अमेरिकेत गोळीबाराच सत्र थांबेना; टेक्सास शॉपिंग मॉलमध्ये अंदाधुंद गोळीबार, नऊ जणांचा मृत्यू, हल्लेखोर ठार

टेक्सासमधील एका शॉपिंग मॉलमध्ये गोळीबार झाला, ज्यामध्ये नऊ जण ठार तर सात जखमी झाले. पोलिसांनी हल्लेखोराला ठार केले. अॅलन पोलिस विभागाने अधिकृत ट्विटर हँडलवर लोकांना गोळीबाराच्या ठिकाणी जाणे टाळण्याचा सल्ला दिला आहे. सोशल मीडियावर शेअर केलेल्या व्हिडिओमध्ये लोक एका शॉपिंग मॉलसमोरील पार्किंगमधून पळताना दिसत आहेत.

Follow Us:

Follow Us:

अमेरिकेत गोळीबाराच्या (America Firing News) घटना काही केल्या थांबताना दिसून येत नाही आहे. वारंवांर येथे गोळीबाराच्या घटना घडत असतात. आता टेक्सासमधील अॅलन येथील अॅलन प्रीमियम आउटलेट्स मॉलमध्ये अज्ञाताने गोळीबार केल्याची घटना उघडकीस आली आहे. या गोळीबारात नऊ जणांचा मृत्यू झाला असून अनेक जण जखमी झाले आहेत. तर गोळीबार करणारा हल्लोखोरही ठार झाल्याची माहिती आहे.

[read_also content=”खलिस्तानी दहशतवादी परमजीत सिंग पंजवाडची पाकिस्तानात हत्या! सोसायटीमध्ये घुसून हल्लेखोरांनी केला गोळीबार https://www.navarashtra.com/world/khalistani-terrorist-paramjit-singh-panjwad-killed-in-pakistan-the-assailants-entered-the-society-and-opened-fire-nrps-395634.html”]

नेमकं काय घडलं?

मीडिया रिपोर्ट्सनुसार, अॅलन प्रीमियम आउटलेट्स डॅलसच्या उत्तरेकडील एक आउटडोअर मॉल आहे. न्यू यॉर्क टाईम्सने ब्रेसन जोन्स या प्रत्यक्षदर्शीनी सांगितल की, तो स्टोरटच्या आउटलेट स्टोअरमध्ये काम करण्यासाठी पोहोचला होता मात्र, कारमधून उतरताना त्याला 20 हून अधिक राऊंड गोळीबाराचा आवाज आला. त्यानंतर त्याला लोक दुकानातून बाहेर पळताना दिसले. तो पुढे म्हणाले की, एक अनोळखी व्यक्ती त्यांच्या कारकडे धावत आला आणि त्याला दरवाजे उघडण्यास सांगितले आणि त्यानंतर ते दोघेही तेथून पळून गेले.

या घटनेनंतर परिसारात पोलिसांनी सुरक्षा व्यवस्था वाढवली असून लोकांना गोळीबाराच्या ठिकाणी जाणे टाळण्याचा सल्ला दिला आहे. शेरीफच्या कार्यालयाच्या प्रवक्त्याने सांगितले की अद्याप मॉलमध्ये काही पीडित आहेत. मात्र, त्यांच्या स्थितीबद्दल माहीती होऊ शकलेलं नाही.

हल्लेखोर एकटाच होता

शहराचे पोलिस प्रमुख ब्रायन हार्वे यांनी प्रसारमाध्यमांशी बोलताना सांगितले की, हल्लेखोर बंदूकधारी एकटाच होता, त्याने अचानक गोळीबार सुरू केला. मात्र, नंतर पोलिस अधिकाऱ्यांनी त्याला गोळ्या घालून ठार केले. रॉयटर्सच्या वृत्तानुसार, शेकडो पोलिस कर्मचाऱ्यांनी पहारा देत हात वर करून लोक मॉलमधून बाहेर पडताना दिसले.

Web Title: Shooting at texas shopping mall in america 9 dead attacker killed nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com