फोटो सौजन्य: iStock
भारतीय शेअर मार्केटमध्ये अनेक कंपन्या लिस्टेड असतात ज्यात गुंतवणूकदारांकडून गुंतवणूक केली जाते. यात काही वेळेस हीच गुंतवणूक काही जणांना मालामाल करते, तर काही जणांना डुबवते सुद्धा.
अमेरिकेतील ट्रेड डीलवरील अनिश्चितता आणि प्रमुख IT दिग्गज टाटा कन्सल्टन्सी सर्व्हिसेस (TCS) च्या अपेक्षे पेक्षा कमकुवत तिमाही निकालांमुळे गेल्या आठवड्यात भारतीय शेअर बाजार घसरला होता. सलग दुसऱ्या आठवड्यात शेअर बाजार घसरला. निफ्टी 50 1.22% घसरून 25,149.85 अंकांवर आला, तर बीएसई सेन्सेक्स 1.12% घसरून 82,500.47 अंकांवर आला. तरीही, असे 5 शेअर्स ज्यांची किंमत 10 रुपयांपेक्षा कमी होते ज्यांनी गुंतवणूकदारांना सुमारे 62 टक्के परतावा दिला. या शेअर्सबद्दल अधिक माहिती जाणून घेऊयात.
‘या’ नागरी पतसंस्था लवकरच बंद होण्याच्या मार्गावर; जाणून घ्या नेमकं कारण काय?
गेल्या आठवड्यात, BSE वर Aki India चा शेअर 9.56 रुपयांवरून 15.47 रुपयांवर पोहोचला. यामुळे गुंतवणूकदारांना 61.82 टक्के परतावा मिळाला. शुक्रवारी, कंपनीचा शेअर 0.64 टक्क्यांनी घसरून 15.47 रुपयांवर बंद झाला. या किमतीवर, कंपनीचे बाजार भांडवल 158.12 कोटी रुपये आहे.
गेल्या आठवड्यात यश हायव्होल्टेजच्या शेअरने 56.26 टक्के परतावा दिला आणि त्याचा शेअर 378.75 रुपयांवरून 591.85 रुपयांवर पोहोचला. शुक्रवारी, यश हायव्होल्टेजचा शेअर 71.10 रुपयांच्या वाढीसह 591.85 रुपयांवर बंद झाला किंवा 13.65 टक्के वाढला. या दराने, कंपनीचे बाजार भांडवल 1,689.81 कोटी रुपये आहे.
गेल्या आठवड्यात, BSE वर हेमंत सर्जिकलचा शेअर 95.59 रुपयांवरून 144.76 रुपयांवर पोहोचला. यामुळे गुंतवणूकदारांना 51.44 टक्के परतावा मिळाला. शुक्रवारी, कंपनीचा शेअर 20 टक्क्यांनी वाढून 144.76 रुपयांवर बंद झाला. या किमतीवर, कंपनीचे बाजार भांडवल 148.96 कोटी रुपये आहे.
Todays Gold-Silver Price: सोन्याच्या दरात मोठी वाढ, चांदीच्या किंमतीही वधारल्या! जाणून घ्या सविस्तर
गेल्या आठवड्यात ओम्निटेक्स इंडस्ट्रीजच्या शेअरने 47.12 टक्के परतावा दिला आणि त्याचा शेअर 360.15 रुपयांवरून 529.85 रुपयांवर पोहोचला. शुक्रवारी, त्याचा शेअर 73.45 रुपयांच्या किंवा 16.09 टक्क्यांच्या वाढीसह 529.85 रुपयांवर बंद झाला. या दराने, कंपनीचे बाजार भांडवल 222.75 कोटी रुपये आहे.
गेल्या आठवड्यात BGIL फिल्म्सच्या शेअरने 46.38 टक्के परतावा दिला आणि त्याचा शेअर 6.90 रुपयांवरून 10.10 रुपयांवर पोहोचला. शुक्रवारी, शेअर 10.10 रुपयांवर बंद झाला, जो 0.48 रुपयांनी किंवा 4.99 टक्क्यांनी वाढला. या दराने, कंपनीचे बाजार भांडवल 11.44 कोटी रुपये आहे.
