Bharat Mobility 2025 मध्ये Tata ची ‘ही’ खास कार होऊ शकते लाँच, जाणून घ्या किंमत

नवीन वर्षात जानेवारीमध्ये भारत मोबिलिटी 2025 चे आयोजन करण्यात येणार आहे. या कार्यक्रमात अनेक नवीन कार आणि एसयूव्ही लाँच होण्याची शक्यता आहे.

फोटो सौजन्य: Social Media

Follow Us:

Follow Us:

पाहता पाहता 2024 चं हे वर्ष देखील संपायला आले आहे. या वर्षात अनेक उत्तम कार्स पाहायला मिळाल्या. पण आता आगामी काळात अनेक ऑटो कंपन्या नवीन कार्स लाँच करण्यासाठी सज्ज झाल्या आहेत. तसेच 2025 च्या पहिल्याच महिन्यात देशात भारत मोबिलिटी 2025 हा ऑटो इव्हेंट होणार आहे. या खास कार्यक्रमात देश विदेशातील एकूण 30 पेक्षा अधिक कंपन्या आपला सहभाग नोंदवणार आहे. तसेच या कार्यक्रमात आपल्याला अनेक नवीन कार्सची पहिली वाहिली झलक सुद्धा पाहायला मिळणार आहे.

देशातील आघाडीची कार उत्पादक कंपनी टाटा मोटर्स सुद्धा भारत मोबिलिटी 2025 मध्ये आपली एक सीएनजी कार देखील लाँच करण्याच्या तयारीत आहे.

Second Hand आणि Electric Cars महागण्याची शक्यता, GST दर 12 वरून 18 टक्के करण्याचा विचार

देशातील आघाडीची ऑटोमोबाईल उत्पादक कंपनी टाटा मोटर्सने भारतीय बाजारपेठेत अनेक उत्तम कार आणि एसयूव्ही ऑफर केल्या आहेत. मीडिया रिपोर्ट्सनुसार, कंपनीकडून नवीन वर्षातही काही उत्तम कार्स लाँच केल्या जातील. यामध्ये कंपनीने ऑफर केलेल्या पहिल्या कूप एसयूव्हीचे सीएनजी व्हर्जनही लाँच केले जाऊ शकते. चला याबद्दल अधिक माहिती जाणून घेऊया.

इव्हेंटमध्ये दिसू शकते Tata Curvv CNG

Tata ने 2024 साली लाँच केलेल्या कूप एसयूव्ही Tata Curvv चे CNG व्हर्जन देखील लवकरच लाँच केले जाऊ शकते. रिपोर्ट्सनुसार, कंपनी या कारला 2025 मध्ये आणू शकते. भारत मोबिलिटी 2025 मध्येच ही कार अधिकृतपणे सादर केली जाऊ शकते. परंतु याबाबत, कंपनीने अद्याप या संदर्भात कोणतीही औपचारिक माहिती दिलेली नाही.

किती दमदार असेल इंजिन

Tata Curvv सध्या फक्त पेट्रोल इंजिनसह उपलब्ध आहे. पण ते CNG सोबतही आणता येते. कंपनी CNG सह 1.2 लीटर रेवोट्रॉन इंजिन देऊ शकते. यामध्ये 5 स्पीड मॅन्युअल आणि एएमटीचा पर्यायही दिला जाऊ शकतो.

मार्केटमध्ये नवीन E Scooter लाँच, फक्त 999 होईल बुकिंग, 1 KM चालवण्याचा खर्च फक्त 17 पैसे

कसे असेल फीचर्स

Tata Curvv CNG देखील त्याच्या पेट्रोल व्हेरियंट प्रमाणेच उत्कृष्ट फीचर्स देऊ शकतात. यात शार्क फिन अँटेना, एलईडी लाइट्स, एलईडी डीआरएल, फ्लश डोअर हँडल, पॅनोरामिक सनरूफ, 16 आणि 17 इंच अलॉय व्हील, 4 स्पोक इल्युमिनेटेड स्टीयरिंग व्हील, चार इंच डिजिटल इन्स्ट्रुमेंट क्लस्टर, ॲडजस्टेबल ड्रायव्हर सीट, ऑटो एसी, क्रूझ कंट्रोल, कूल्ड ग्लोव्ह आहेत. . बॉक्स, पुश बटन स्टार्ट/स्टॉप, रियर एसी व्हेंट, 10.25 इंच इन्फोटेनमेंट सिस्टीम, वायरलेस अँड्रॉइड ऑटो, ऍपल कार प्ले, फोन चार्जिंग यांसारखी अनेक फीचर्स देण्यात येणार आहेत.

ग्राहकांच्या सेफ्टीवर विशेष लक्ष

Tata Curvv CNG ही देखील सुरक्षिततेच्या दृष्टीने एक अतिशय चांगली कूप एसयूव्ही असेल. यामध्ये ABS, EBD, सहा एअरबॅग्ज, ESP, हिल होल्ड कंट्रोल, इमोबिलायझर, ISOFIX चाइल्ड अँकरेज, पार्किंग सेन्सर, सीट बेल्ट रिमाइंडर, i-TPMS सारखी सेफ्टी फीचर्स असतील.

किंमत किती असेल?

Tata Curvv च्या पेट्रोल व्हेरियंटची एक्स-शोरूम किंमत 9.99 लाख रुपयांपासून सुरू होते, त्याच्या टॉप व्हेरियंटची एक्स-शोरूम किंमत 19 लाख रुपयांपर्यंत जाते. Tata Curvv CNG कंपनी एकापेक्षा जास्त व्हेरियंटमध्ये ऑफर करेल.

Web Title: Tata curvv cng may be launch in bharat mobility 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com