Psychology क्षेत्रात करिअर करू पाहताय? ‘हे’ आहेत्त बेस्ट ऑप्शन

सायकोलॉजी एक रोमांचक क्षेत्र आहे, जिथे व्यक्तींच्या विचारसरणी आणि वर्तनाचा सखोल अभ्यास करता येतो. मानसिक आरोग्याच्या समस्या सोडवण्यातही या क्षेत्रात मोठे योगदान देता येते.

फोटो सौजन्य - Social Media

Follow Us:

Follow Us:

सायकोलॉजी एक रोमांचक क्षेत्र आहे, जिथे व्यक्तींच्या विचारसरणी आणि वर्तनाचा सखोल अभ्यास करता येतो. मानसिक आरोग्याच्या समस्या सोडवण्यातही या क्षेत्रात मोठे योगदान देता येते. अनेक विद्यार्थी या विषयाचा अभ्यास करू इच्छुक आहेत आणि या क्षेत्रात करिअर घडवू इच्छुक आहेत. सायकोलॉजीच्या विविध उपशाखांमध्ये करिअर करू शकता. सायकोलॉजिस्ट क्षेत्रात करिअर घडवू पाहणाऱ्यांसाठी उत्तम करिअर पर्याय:

क्लिनिकल सायकोलॉजिस्ट मुख्यतः मानसिक आरोग्य सुधारण्यासाठी काम करतात. ते तणाव, चिंता, तसेच सिजोफ्रेनिया यांसारख्या गंभीर मानसिक समस्यांचे निवारण करण्यात मदत करतात. क्लिनिकल सायकोलॉजिस्ट स्वतःचा क्लिनिक चालवू शकतात किंवा रुग्णालयांमध्ये सेवा देऊ शकतात. जर तुम्हाला लोकांच्या मानसिक आरोग्यासाठी मदत करणे आवडत असेल, तर क्लिनिकल सायकोलॉजिस्ट म्हणून करिअर करण्याचा विचार करू शकता.

कोचीन शिपयार्ड लिमिटेड (CSL) भरती 2024: ‘या’ तारखेपर्यंत करता येणार अर्ज

स्कूल सायकोलॉजिस्ट

शिक्षण क्षेत्रात काम करायचं असेल, तर स्कूल सायकोलॉजिस्ट ही उत्तम निवड ठरू शकते. हे व्यावसायिक विद्यार्थ्यांच्या भावनिक आणि सामाजिक गरजांवर लक्ष केंद्रित करतात. विद्यार्थी त्यांच्या शैक्षणिक प्रवासात येणाऱ्या अडचणी, अभ्यासाचा ताण, मित्रांशी असलेले नाते यामध्ये अडकतात. स्कूल सायकोलॉजिस्ट त्यांना योग्य मार्गदर्शन देतात.

फॉरेन्सिक सायकोलॉजिस्ट

गुन्हेगारी मानसशास्त्र हा एक रोमांचक आणि महत्त्वाचा पर्याय आहे. फॉरेन्सिक सायकोलॉजिस्ट गुन्हेगारांचे वर्तन समजून घेऊन पोलिसांना आणि न्यायालयाला मदत करतात. गुन्ह्याचे कारण, गुन्हेगाराची मानसिकता आणि त्यामागची कारणं शोधण्याचं काम हे क्षेत्र करतं.

स्पोर्ट्स सायकोलॉजिस्ट

खेळाडूंचं मानसिक आरोग्य आणि त्यांचं तणावमुक्त प्रदर्शन यासाठी स्पोर्ट्स सायकोलॉजिस्ट महत्त्वाची भूमिका बजावतात. मानसिक ताकदीचा खेळातील यशावर खूप मोठा परिणाम होतो. त्यामुळे अनेक मोठे खेळाडू स्पोर्ट्स सायकोलॉजिस्टची मदत घेतात.

रिसर्च सायकोलॉजिस्ट

मानवी वर्तन आणि मेंदूचे कार्य अधिक चांगल्या प्रकारे समजून घेण्यासाठी संशोधन क्षेत्राला प्रचंड वाव आहे. रिसर्च सायकोलॉजिस्ट नवीन प्रयोग आणि निरीक्षणांद्वारे मानसशास्त्रातील नवी माहिती उलगडतात.

आर्मी अग्निवीर Relation भरती २०२५: अधिसूचना करण्यात आली जाहीर, रॅलीचे आयोजन

शिक्षण आणि संधी

सायकोलॉजीमध्ये करिअर करण्यासाठी बारावी नंतर मानसशास्त्र विषय निवडून बॅचलर डिग्री, मास्टर्स आणि त्यानंतर पीएच.डी. किंवा एम.फिल. करणे आवश्यक आहे. विविध क्षेत्रांतील तज्ज्ञांच्या मागण्या वाढत असल्याने भारतात आणि परदेशातही रोजगाराच्या अनेक संधी उपलब्ध आहेत.

आपल्या आवडीच्या क्षेत्रानुसार योग्य अभ्यासक्रम निवडून सायकोलॉजीमध्ये उज्ज्वल भविष्य घडवता येईल.

Web Title: Looking for a career in psychology this is the best option

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com