फोटो सौजन्य - Social Media
UPSC सिव्हिल सर्व्हिस परीक्षेचं वेड किती मोठं आहे हे समजून घ्यायचं असेल, तर आयपीएस पूजा यादव यांची कहाणी नक्की वाचावी. देशातील सर्वात देखण्या आणि कडक महिला आयपीएस अधिकाऱ्यांमध्ये त्यांचं नाव अग्रक्रमाने घेतलं जातं. हरियाणातील नूंह जिल्ह्यातील एका मध्यमवर्गीय कुटुंबात जन्मलेल्या पूजाला लहानपणापासून अभ्यासाची प्रचंड आवड होती. त्यांनी बीए, एमए (पॉलिटिकल सायन्स) केलं आणि त्यानंतर बायोटेक्नॉलॉजी व फूड टेक्नॉलॉजीमध्ये एमटेकची पदवी मिळवली.
उच्च शिक्षणासाठी त्यांना अनेक अडचणींना सामोरं जावं लागलं. कुटुंबाचा भार कमी करण्यासाठी त्यांनी ट्युशन घेतल्या तसेच रिसेप्शनिस्ट म्हणून काम करत स्वतःच्या खर्चातून शिक्षण पूर्ण केलं. एमटेक पूर्ण झाल्यानंतर त्यांना परदेशात उत्तम नोकरीच्या संधी मिळाल्या. कॅनडा आणि जर्मनीमध्ये उच्च पगाराच्या नोकऱ्या, लाखोंचं पॅकेज आणि ऐशआरामाचा जीवनमान समोर असूनही त्यांचं मन समाधानी नव्हतं. त्यांची खरी ओढ होती सिव्हिल सर्व्हिसकडे.
म्हणूनच पूजा भारतात परतल्या आणि UPSC परीक्षेची तयारी सुरू केली. पहिल्याच प्रयत्नात त्यांना अपयश आलं, पण त्यांनी हार मानली नाही. सातत्यपूर्ण मेहनत आणि ध्येयावर विश्वास ठेवून 2018 मध्ये पुन्हा प्रयत्न केला. यावेळी त्यांना 174 वा क्रमांक मिळाला आणि त्यांची निवड IPS सेवेत झाली. आज पूजा यादव विद्यार्थ्यांसाठी आणि तरुण पिढीसाठी प्रेरणादायी व्यक्तिमत्त्व ठरल्या आहेत. त्यांची कहाणी शिकवते की परदेशातील ऐशआराम किंवा मोठं पॅकेज नव्हे, तर आपल्या स्वप्नांवर विश्वास ठेवणं आणि त्यासाठी झगडणं हेच खरं यश मिळवून देतं.
2017 मध्ये पूजाने UPSC परीक्षा दिली पण अपयश आलं. मात्र त्या खचल्या नाहीत. पुढच्या वर्षी पुन्हा प्रयत्न केला आणि 2018 मध्ये 174 वा क्रमांक मिळवून त्या आयपीएस अधिकारी झाल्या. आज पूजा यादव विद्यार्थ्यांसाठी प्रेरणास्थान आहेत. त्यांची कहाणी दाखवते की, मोठ्या स्वप्नांसाठी कठोर परिश्रम, सातत्य आणि ध्येयधोरणी वृत्ती किती महत्त्वाची असते. कितीही चांगल्या संधी समोर असल्या तरी मनापासून हवं असलेलं स्वप्न पूर्ण करण्यासाठी संघर्ष केला, तर यश निश्चित मिळतं.
