February 2025 मध्ये ग्राहकांना भुरळ याच ‘कार्स’ची, ‘ही’ कार ठरली ग्राहकांची पहिली पसंत

भारतीय ऑटोमोबाइल क्षेत्राची व्याप्ती खूप मोठी आहे. त्यामुळेच भारतीय ग्राहकांना आकर्षित करण्यासाठी अनेक ऑटो कंपन्या बेस्ट कार ऑफर करत असतात, ज्यांना ग्राहक देखील चांगला प्रतिसाद देतात. त्यामुळेच बाजारात कारची विक्री झपाट्

फोटो सौजन्य: iStock

Follow Us:

Follow Us:

भारतीय ऑटोमोबाइल क्षेत्राची व्याप्ती खूप मोठी आहे. त्यामुळेच भारतीय ग्राहकांना आकर्षित करण्यासाठी अनेक ऑटो कंपन्या बेस्ट कार ऑफर करत असतात, ज्यांना ग्राहक देखील चांगला प्रतिसाद देतात. त्यामुळेच बाजारात कारची विक्री झपाट्याने वाढत आहे.

भारतीय बाजारात अनेक ऑटो कंपन्या ग्राहकांच्या विविध मागणीनुसार उत्तम कार ऑफर करत आहेत. यामध्ये Maruti, Mahindra, Tata, Hyundai, Kia आणि इतर प्रमुख कार उत्पादक कंपन्यांचा समावेश आहे. फेब्रुवारी 2025 मध्ये, या कंपन्यांच्या विविध मॉडेल्समध्ये काही कार्सने अत्यधिक विक्री केली. ग्राहकांच्या आवडीनुसार या कार्सची विक्री चांगली वाढली आहे. या कार्सच्या उत्कृष्ट वैशिष्ट्यांमुळे आणि प्रतिस्पर्धी किमतींमुळे त्यांची विक्री अत्यधिक झाली. आता, चला फेब्रुवारी 2025 मधील टॉप 5 कारबद्दल अधिक माहिती घेऊया.

फेब्रुवारी 2025 मध्ये एकूण किती विक्री झाली?

फेब्रुवारी 2025 मध्ये, भारतात लाखो कार आणि एसयूव्हीची विक्री झाली आहे. पण ज्या पाच कारना सर्वाधिक पसंती मिळाली, त्यांच्या एकूण 89406 युनिट्स विकल्या गेल्या आहेत.

New Nissan Magnite चा ग्लोबल मार्केटमध्ये जलवा, 50000 युनिट्सची निर्यात पूर्ण

Maruti Fronx चा पहिला नंबर

मारुतीकडून मारुती फ्रॉन्क्स ही कॉम्पॅक्ट एसयूव्ही सेगमेंटमध्ये ऑफर केली जाते. फेब्रुवारी 2025 मध्ये या कारची सर्वाधिक विक्री झाली आहे. माहितीनुसार, मागील महिन्यात या कारच्या एकूण 21461 युनिट्स विकल्या गेल्या आहेत. वर्षानुवर्षे कंपनीच्या विक्रीत 51 टक्क्यांहून अधिक वाढ झाली आहे.

दुसऱ्या क्रमांकावर Maruti Wagon R

हॅचबॅक सेगमेंटमध्ये विक्रीसाठी ऑफर करण्यात येणारी मारुती वॅगन आर देखील गेल्या महिन्यात अंदाजे 20 हजार लोकांनी खरेदी केली आहे. फेब्रुवारी 2025 मध्ये, या कारच्या 19879 युनिट्स विकल्या गेल्या आहेत. वर्षानुवर्षे आधारावर त्याची विक्री केवळ 2.41 टक्क्यांनी वाढली आहे.

तिसऱ्या क्रमांकाचा मान Hyundai Creta चा

या लिस्टमध्ये मारुतीव्यतिरिक्त, ह्युंदाई क्रेटा तिसऱ्या स्थानावर विराजमान झाली आहे. गेल्या महिन्यात या एसयूव्हीच्या 16317 युनिट्सची विक्री झाली आहे. ईयर ऑन ईयर बेसिसच्या आधारावर याची विक्री 6.81 टक्क्यांनी वाढली आहे, जे कंपनीसाठी एक चांगली बाब आहे.

टाटा मोटर्सचे ट्रक आता हायड्रोजनवर धावणार, काय आहेत हायड्रोजन फ्यूएलचे फायदे तोटे?

चौथ्या क्रमांकावर Maruti Swift

हॅचबॅक सेगमेंटमध्ये मारुती स्विफ्ट उपलब्ध आहे. कंपनीने फेब्रुवारी 2025 मध्ये या कारच्या 16269 युनिट्सची विक्री केली आहे. ईयर ऑन ईयर बेसिसच्या आधारावर या कारच्या विक्रीत 23.58 टक्क्यांनी वाढ झाली आहे.

Maruti Baleno चा टॉप-5 मध्ये समावेश

मारुती सुझुकी प्रीमियम हॅचबॅक सेगमेंटमध्ये बलेनो ऑफर करते. फेब्रुवारी 2025 मध्ये या कारच्या 15480 युनिट्स विकल्या गेल्या आहेत. आकडेवारीनुसार, ईयर ऑन ईयर बेसिसच्या आधारावर या कारच्या विक्रीत 11.63 टक्क्याने घटली आहे.

Web Title: February 2025 car sales report top selling cars in february 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com