शनिवार, 17 ऑक्टोबर 2026
या शेअर्सने दिला एका महिन्यात २७ टक्क्यांपर्यंत परतावा, आज गाठला ५२ आठवड्यांचा नवीन उच्चांक (फोटो सौजन्य - सोशल मीडिया)
मंगळवारी बेंचमार्क निर्देशांक सेन्सेक्स १५८ अंकांनी वाढून ८२०५५ वर बंद झाला. मंगळवारी बाजारात सर्वांगीण तेजी दिसून आली. या काळात बीएसई फायनान्शियल सर्व्हिस इंडेक्समधील ५ शेअर्सनी चांगली कामगिरी करत मंगळवारी ५२ आठवड्यांच्या उच्चांकी पातळीला स्पर्श केला. विशेष म्हणजे या ५ फायनान्शियल स्टॉकने गेल्या १ महिन्यात १२% ते २७% परतावा दिला आहे.
या यादीतील पहिला स्टॉक मल्टी कमोडिटी एक्सचेंज ऑफ इंडियाचा आहे. आज त्याने ८३५७ रुपयांच्या ५२ आठवड्यांच्या नवीन उच्चांकी पातळीला स्पर्श केला आहे. सध्याच्या बाजारभावानुसार या स्टॉकची किंमत ८२३० रुपये आहे. गेल्या १ महिन्यात या स्टॉकमध्ये सुमारे २७% वाढ झाली आहे.
दुसरा आर्थिक शेअर आदित्य बिर्ला कॅपिटल लिमिटेडचा आहे. ज्याने आज २७४ रुपयांच्या ५२ आठवड्यांच्या नवीन उच्चांकी पातळीला स्पर्श केला आहे. या शेअरची सध्याची किंमत २७१ रुपये आहे. गेल्या १ महिन्यात या शेअरमध्ये सुमारे २२% ची नेत्रदीपक वाढ झाली आहे.
यादीतील तिसरा स्टॉक ऑथम इन्व्हेस्टमेंट अँड इन्फ्रास्ट्रक्चर कंपनीचा आहे ज्याने गेल्या एका महिन्यात २१% ची मजबूत वाढ करून गुंतवणूकदारांना चांगले परतावे दिले आहेत. मंगळवारी, स्टॉकने ५२ आठवड्यांतील २७१८ रुपयांचा नवीन उच्चांक गाठला. स्टॉकची सध्याची बाजारभाव २६७५ रुपये आहे.
यादीतील चौथा स्टॉक लार्सन अँड टुब्रो फायनान्स कंपनीचा आहे ज्याने गेल्या १ महिन्यात १४% परतावा दिला आहे आणि आज २०१ रुपयांच्या ५२ आठवड्यांच्या उच्चांकी पातळीलाही स्पर्श केला आहे. मंगळवारी हा स्टॉक २०० रुपयांच्या किमतीवर बंद झाला.
पूनावाला फिनकॉर्प कंपनीच्या शेअरने गेल्या १ महिन्यात गुंतवणुकीवर १२% परतावा दिला आहे. आज, चांगल्या कामगिरीच्या आधारावर, शेअरने ४५४ रुपयांवर ५२ आठवड्यांचा नवीन उच्चांक गाठला आहे.
राण आणि इस्रायल यांच्यात करार झाल्यानंतर काही तासांतच त्याचे उल्लंघन झाल्याच्या वृत्तांमुळे मंगळवारी (२४ जून) भारतीय शेअर बाजार किरकोळ वाढीसह बंद झाले. दिवसभराच्या व्यवहारादरम्यान, प्रमुख बेंचमार्क निर्देशांक निफ्टी-५० आणि सेन्सेक्स १.२५% ने वाढले. सोमवारी रात्री अमेरिकेचे अध्यक्ष डोनाल्ड ट्रम्प यांनी केलेल्या मोठ्या घोषणेमुळे ही वाढ झाली. ते म्हणाले की इराण आणि इस्रायलमध्ये आता ‘पूर्ण आणि कायमस्वरूपी’ युद्धबंदी आहे.
