फोटो सौजन्य: iStock
प्रत्येक कार खरेदीदाराला आपली कार उत्तम आणि चांगला मायलेज देणारीच हवी असते. भारतीय मार्केटमध्ये अनेक उत्तम कार्स आहेत, ज्यांना खरेदी करण्यासाठी काही वेळेस ग्राहकांना वेटिंगवर सुद्धा राहावे लागते. अनेक ऑटो कंपन्या आहेत ज्या आपल्या दमदार कार्ससाठी ओळखल्या जातात. यातीलच एक कंपनी म्हणजे महिंद्रा.
महिंद्राने देशात अनेक उत्तम कार्स मार्केटमध्ये आणल्या आहेत. त्यातीलच एक म्हणजे Mahindra scorpio. ही कार ग्राहकांमध्ये चांगलीच लोकप्रिय आहे. जर तुम्ही ही कार विकत घेण्याचा विचार करत असाल तर ही बातमी तुमच्यासाठीच आहे.
तुम्ही Scorpio-N चे पेट्रोल किंवा डिझेल मॉडेल खरेदी करण्याचा विचार करत असाल, तर तुमच्यासाठी सर्वात महत्वाची गोष्ट म्हणजे त्याचे ARAI मायलेज तपासणे. आज आपण Scorpio-N च्या पेट्रोल आणि डिझेल मॉडेलच्या मायलेजबद्दल जाणून घेणार आहोत. Mahindra Scorpio N 2 इंजिन पर्यायांसह येते, त्यापैकी एक 2.0 लिटर टर्बो पेट्रोल आणि दुसरा 2.2 लिटर डिझेल इंजिन आहे.
वर्ष संपण्याआगोदरच ‘या’ कंपनीचा ‘Car नामा’, भारतात बनवल्या 20 लाख कार्स
Mahindra Scorpio-N च्या दोन्ही इंजिनांना 6-स्पीड मॅन्युअल आणि 6-स्पीड टॉर्क कन्व्हर्टर ऑटोमॅटिक ट्रान्समिशनचा पर्याय देण्यात आला आहे.
Mahindra Scorpio-N च्या 2.0L Turbo Petrol-MT पॉवरट्रेनचे मायलेज 12.70kmpl आहे, तर 2.0L Turbo Petrol-AT चे मायलेज 12.12kmpl आहे. याशिवाय, 2.2L डिझेल-MT पॉवरट्रेनचे मायलेज 15.42kmpl आहे. यासह, 2.2L डिझेल AT चे मायलेज 15.42kmpl आहे. दोन्ही इंजिन पर्याय 6-स्पीड मॅन्युअल ट्रान्समिशन किंवा 6-स्पीड AMT सह जोडलेले आहेत.
एक 2.2-लिटर डिझेल युनिट, व्हेरियंटवर अवलंबून 132 PS/300 Nm किंवा 175 PS/400 Nm पर्यंत आउटपुट जनरेट करते आणि 2-लिटर टर्बो-पेट्रोल इंजिन 203 PS/380 Nm आउटपुट जनरेट करते. 2024 महिंद्रा स्कॉर्पिओची एक्स-शोरूम किंमत 13 लाख 85 हजार रुपयांपासून सुरू होते आणि 24.54 लाख रुपयांपर्यंत जाते. ही किंमत तुमच्या जवळील शोरुमनुसार बदलू शकते.
Second Hand आणि Electric Cars महागण्याची शक्यता, GST दर 12 वरून 18 टक्के करण्याचा विचार
Scorpio N च्या प्रमुख फीचर्सबद्दल सांगायचे तर, यात 8-इंच टचस्क्रीन इन्फोटेनमेंट सिस्टम, ड्युअल-झोन क्लायमेट कंट्रोल, क्रूझ कंट्रोल आणि वायरलेस फोन चार्जिंग समाविष्ट आहेत. यात 6-वे-पॉवर ड्रायव्हर सीट, सनरूफ आणि सेमी-डिजिटल इन्स्ट्रुमेंट क्लस्टरचाही समावेश आहे.
ग्राहकांच्या सुरक्षेसाठी, यात 6 एअरबॅग्ज, फ्रंट आणि रिअर कॅमेरे, हिल-असिस्ट कंट्रोल, टायर प्रेशर मॉनिटरिंग सिस्टम (TPMS) आणि इलेक्ट्रॉनिक स्थिरता नियंत्रण (ESC) सारख्या फीचर्सचा समावेश आहे. यामुळे नक्कीच ग्राहकांची राइड ही थ्रिलिंग सोबतच सुरक्षित सुद्धा होणार आहे. बाजारात ही कार टाटा सफारी आणि एमजी हेक्टर प्लस सारख्या कारशी स्पर्धा करते.
