ऑटो उद्योगाला नितीन गडकरींचा महत्वपूर्ण सल्ला, ‘या’ गोष्टींवर विशेष लक्ष देण्याचे केले आवाहन

केंद्रीय रस्ते वाहतूक आणि महामार्ग मंत्री नितीन गडकरी यांनी बुधवारी (दि.11 सप्टेंबर) व्हिडिओ कॉन्फरन्सिंगद्वारे FADA आयोजित ऑटो रिटेल कॉन्क्लेव्हमध्ये भाग घेतला होता. यावेळी केंद्रीय मंत्री नितीन गडकरी यांनी ऑटोमोटिव्ह डीलर्सना सल्ला दिला आहे.

फोटो सौजन्य: Social Media

Follow Us:

Follow Us:

केंद्रीय मंत्री नितीन गडकरी हे आपल्या रस्ते, वाहतूक आणि महामार्ग क्षेत्रात महत्वपूर्ण निर्णय घेण्यासाठी ओळखले जातात. तसेच ते त्यांच्या वक्त्यावामुळे नेहमीच चर्चेत असतात. ते नेहमीच भारताला ऑटोमोबाईल क्षेत्रात पुढे आण्यासाठी सक्रिय असतात. तसेच त्यांनी केलेल्या विधानावर नेहमीच ऑटोमोबाइल क्षेत्रात लोकांची नजर असते. आता सुद्धा गडकरींनी ऑटो उद्योगात कजार्यारत असणाऱ्या लोकांना महत्वपूर्ण सल्ला दिला आहे.

केंद्रीय रस्ते वाहतूक आणि महामार्ग मंत्री नितीन गडकरी यांनी ऑटोमोटिव्ह डीलर्सना काही खास सल्ला दिला आहे. चला जाणून घेऊया, FADA ने आयोजित केलेल्या कार्यक्रमात केंद्रीय मंत्र्यांनी व्हिडिओ कॉन्फरन्सिंगद्वारे काय माहिती दिली आहे.

हे देखील वाचा: 16 सेप्टेंबरला TVS आणू शकते नवीन बाईक, Apache RR310 मिळू शकतो मोठा अपडेट

नितीन गडकरींचा महत्वाचा सल्ला

केंद्रीय मंत्री नितीन गडकरी यांनी बुधवारी सांगितले की, भारतीय ऑटोमोबाईल उद्योग क्रांतीच्या उंबरठ्यावर आहे. यावेळी ग्राहक सेवा, विक्रीनंतरची आणि गुणवत्ता हमी यावर लक्ष केंद्रित करणे आवश्यक आहे.

फेडरेशन ऑफ ऑटोमोबाईल डीलर्स असोसिएशन (FADA) द्वारे आयोजित ऑटो रिटेल कॉन्क्लेव्हमधील व्हिडिओ संदेशात, रस्ते वाहतूक आणि महामार्ग मंत्री गडकरी यांनी सांगितले की आत्मनिर्भर भारत हे सरकारचे ध्येय साकार करण्यात ऑटोमोटिव्ह डीलर्सची महत्त्वपूर्ण भूमिका आहे.

ऑटोमोटिव्ह उद्योग क्रांतीच्या उंबरठ्यावर

केंद्रीय मंत्री पुढे म्हणाले, “ऑटोमोटिव्ह उद्योग क्रांतीच्या उंबरठ्यावर आहे आणि आम्ही भविष्याकडे पाहत असताना, विशेषत: ग्राहक सेवा, विक्रीपश्चात आणि गुणवत्ता हमी यांसारख्या क्षेत्रात या सतत नवनवीन शोध घेणे महत्त्वाचे आहे. ”

पुढे केंद्रीय मंत्री म्हणाले, “ऑटोमोबाईल्सचे वितरक या नात्याने तुम्ही ‘मेक इन इंडिया’च्या सरकारी मिशनमध्ये महत्त्वाची भूमिका बजावता आणि आत्मनिर्भर भारताची आमची संकल्पना साकार करण्यात महत्त्वपूर्ण योगदान देता. भारतीय अर्थव्यवस्थेच्या विकासात FADA आणि त्याच्या सदस्यांच्या भूमिकेला सरकार खूप महत्त्व देते. मी तुम्हाला ऑटो रिटेल क्षेत्राला सरकारच्या सर्व प्रकारे पाठिंबा देण्याचे आश्वासन देऊ इच्छितो.”

अर्थव्यस्थेचा प्रमुख स्तंभ

नितीन गडकरी म्हणाले की, ऑटो रिटेल क्षेत्र हा भारताच्या अर्थव्यवस्थेचा एक प्रमुख आधारस्तंभ आहे, जो आमच्या जीडीपीमध्ये शाश्वत योगदान देतो. हे क्षेत्र सुमारे 40,000 कोटी रुपयांचा वार्षिक महसूल आणि केंद्र आणि राज्य सरकारांना विविध कर आणि शुल्कांमध्ये 95,000 कोटी रुपयांचे योगदान देते.

ग्रीन मोबिलिटीच्या दिशेने आपण काम करत आहोत

गडकरी म्हणाले,”गतिशीलतेच्या भविष्यासाठी सरकारचा दृष्टीकोन शाश्वतता, नावीन्य आणि सुरक्षितता आहे. आम्ही ग्रीन मोबिलिटी सोल्यूशन्समध्ये अजून चांगले बनण्याच्या दिशेने काम करत आहोत.

Web Title: Nitin gadkari gave an important suggestion to auto industry to focus on customer service after sales and quality assurance

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com