१६ चार्जिंग सटॉप्स त्यात ७६ तासांचा प्रवास! टाटा कर्व्ह EVचा नवा विक्रम

टाटा कर्व्ह.ईव्हीने केवळ ७६ तास ३५ मिनिटांत ३८२३ किमीचा प्रवास पूर्ण करून सर्वात जलद ईव्ही ड्राइव्हचा नवा विक्रम प्रस्थापित केला. या प्रवासात केवळ १६ चार्जिंग स्टॉप्स घेतले गेले.

फोटो सौजन्य - Social Media

Follow Us:

Follow Us:

भारतातील इलेक्ट्रिक वाहन क्षेत्रातील आघाडीची कंपनी टाटा.ईव्हीने आपल्या नवीन कर्व्ह.ईव्ही एसयूव्ही कूपच्या मदतीने काश्मीर ते कन्याकुमारी (के२के) प्रवास विक्रमी वेळेत पूर्ण करत इतिहास रचला. अवघ्या ७६ तास ३५ मिनिटांत ३८२३ किमीचे अंतर पार करून, कर्व्ह.ईव्हीने सर्वात जलद ईव्ही ड्राइव्हचा नवा विक्रम प्रस्थापित केला. यापूर्वीच्या नेक्सॉन ईव्ही मॅक्सच्या विक्रमापेक्षा हा वेळ १९ तासांनी कमी आहे. या प्रवासादरम्यान कर्व्ह.ईव्हीने २० राष्ट्रीय विक्रम नोंदवले.

HSRP Plate: आता वाहनांना ‘एचएसआरपी’ प्लेट अनिवार्य, चारचाकी आणि दुचाकीला किती येणार खर्च?

या विक्रमी प्रवासात केवळ १६ चार्जिंग स्टॉप्स घेतले गेले, आणि सरासरी चार्जिंग वेळ २८ तासांवरून १७ तासांपर्यंत कमी झाली. यामध्ये देशभरातील वेगवान सार्वजनिक चार्जिंग नेटवर्कचा मोठा वाटा आहे. आता बहुतांश महामार्गांवरील चार्जिंग स्टेशन जलद चार्जिंग स्पीडला सपोर्ट करत आहेत. श्रीनगर येथे जम्मू आणि काश्मीरचे मुख्यमंत्री ओमर अब्दुल्ला यांनी २५ फेब्रुवारी रोजी सकाळी ४ वाजता फ्लॅग ऑफ दिला. विविध हवामान आणि प्रदेशांतून प्रवास करत, कर्व्ह.ईव्हीने २८ फेब्रुवारी रोजी सकाळी ८:३५ वाजता कन्याकुमारीत प्रवेश केला. कन्याकुमारी येथे खासदार विजय वसंत यांनी या विक्रमी प्रवासाचे स्वागत केले.

टाटा पॅसेंजर इलेक्ट्रिक मोबिलिटी लि. चे चीफ कमर्शियल ऑफिसर विवेक श्रीवत्स म्हणाले, “मोठे प्रवास ईव्हीद्वारे किती सहज शक्य आहेत, हे दाखवण्यासाठी हा रोमांचक प्रवास आखला होता. ५५ केडब्ल्यूएच बॅटरी आणि एक्टि.ईव्ही प्युअर ईव्ही आर्किटेक्चर यामुळे कर्व्ह.ईव्हीने हा टिकाऊपणाचा आणि आरामदायी प्रवासाचा अनुभव दिला.”

भारतातील इलेक्ट्रिक वाहन क्षेत्र झपाट्याने विकसित होत असून, चार्जिंग इन्फ्रास्ट्रक्चरमध्ये मोठ्या प्रमाणात वाढ झाली आहे. सध्या देशभरात १८,००० हून अधिक सार्वजनिक चार्जिंग पॉईंट्स कार्यरत आहेत, जे २०२३ च्या तुलनेत २२७% वाढ दर्शवतात. या वाढीमुळे लांब पल्ल्याच्या ईव्ही प्रवासाची सोय अधिक सुकर झाली आहे. विशेषतः फास्ट चार्जिंग नेटवर्कमध्ये मोठी प्रगती झाली आहे. आता ८५% महामार्गांवर दर ५० किमी अंतरावर एक फास्ट चार्जर उपलब्ध आहे, त्यामुळे ईव्ही चालकांना प्रवासादरम्यान सहज आणि जलद चार्जिंगची सुविधा मिळते.

याशिवाय, नवीन ईव्ही अॅप्सच्या माध्यमातून चार्जिंग नेटवर्क अधिक कुशल बनले आहे. ईव्ही व्हेरिफाइड चार्जर प्रोग्रामच्या मदतीने चालकांना विश्वसनीय चार्जिंग स्टेशन शोधणे सुलभ झाले आहे. हे अॅप केवळ चार्जिंग स्टेशन्सचे लोकेशन दर्शवते असे नाही, तर त्याच्या उपलब्धतेबाबत अद्ययावत माहितीही देते, ज्यामुळे लांबच्या प्रवासात कोणत्याही अनपेक्षित अडचणी येत नाहीत. याशिवाय, टाटा.ईव्हीने युनिफाईड आरएफआयडी कार्ड सादर केले आहे, ज्यामुळे वेगवेगळ्या सीपीओ (Charge Point Operators) च्या चार्जरवर सहज चार्जिंग सुरू करता येते. यामुळे ईव्ही चालकांना विविध अॅप्लिकेशन्स किंवा इंटरनेटवर अवलंबून राहण्याची गरज उरलेली नाही, त्यामुळे चार्जिंग अनुभव अधिक सोयीस्कर आणि वेगवान बनला आहे.

सामान्य माणसांची आवडती ‘ही’ बाईक आता इलेक्ट्रीक अवतारात; एकदा पाहून तर घ्या, नक्कीच आवडेल!

कर्व्ह.ईव्हीचा हा विक्रमी प्रवास टाटा.ईव्हीच्या प्रगत तंत्रज्ञान आणि टिकाऊ गतिशीलतेवरील वचनबद्धतेचा ठोस पुरावा आहे. १७.४९ लाख रुपयांपासून उपलब्ध, ही भारताची पहिली एसयूव्ही कूप आहे, जी शक्तिशाली बॅटरी, अत्याधुनिक तंत्रज्ञान आणि दीर्घ रेंज यामुळे भविष्यातील ईव्ही प्रवासासाठी एक आदर्श पर्याय ठरत आहे. या विक्रमी प्रवासातून हेही सिद्ध झाले की, इलेक्ट्रिक वाहने आता केवळ शहरी वापरापुरती मर्यादित राहिली नसून, लांबच्या प्रवासासाठीही अत्यंत योग्य पर्याय ठरत आहेत. त्यामुळे भारतातील ईव्ही क्षेत्राचा वेगाने विस्तार होत असून, भविष्यातील प्रवास अधिक स्वच्छ, सक्षम आणि पर्यावरणपूरक होण्याच्या दिशेने वाटचाल सुरू आहे.

Web Title: Tata curve ev sets new record

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com