Pahalgam Terror Attack: पहलगाम दहशतवादी हल्ला, टीआरएफच्या ‘फाल्कन स्क्वॉड’ने देशाला पुन्हा हादरवले, २६ निष्पापांचे बळी ( फोटो सौजन्य : सोशल मीडिया)
श्रीनगर : जम्मू-काश्मीरमधील शांततामय आणि रमणीय पहलगाम परिसर पुन्हा एकदा रक्तरंजित झाला आहे. नुकत्याच झालेल्या दहशतवादी हल्ल्यात २६ निष्पाप नागरिकांचा बळी गेला असून, अनेक जण गंभीर जखमी झाले आहेत. या भयावह हल्ल्याची जबाबदारी ‘टीआरएफ’ या दहशतवादी संघटनेने स्वीकारली आहे. विशेष म्हणजे, ‘फाल्कन स्क्वॉड’ या संघटनेच्या विशेष पथकाने हा हल्ला केल्याचे समोर आले आहे.
टीआरएफ म्हणजे ‘द रेझिस्टन्स फ्रंट’, ही दहशतवादी संघटना लष्कर-ए-तैयबा या आंतरराष्ट्रीय दहशतवादी संघटनेशी निगडीत आहे. काश्मीरमध्ये अस्थिरता पसरवणे हे यांचे प्रमुख उद्दिष्ट असून, अनेक वेळा सामान्य नागरिकांवर व सुरक्षादलांवर हल्ले करण्यात आले आहेत. या हल्ल्याची भीषणता आणखी वाढवणारा भाग म्हणजे टीआरएफचे ‘फाल्कन स्क्वॉड’ हे विशेष पथक. या पथकाचे नावच त्यांच्या कार्यपद्धतीचे प्रतीक आहे. ‘फाल्कन’ म्हणजे गरुड – झपाट्याने झडप घालणारा आणि तेवढ्याच चपळाईने निघून जाणारा पक्षी. हे पथकही त्याच धर्तीवर काम करते – पाच ते दहा मिनिटांत हल्ला करून तत्काळ परिसर सोडून देणे, ही त्यांची खासियत आहे.
जागतिक घडामोडी संबंधित बातम्या वाचण्यासाठी येथे क्लिक करा : पाकिस्तानला ‘बालाकोट 2.0’ ची भीती; भारतीय सीमेवर AEW&C विमानांची तैनाती, हाय अलर्ट घोषित
पहलगाम हल्ला अतिशय नियोजनबद्ध पद्धतीने करण्यात आला होता. टार्गेट स्पष्ट होते – सामान्य नागरिकांमध्ये भीती निर्माण करणे आणि काश्मीरमधील शांततेच्या प्रयत्नांना तडा देणे. गोळीबारात २६ नागरिकांचा मृत्यू झाला, ज्यामध्ये महिला, वृद्ध आणि काही पर्यटकांचाही समावेश होता. हल्ल्याच्या प्रकारावरून हे स्पष्ट होते की फाल्कन स्क्वॉडचे प्रशिक्षित दहशतवादी अचूक माहिती आणि योजनांसह काम करत होते. त्यांनी अत्यल्प वेळेत हल्ला करून कुठलेही ठोस पुरावे मागे न ठेवता पळ काढला.
The level of shamelessness from the people we are trying to have a peaceful neighbourhood Right after the attack lashar-e-taibas group The resistance front TRF made a video claiming the attack, they killed people asking their religion if they were Hindus #PahalgamTerroristAttack pic.twitter.com/eZoGlcCm4x — 𝑷𝑨𝑩𝑳𝑶 𝑬𝑺𝑪𝑶𝑩𝑨𝑹 𝕏 (@hoosier_ddaddyy) April 22, 2025
credit : social media
या हल्ल्यानंतर भारतीय लष्कर, राष्ट्रीय रायफल्स, सीआरपीएफ आणि जम्मू-काश्मीर पोलिस यांच्या संयुक्त विद्यमाने फाल्कन स्क्वॉडच्या दहशतवाद्यांचा शोध घेण्यासाठी मोठी मोहीम हाती घेण्यात आली आहे. अत्याधुनिक तंत्रज्ञानाचा वापर, ड्रोन निरीक्षण, गुप्तचर माहिती आणि स्थानिक सहकार्य यांच्या आधारावर दहशतवाद्यांना पकडण्यासाठी प्रयत्न सुरू आहेत. सुरक्षादलांचे एकच उद्दिष्ट – या गरुडाच्या पंखांना छाटणे आणि टीआरएफच्या हल्ल्यांवर कायमचा आघात करणे.
विशेषज्ञांच्या मते, फाल्कन स्क्वॉड हे टीआरएफचे ‘एलिट’ दस्ते आहेत, जे विशेष प्रशिक्षण घेतलेले असून, सीमापारून चालवल्या जाणाऱ्या दहशतवादी धोरणांचा भाग आहेत. यांची कामगिरी ही अधिक प्रचंड मानसिक परिणाम घडवून आणण्याची असते – जिथे कमी वेळेत जास्त भीती निर्माण होते. हे दस्ते हल्ला करून नष्ट न होता निसटतात, त्यामुळे यांचा शोध घेणे अधिक कठीण ठरते. अतिशय हलक्या वजनाचे हत्यार, विशिष्ट कोड वागणूक, स्थानिकांमध्ये मिसळण्याची क्षमता यामुळे हे दस्ते अत्यंत धोकादायक मानले जातात.
जागतिक घडामोडी संबंधित बातम्या वाचण्यासाठी येथे क्लिक करा : LAC वर ड्रॅगनची मोठी तयारी; सॅटेलाईट इमेजेसमुळे भारताचा तणाव आणखी वाढला
या भीषण हल्ल्यानंतर देशभरातून संताप व्यक्त केला जात आहे. केंद्र सरकारने काश्मीरमधील सुरक्षेची पुनर्तपासणी करण्याचे आदेश दिले असून, शांतता भंग करणाऱ्या प्रत्येक दहशतवाद्याचा नाश करण्याचा निर्धार व्यक्त करण्यात आला आहे. या संकटाच्या पार्श्वभूमीवर, देशाची एकात्मता आणि शौर्य पुन्हा एकदा पुढे येईल यात शंका नाही. पहलगाममधील हल्ला हे केवळ एक अपप्रयत्न आहे – पण भारताचा निर्धार आणि सैन्याची तयारी, या गरुडाचा शेवट लवकरच होईल, अशी देशवासियांची ठाम अपेक्षा आहे.
