली आहे. अब्जाधीश शेख आणि व्यावसायिक या पक्ष्यांच्या संगोपनासाठी, त्यांच्या आहारासाठी आणि वैद्यकीय उपचारांसाठी दरमहा लाखो रुपये खर्च करतात. अगदी या पक्ष्यांसाठी विमानाचे स्वतंत्र पासपोर्ट आणि फर्स्ट क्लास तिकिटे काढली जातात, यावरूनच अरब जगतात ससाण्यांचे स्थान किती उच्च आहे हे स्पष्ट होते.
RECORD-BREAKING FALCON AUCTION IN ABU DHABI! 🦅✨
A rare White Falcon was sold for an astonishing 1.5 Million AED (~$408,000 USD / ~₹3.4 Crore) at an exhibition in Abu Dhabi!
Here is how this historic moment unfolded… 👇
-Step by step- pic.twitter.com/9n6YqwwxHH — Stoicsmideas (@stoicsmideas) September 5, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : World Map: नव्या जागतिक नकाशावरून भारत-पाकिस्तान वाद पेटला; जम्मू-काश्मीरबाबत भारताच्या ठाम भूमिकेमुळे पाक संतप्त
या वर्षीच्या ADIHEX मध्ये जगभरातील ५५ हून अधिक स्थानिक व आंतरराष्ट्रीय फाल्कन ब्रीडिंग फार्म्सनी भाग घेतला होता. यामध्ये अमेरिका, ब्रिटन आणि युरोपातील अनेक नामांकित फार्म्सचा समावेश होता. या प्रदर्शनात दरवर्षी कोट्यवधी रुपयांची उलाढाल होते, जिथे जगभरातील दुर्मिळ प्रजातीचे ससाणे लिलावासाठी आणले जातात. शेख अल मन्सूरी यांनी आपल्या भाचीसाठी घेतलेला हा पांढरा ससाणा सध्या संपूर्ण सौदी आणि आखाती देशांमध्ये चर्चेचा विषय बनला आहे. एका लहान मुलीच्या आवडीसाठी ३.८५ कोटी रुपये खर्च करणाऱ्या काकांचे कौतुक होत असले, तरी या घटनेने पुन्हा एकदा आखाती देशांतील अथांग संपत्ती आणि शिकारी पक्ष्यांवरील प्रेमाचे जगभराला दर्शन घडवले आहे.
