Ethanol Policy: सरकारचा मोठा यू-टर्न? भूमिकेत बदल होणार… पेट्रोलमध्ये 25% इथेनॉल मिश्रणाचा निर्णय लांबणीवर?

: भारतात पेट्रोलमध्ये २५% इथेनॉल मिश्रणाच्या E25 प्रस्तावित निर्णयाला वाहनधारक आणि ऑटोमोबाईल क्षेत्राकडून होणारा विरोध पाहता, सरकारने हा निर्णय तूर्तास पुढे ढकलण्याचे संकेत दिले आहेत. नुकत्याच समोर आलेल्या E20 पेट्रोलच्या सर्व्हेमधील ग्राहकांच्या तीव्र नाराजीनंतर सरकारने हा पाऊल मागे घेतल्याची चर्चा आहे.

• सरकारचा मोठा यू-टर्न?
• भूमिकेत बदल होणार…
• 25% इथेनॉल मिश्रणाचा निर्णय लांबणीवर?

Ethanol Policy: वाहन मालकांसाठी एक अत्यंत महत्त्वाची बातमी समोर येत आहे. पेट्रोलमध्ये २५% इथेनॉल मिसळण्याचा निर्णय पुढे ढकलला जाण्याची शक्यता वर्तवली जात आहे. देशभरात E20 बाबत सुरू असलेल्या चर्चेच्या आणि वाहनधारकांकडून सुरु असलेला विरोध त्याचबरोबर ऑटोमोबाईल क्षेत्राकडून सुरु असलेल्या तक्रारी येतच होत्या. विविध व्हिडीओ व्हायरल होत होते. त्यामुळे, केंद्र सरकार सध्या E25, म्हणजेच २५% इथेनॉल असलेले पेट्रोल, लागू करण्याची घाई करत नसल्याचं समोर येत आहे. इंडियन एक्सप्रेसमधील एका वृत्तानुसार, जनतेची चिंता आणि वाढता विरोध लक्षात घेता, सरकार हा निर्णय काही काळासाठी पुढे ढकलू शकतं असं सांगण्यात येत आहे.

गुंतवणकूदारांनो लक्ष द्या! शेअर बाजारात धमाका होणार, येतोय IPO… US पासून London पर्यंत बैठका, ‘या’ दिवशी डेब्यू

हा निर्णय का पुढे ढकलला जाईल?

अलीकडच्या काळात, अनेक वाहन मालकांनी E20 पेट्रोलमुळे मायलेज कमी होणे, वाहनांचे नुकसान होणे आणि जुन्या वाहनांवर परिणाम होण्याबद्दल तक्रार केली आहे. याच कारणामुळे, E25 लागू करण्यापूर्वी सरकारला आता अधिक तपास, तांत्रिक अभ्यास आणि चर्चा करायची आहे.

सध्याची परिस्थिती काय?

सध्या, E20 पेट्रोल देशभरात उपलब्ध आहे. या पेट्रोलमध्ये २०% इथेनॉल आणि ८०% पेट्रोल असते. कच्च्या तेलाच्या आयातीवरील अवलंबित्व कमी करणे, प्रदूषण कमी करणे आणि शेतकऱ्यांचे उत्पन्न वाढवण्यासाठी इथेनॉलच्या वापराला प्रोत्साहन देणे, हे सरकारचे उद्दिष्ट आहे.

E25 लागू करण्यापूर्वी तयारी

इंडियन एक्सप्रेसमधील एका वृत्तानुसार, E25 लागू करण्यापूर्वी वाहन कंपन्या, तेल विपणन कंपन्या आणि इतर सर्व एजन्सींनी पूर्णपणे तयार असावे, अशी सरकारची इच्छा आहे. यासाठी वाहनांची पुनर्तपासणी आणि इंजिन कॅलिब्रेशनची आवश्यकता असणार आहे.

लोकांच्या तक्रारी का?

वाहन मालकांचे म्हणणे आहे की, काही वाहनांमध्ये E20 पेट्रोलमुळे इंधन कार्यक्षमता कमी झाली आहे. शिवाय, जुन्या वाहनांच्या इंजिन आणि इतर भागांचे नुकसान झाले आहे, ज्यामुळे यावर प्रश्नचिन्ह निर्माण झाले आहे. पण वाहन कंपन्या आणि सरकारचा दावा आहे की, E20 ची अंमलबजावणी व्यापक चाचण्यांनंतर करण्यात आली आहे आणि ते नवीन वाहनांसाठी पूर्णपणे सुरक्षित आहे.

सरकारला काय हवंय?

सरकारला भविष्यात इथेनॉल-मिश्रित पेट्रोलला अधिक प्रोत्साहन द्यायचे आहे, परंतु सध्या E25 लागू करण्याचा निर्णय घाईने घेतला जाणार नाही. प्रथम चाचण्या पूर्ण केल्या जातील आणि त्यानंतरच भविष्यातील धोरण ठरवले जाईल.

Todays Gold-Silver Price: खरेदीदारांना दिलासा! सोन्या-चांदीच्या दरात किंचित घसरण; जाणून घ्या तुमच्या शहरातील किंमती