आणखी एका निळ्या ड्रमात मृत्यदेह…! दोरीने पाय अन् मान बांधली, मेरठ नंतर आता लुधियानात आढळला पुरुषाचा मृतदेह

Ludhiana Drum Murder Case: पंजाबमधील लुधियाना येथील शेरपूर भागात निळ्या प्लास्टिकच्या ड्रममध्ये मृतदेह आढळल्याने खळबळ उडाली. मृतदेहाचे हात आणि पाय दोरीने बांधलेले होते.

दोरीने पाय अन् मान बांधली, निळ्या ड्रममधून प्रचंड दुर्गंधी..., मेरठनंतर लुधियानामध्ये धक्कादायक घटना समोर (फोटो सौजन्य-X)

Follow Us:

Follow Us:

Ludhiana Drum Murder Case in Marathi: उत्तर प्रदेशातील मेरठमध्ये महिलेनं प्रियकराच्या मदतीने पतीची निर्घृण हत्या केली होती. आरोपी महिला एवढ्यावरच थांबली नाही तर तिने पतीचा मृतदेह एका निळ्या ड्रममध्ये टाकून त्यात सिमेंट भरलं होतं. या हत्याकांडांने संपूर्ण देश हादरून गेला होता. ही घटना ताजी असताना पंजाबमधील लुधियाना येथील शेरपूर भागात निळ्या प्लास्टिकच्या ड्रममध्ये एका अज्ञात व्यक्तीचा कुजलेला मृतदेह आढळल्याने पुन्हा एकदा खळबळ उडाली. मृतदेहाचे हात आणि पाय दोरीने बांधलेले होते, त्यामुळे पोलिसांना हत्येचा संशय आहे. निळ्या ड्रममधून प्रचंड दुर्गंधी येत असल्याची तक्रार केल्यानंतर स्थानिकांनी पोलिसांना माहिती दिली, त्यानंतर हा भयानक खुलासा झाला.

बांगलादेशी महिलेने मिळविला भारतीय पासपोर्ट; पोलिसांनी छापा टाकला अन्…

मृतदेह शवविच्छेदनासाठी पाठवण्यात आला

पोलिसांच्या म्हणण्यानुसार, मृतदेह प्लास्टिकच्या पोत्यात गुंडाळून ड्रममध्ये बंद करण्यात आला होता. ड्रम रिकाम्या जागेत पडला होता आणि त्याची स्थिती पाहता तो अनेक दिवसांपासून तिथेच होता असे दिसून येते. ठाणे विभाग क्रमांक ६ च्या एसएचओ कुलवंत कौर यांनी सांगितले की, मृतदेहाची अद्याप ओळख पटलेली नाही आणि मृत व्यक्ती स्थलांतरित असण्याची शक्यता आहे. मृतदेह शवविच्छेदनासाठी सिव्हिल हॉस्पिटलमध्ये पाठवण्यात आला आहे, त्यानंतर मृत्यूचे कारण कळेल.

सीसीटीव्ही फुटेजवरून आशा

पोलिसांच्या तपासात हे ड्रम नवीन असल्याचे समोर आले आहे की ज्यामुळे हत्येचे नियोजन आधीच करण्यात आले होते असा संशय आणखी वाढतो. ड्रमचा स्रोत शोधण्यासाठी पोलिसांनी लुधियानामधील ४२ ड्रम उत्पादक कंपन्यांची चौकशी सुरू केली आहे. याशिवाय, ड्रम कधी आणि कसा आणला गेला हे शोधण्यासाठी आजूबाजूच्या परिसरातील सीसीटीव्ही फुटेज देखील स्कॅन केले जात आहे.

मेरठमध्येही अशीच एक घटना

ही घटना काही काळापूर्वी मेरठमध्ये घडलेल्या ब्लू ड्रम हत्याकांडाची आठवण करून देते. जिथे एका महिलेने तिच्या प्रियकरासह तिच्या पतीची हत्या केली आणि मृतदेह निळ्या ड्रममध्ये लपवला. लुधियाना पोलिस हे प्रकरण देखील अशाच कटाचा भाग आहे का याचा तपास करत आहेत.

हत्येचे गूढ उकलण्यात पोलीस गुंतले

या घटनेमुळे परिसरात दहशतीचे वातावरण निर्माण झाले आहे. स्थानिकांचे म्हणणे आहे की शेरपूरसारख्या औद्योगिक क्षेत्रात मोठ्या प्रमाणात स्थलांतरित लोक राहतात आणि अशा घटनांमुळे कायदा आणि सुव्यवस्थेवर प्रश्नचिन्ह निर्माण होते. पोलिसांनी अज्ञात मारेकऱ्यांविरुद्ध गुन्हा दाखल केला आहे आणि हे हत्येचे गूढ लवकरात लवकर उलगडण्याचा प्रयत्न करत आहेत.

पुण्यात तरुणाला लाकडी दांडक्याने बेदम मारहाण; बंदूक दाखवून धमकी दिली अन्…

Web Title: After meeruth ludhiana drum case revealed body found in blue drum crime news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com