या आठवड्यात शेअर बाजारात गुंतवणूकीच्या अनेक मोठ्या संधी, IPO मार्केटमध्ये मोठी उलथापालथ

IPO: तुम्हाला आयपीओमध्ये गुंतवणूक करण आवडत असेल तर ही बातमी तुमच्या साठी आहे. एसएमई विभागांतर्गत पुढील आठवड्यात दोन नवीन आयपीओ लाँच केले जाणार आहेत. तर एकूण १० कंपन्या बाजारात सूचीबद्ध होणार आहेत.

Follow Us:

Follow Us:

IPO Marathi News: गेल्या महिनाभरात अनेक आयपीओ आले आहेत. यातील काही आयपीओंनी गुंतवणूकदारांना भरघोस परातावा दिला आहे. तर काही आयपीओंमध्ये गुंतवणूक केल्यामुळे लोकांचे पैसेदेखील बुडाले आहेत. दरम्यान, या आठवड्यात भांवडली बाजारात उलथापालथ घडवून आणणारे दोन महत्त्वाचे आयपीओ येत आहेत. तुम्हाला आयपीओमध्ये गुंतवणूक करणं आवडत असेल तर या दोन आयपीओंत पैसे गुंतवून पैसे कमवण्याची नामी संधी तुमच्याकडे चालून आली आहे.

या आठवड्यात शेअर बाजारात गुंतवणूकदारांसाठी अनेक मोठ्या गुंतवणुकीच्या संधी उपलब्ध होणार आहेत. दोन नवीन कंपन्या त्यांचे आयपीओ आणत आहेत, तर एकूण १० कंपन्या बाजारात सूचीबद्ध होणार आहेत. हे दोन्ही नवीन आयपीओ एसएमई विभागांतर्गत ऑफर केले जातील. तर, क्वालिटी पॉवर, अजॅक्स इंजिनिअरिंग आणि हेक्सावेअर टेक्नॉलॉजीज मेनबोर्ड सेगमेंटमध्ये सूचीबद्ध असतील.

शेअर बाजार कोसळला, पण ‘या’ दोन कंपन्यांनी केली कोट्यवधींची कमाई!

एचपी टेलिकॉम इंडियाचा आयपीओ

एचपी टेलिकॉम इंडियाचा आयपीओ २० फेब्रुवारीपासून गुंतवणूकदारांसाठी खुला होईल. कंपनीने यासाठी प्रति शेअर किंमत पट्टा १०८ रुपये निश्चित केला आहे. ही पूर्णपणे नवीन इक्विटी विक्री असेल, ज्यामध्ये ३४.२३ कोटी शेअर्स जारी केले जातील. यामध्ये कोणताही OFS (ऑफर फॉर सेल) घटक नसेल. एचपी टेलिकॉम इंडिया ही अॅपल उत्पादनांची मध्य प्रदेश, छत्तीसगड, उत्तर प्रदेशातील काही शहरे आणि गुजरातमधील प्रमुख शहरी भागात आयफोन, आयपॅड, मॅक, अ‍ॅपल वॉच सारखी उत्पादने विकते. याशिवाय, कंपनी इतर ब्रँडची काही उत्पादने देखील विकते.

या आयपीओसाठी इंटरएक्टिव्ह फायनान्शियल सर्व्हिसेस हे बुक-रनिंग लीड मॅनेजर आहेत आणि बिगशेअर सर्व्हिसेस हे रजिस्ट्रार आहेत. एचपी टेलिकॉमचे शेअर्स एनएसई एसएमई प्लॅटफॉर्मवर सूचीबद्ध केले जातील.

बीजासन एक्स्प्लोटेक आयपीओ

बीजासन एक्स्प्लोटेक देखील या आठवड्यात त्यांच्या ६० कोटी रुपयांच्या आयपीओसह बाजारात प्रवेश करणार आहे. या आयपीओचा किंमत पट्टा प्रति शेअर १६५-१७५ रुपये ठेवण्यात आला आहे. या इश्यू अंतर्गत कंपनी ३४.२४ लाख नवीन शेअर्स जारी करेल आणि यामध्येही कोणतेही ओएफएस असणार नाही. या आयपीओमध्ये किरकोळ गुंतवणूकदार किमान ८०० शेअर्ससाठी बोली लावू शकतील. कंपनी आयपीओमधून मिळालेल्या पैशाचा वापर तिच्या उत्पादन युनिटचा विस्तार करण्यासाठी, नवीन प्लांट आणि यंत्रसामग्री खरेदी करण्यासाठी, कर्ज फेडण्यासाठी आणि सामान्य कॉर्पोरेट कारणांसाठी करेल.

आम्ही तुम्हाला सांगतो की बीजासन एक्स्प्लोटेक स्फोटके आणि स्फोटक उपकरणांच्या निर्मितीचे काम करते. हे प्रामुख्याने कॅटरिज एक्सप्लोझिव्ह, स्लरी एक्सप्लोझिव्ह, इमल्शन एक्सप्लोझिव्ह आणि डिटोनेटिंग एक्सप्लोझिव्ह बनवते. हे सिमेंट, खाणकाम आणि संरक्षण उद्योगांमध्ये वापरले जाते. कंपनीचे मुख्य लक्ष उच्च दर्जाचे कार्ट्रिज स्फोटके तयार करण्यावर आहे.

गुंतवणूकदारांसाठी आकर्षक संधी! ‘ही’ कंपनी देत आहे एका शेअर वर एक शेअर बोनस!

Web Title: Many big investment opportunities in the stock market this week big upheaval in the ipo market

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com