गुरुवार, 25 जून 2026
77 वर्षीय वृद्ध महिलेची नग्न अवस्थेत काढली धिंड! (फोटो सौजन्य-X)
Amravati Crime News Marathi: पुरोगामी राज्याला लाजवेल अशी एक घटना अमरावती जिल्ह्यात उघडकीस आली आहे. अमरावतीमधील मेळघाटच्या चिखलदरा परिसरातील रेट्याखेडा गावात जादूटोण्याच्या संशयावरून एका ७७ वर्षीय वृद्ध महिलेला मारहाण करत तिची गावातून धिंड काढण्यात आली. ही संतापजनक घटना 30 डिसेंबरची असून तब्बल 18 दिवसांनी म्हणजेच काल 17 तारखेला समोर आली आहे.
ग्रामस्थ नुसतं धिंड काढून थांबले नाही तर, तिच्या तोंडाला काळे फासून तिला मानवी मूत्र प्यायला लावले. तिला मिरचीची धुरी देण्यात आली. तिच्या गळ्यात बूट व चपलांचा हार घालण्यात येऊन गावातून फिरवले. या प्रकरणात पोलिसांनी अनेकांवर गुन्हा दाखल केले आहे. तमात्र, जादूटोणा कायद्या अंतर्गत गुन्हा दाखल करण्याची मागणी कुटुंबीयांनी केली आहे.
काळमी नंदूराम शेलूरकर (वय ७७) असे पीडित महिलेचे नाव आहे. कलामी सेलुकरमुळे रेट्घाखेडा येथे घरात एकटीच राहायची. मुलगा राजकुमार आणि त्याची पत्नी शामू गावाबाहेर काम करायचे. तर त्यांची दोन मुले शिक्षणाकरिता वसतिगृहात राहतात. ही महिला ३० डिसेंबर रोजी पहाटे चार वाजता उठून प्रातर्विधीसाठी गेली होती.यावेळी शेजारी येथे राहणारा सायबू चतुर व त्याच्या पत्नीने या महिलेला शोधून काढले आणि तिला पकडले आणि पोलिस पाटील बाबू जामुणकर यांना बोलावले. आमच्या घराच्या बाजूला जादूटोणा करीत असल्याचा आरोप त्यांनी काळमीवर केला. बाबू जामूनकर याने काठीने मारहाण करण्यास सुरुवात केली. त्यानंतर सायबू चतुर, साबूलाल चतुर, रामजी चतुर व इतरही ग्रामस्थांनी लाथाबुक्क्यांनी मरण केली. या महिलेला दोरखंडाने बांधत लोखंडी साखळीचे चटके दिले. एवढेच नाही तर त्यांनी या वृद्ध महिलेला मिरचीची धुरी दिली. तिच्या गळ्यात चप्पल बुटांचा हार घातला. तिला मानवी मूत्र पाजले. तिला मारहाण केली. व तिची धिंड पूर्ण गावातून काढली. हा सर्व प्रकार ग्रामस्त पाहत होते. मात्र, या महिलेच्या मदतीला कोणी आले नाही. गावातील पोलीस पाटील बाबुभाई नावाच्या व्यक्तिने हे क्रूरकर्म केलं. या प्रकरणी शुक्रवारी गुन्हा दाखल करण्यात आला आहे.
महिलेने व तिच्या कुटुंबीयांनी ६ जानेवारी रोजी चिखलदरा पोलीस ठाण्यात जात या प्रकरणी तक्रार दिली. पण पोलिसांनी फक्त मारहाण करण्याचा गुन्हा नोंदवला. पीडित राजकुमार शेलुकर आणि शामू शेलुकर यांच्या घटनेची तक्रार पोलिस अधीक्षकांनी केली. यानंतर, पोलिस अधीक्षकांनी या प्रकरणात गंभीरपणे हस्तक्षेप केला. पीडित वृद्ध महिला ही मारहाण झाल्यानंतर तिच्या सोनोरी येथे राहत असणाऱ्या मुलीच्या घरी निघून गेली आहे. तिला मोठा धक्का बसला आहे. वृद्ध महिलेच्या शेतात आरोपी पोलिस पाटलाने अतिक्रमण करून अंगणवाडी बांधल्याचा आरोप तिच्या मुलांनी केला आहे.
वृद्ध महिलेच्या तक्रारीवरून चिखलदरा पोलिसांनी भारतीय दंड संहिता अंतर्गत अनेक गुन्हे दाखल केले आहेत. पण जादूटोण्याच्या कायद्यानुसार कोणताही गुन्हा दाखल करता येत नाही. या प्रकरणाची सखोल चौकशी केली जाईल आणि त्यानंतर जादूटोण्याशी संबंधित गुन्हा दाखल केला जाईल, अशी माहिती पोलिस अधीक्षक विशाल आनंद यांनी दिली.
