शनिवार, 14 नोव्हेंबर 2026
'आम्ही युद्धाचा कट रचत नाही किंवा त्यात सहभागीही नाही', ट्रम्पच्या १००% कर लावण्याच्या आवाहनाला चीनची प्रतिक्रिया ( फोटो सौजन्य : सोशल मीडिया)
China rejects 100% tariffs : जगातील आंतरराष्ट्रीय राजकारण पुन्हा एकदा तापले आहे. रशियाच्या तेल खरेदीवरून अमेरिका, नाटो देश, चीन आणि भारत यांच्यात तणावाची नवी मालिका सुरू झाली आहे. डोनाल्ड ट्रम्प यांनी नाटो देशांना थेट आवाहन केले की, “रशियाकडून तेल खरेदी थांबवा, अन्यथा अमेरिका अधिक कठोर निर्बंध लादेल.” या पार्श्वभूमीवर चीनचे परराष्ट्र मंत्री वांग यी यांनी स्पष्ट शब्दांत प्रतिक्रिया देत सांगितले – “चीन युद्धाचा कट रचत नाही, तसेच त्यात सहभागी होणार नाही.”
अमेरिकेचे अध्यक्ष डोनाल्ड ट्रम्प यांनी नुकत्याच दिलेल्या भाषणात नाटो देशांवर नाराजी व्यक्त केली. त्यांचे म्हणणे आहे की काही युरोपीय मित्रदेश अजूनही रशियाकडून तेल खरेदी करत आहेत आणि त्यामुळे युतीची ताकद कमी होत आहे. ट्रम्प यांनी इशारा दिला की, जोपर्यंत सर्व देश एकत्र येऊन ठोस पावले उचलत नाहीत, तोपर्यंत रशियावरचे निर्बंध प्रभावी ठरणार नाहीत. त्यांनी १००% पर्यंत कर लावण्याचाही उल्लेख केला, ज्यामुळे जागतिक बाजारपेठेत नवे आर्थिक वादळ उठण्याची शक्यता वर्तवली जात आहे.
हे देखील वाचा : Nepal Kumari Devi : नेपाळची शक्तिदायिनी कुमारी देवी; आजही एक आलौकिक रहस्य, जिने आधीच वर्तवले होते देशाचे भविष्य
स्लोव्हेनियामध्ये झालेल्या भेटीत वांग यी यांनी स्पष्ट केले की युद्ध हा कधीच कोणत्याही समस्येचा उपाय नसतो. उलट, निर्बंधांमुळे तणाव वाढतो आणि परिस्थिती आणखी गुंतागुंतीची होते. त्यांचे विधान हे केवळ धोरणात्मक नसून अमेरिकेला थेट संदेश मानले जात आहे. चीनचे हे पाऊल त्यांच्या “शांतताप्रिय” प्रतिमेला अधिक ठळक करते.
रशियाकडून तेल खरेदी थांबवण्यासाठी अमेरिका सतत प्रयत्न करत आहे. भारतावर आधीच मोठे शुल्क लादण्यात आले आहे, तर चीनवर थेट निर्बंध लादले गेलेले नाहीत. पण ट्रम्प प्रशासनाने G7 देशांना सूचित केले आहे की भारत आणि चीन हे रशियाचे सर्वात मोठे ऊर्जा खरेदीदार असल्याने या दोन्ही देशांवर दबाव वाढवणे गरजेचे आहे.
#Chinese Foreign Minister Wang Yi has hit back at #Trump’s 100% tariff threat, stating that “#China does not participate in wars or plot them.” His remarks came in response to U.S. calls for allies to impose tariffs on nations purchasing Russian oil, including China. pic.twitter.com/zOVZWmzmsv — IDU (@defencealerts) September 14, 2025
credit : social media
G7 अर्थमंत्र्यांच्या बैठकीत स्कॉट बेसंट यांनी स्पष्ट केले की, “जोपर्यंत रशियाचे तेल उत्पन्न बंद होत नाही, तोपर्यंत पुतिन यांचे ‘युद्ध यंत्र’ कमकुवत होणार नाही.” त्यामुळे सर्व देशांनी एकत्र येऊन ठोस पावले उचलणे आवश्यक असल्याचे त्यांनी अधोरेखित केले.
या सर्व घडामोडींमध्ये चीनचे परराष्ट्र मंत्री वांग यी यांनी अमेरिकेचे परराष्ट्र मंत्री मार्को रुबियो यांच्याशी संवाद साधला. त्यांनी दोन्ही देशांनी आपला मार्ग सोडू नये आणि सहकार्य कायम ठेवावे असे आवाहन केले. चीनने संघर्ष टाळण्याची भूमिका घेतली असली तरी अमेरिकेच्या सततच्या इशाऱ्यामुळे तणाव वाढत असल्याचे चित्र दिसत आहे.
हे देखील वाचा : Hindi Diwas 2025 : हिंदी राष्ट्रभाषा की अधिकृत भाषा? गोंधळ दूर करण्यासाठी जाणून घ्या संविधानातील ‘हे’ महत्वाचे मुद्दे
रशियावरचे निर्बंध, चीनची भूमिका, भारतावरील दबाव आणि अमेरिकेचे कठोर पावले – या सगळ्यांचा थेट परिणाम जागतिक अर्थव्यवस्थेवर होत आहे. तेलाच्या किंमतीत होणारे चढउतार हे ग्राहकांपासून ते उद्योगजगतापर्यंत सर्वांना भेडसावणारे प्रश्न निर्माण करतात. पुढील काही महिने या संघर्षाचा जागतिक बाजारपेठेवर कसा परिणाम होतो, हे पाहणे महत्वाचे ठरेल.
