रविवार, 27 सप्टेंबर 2026
फोटो सौजन्य सोशल मीडिया
‘कुरिअर नेटवर्कमधून कोटींचे सोने देशभर’; नऊ महिन्यांत ३१८ किलो सोन्याची तस्करी, ११ जणांना अटक
मुंबईहून मुरूडकडे जाणारी एसटी बस बेलापूर परिसरातून जात असताना अचानक तिचे ब्रेक फेल झाले. चालकाने बसवर नियंत्रण मिळवण्याचा प्रयत्न केला, मात्र बस थांबू शकली नाही. नियंत्रण सुटलेल्या बसने रस्त्यावर असलेल्या तीन रिक्षा आणि एका कारला धडक दिली. अचानक झालेल्या या अपघातामुळे परिसरात काही काळ भीतीचे वातावरण निर्माण झाले.
अपघातात बसमधील प्रवासी आणि रिक्षाचालक जखमी झाले. एकूण सहा जणांना उपचारासाठी बेलापूर येथील एमजीएम रुग्णालयात दाखल करण्यात आले आहे. त्यापैकी तीन जणांवर आयसीयूमध्ये उपचार सुरू आहेत. मात्र, कोणाचीही प्रकृती चिंताजनक नसून सर्व जखमींची प्रकृती स्थिर असल्याचे वाहतूक पोलीस उपायुक्त राहुल खाडे यांनी सांगितले.
अपघाताची माहिती मिळताच बेलापूर पोलिसांनी घटनास्थळी धाव घेत बचावकार्य सुरू केले. जखमींना तातडीने रुग्णालयात हलवण्यात आले. अपघातामुळे मुख्य रस्त्यावर वाहतूक काही काळ विस्कळीत झाली होती. वाहतूक पोलिसांनी अपघातग्रस्त वाहने बाजूला हटवून वाहतूक सुरळीत केली. दरम्यान, या अपघाताचा पुढील तपास बेलापूर पोलीस करत आहेत.
