मोखाडा पोलिसांची मोठी कारवाई! ₹२.४१ लाखांचा दारुसाठा जप्त

मोखाडा तालुक्यात मोठा दारूचा साठा पोलिसांच्या हाती लागला आहे. मोखाडा पोलिसांची ही बातमी फार चर्चेत असून तब्ब्ल दोन लाखांहून अधिक किमतीचा साठ्यासह काही आरोपींना अटक करण्यात आली आहे.

फोटो सौजन्य - Social Media

Follow Us:

Follow Us:

मोखाडा – दीपक गायकवाड: मोखाडा पोलीस ठाण्याच्या पथकाने आज पहाटेच्या सुमारास मोठी कामगिरी करत बेकायदेशीर दारू वाहतूक करणाऱ्या व्यक्तीला अटक केली असून तब्बल ₹२,४१,३२० किमतीचा दारूसाठा जप्त करण्यात आला आहे. या कारवाईमुळे जिल्ह्यात अवैध दारू वाहतुकीला मोठा चाप बसण्याची शक्यता आहे. या कारवाईचं नेतृत्व मोखाडा पोलीस ठाण्याचे प्रभारी अधिकारी प्रेमनाथ ढोले यांनी केलं. त्यांना मिळालेल्या गोपनीय माहितीनुसार, दादरा नगर हवेली, दमन आणि दिव येथून एक सफेद रंगाची इनोव्हा क्रिस्टा गाडी नाशिकच्या दिशेने बेकायदेशीर दारू वाहून नेत आहे. ही माहिती मिळताच सकाळी ५.३० वाजता सापळा रचून गाडी थांबवण्यात आली आणि वाहनाची तपासणी केली असता मोठ्या प्रमाणावर विदेशी मद्य साठा आढळून आला.

आणखी एका निळ्या ड्रमात मृत्यदेह…! दोरीने पाय अन् मान बांधली, मेरठ नंतर आता लुधियानात आढळला पुरुषाचा मृतदेह

जप्त करण्यात आलेल्या दारूत खालील ब्रँडचा समावेश आहे:

• रॉयल चॅलेंज फायनेस्ट प्रीमियम व्हिस्की: ₹३६,७२०
• ट्युबर्ग स्ट्रॉंग प्रीमियर बिअर: ₹२७,०००
• इम्पेरियल ब्लू व्हिस्की: ₹१६,३२०
• मॅजिक मोमेंट्स व्होडका (ऑरेंज फ्लेवर): ₹३८,४००
• मॅकडोवेल्स नं. १ रिझर्व व्हिस्की: ₹१९,२००
• रॉयल स्टॅग क्लासिक व्हिस्की: ₹६०,४८०
• रॉयल स्टॅग बॅरल सिलेक्ट व्हिस्की: ₹४३,२००

Crime News : लोणावळ्यात दुकानदाराला गंडा घालण्याचा प्रयत्न; खोट्या UPI पेमेंटचा झाला पर्दाफाश

संपूर्ण दारू साठा पोलिसांनी जप्त केला असून आरोपीवर बेकायदेशीर मद्य वाहतूकप्रकरणी गुन्हा दाखल करण्यात आला आहे. या प्रकरणाचा पुढील तपास प्रभारी अधिकारी प्रेमनाथ ढोले करत आहेत. मोखाडा पोलिसांनी अतिशय नियोजनबद्ध आणि शिताफीने ही कारवाई पार पाडली आहे. या घटनेमुळे परिसरात कायदा आणि सुव्यवस्थेच्या दृष्टीने पोलीस प्रशासनाचे कार्य पुन्हा एकदा अधोरेखित झाले आहे. सर्वच स्तरातून या कारवाईचं कौतुक होत आहे.

Web Title: Big action by mokhada police liquor worth 241 lakh seized

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com