शनिवार, 17 ऑक्टोबर 2026
देवळी तालुक्यातील दिघी-बोपापूर रस्त्यावर शेताच्या बांधावर सख्ख्या भावानेच आपल्या भावाची हत्या केल्याची संतापजनक व धक्कादायक घटना समोर आली आहे. मृतक शंकर नानाजी येळणे (वय 65) यांची त्याच्याच सख्ख्या भावाने, बाबाराव नानाजी येळणे यांनी धारदार शस्त्राने वार करून हत्या केली.
पुन्हा एक ‘वैष्णवी’! कुपवाडमध्ये विवाहितेने केली आत्महत्या, धार्मिक रितीरिवाज पाळण्यासाठी दबाव
नेमकं काय आहे प्रकार?
शंकर येळणे यांचे शेत दिघी-बोपापूर रस्त्यावर देवळी शिवारात आहे. सोमवार, 10 जूनच्या सायंकाळी दोघेही आपल्या शेतात उपस्थित होते. या शेतात एक हनुमान मंदिर असून, त्याच परिसरात दोघांमध्ये शेतजमिनीच्या मालकीसंदर्भात वाद झाला.वाद इतका विकोपाला गेला की, बाबाराव येळणे यांनी अचानकपणे रागाच्या भरात धारदार शस्त्राने आपल्या भावावर वार केले. या गंभीर हल्ल्यात शंकर येळणे यांना मोठ्या प्रमाणात दुखापत झाली आणि ते घटनास्थळीच कोसळले. काही वेळातच त्यांचा मृत्यू झाला.
पोलिसांची कारवाई:
घटनेची माहिती मिळताच देवळी पोलिसांनी तत्काळ घटनास्थळी धाव घेतली. त्यांनी पंचनामा करून मृतदेह उत्तरीय तपासणीसाठी पाठवला. तसेच आरोपी बाबाराव येळणे यांना ताब्यात घेतले असून त्यांच्या विरोधात देवळी पोलीस ठाण्यात खुनाचा गुन्हा (IPC कलम 302 अंतर्गत) दाखल करण्यात आला आहे.
या घटनेनंतर परिसरात तणावाचे वातावरण पसरले आहे. स्थानिक ग्रामस्थांमध्ये आणि शेतकरी समाजात संतापाची लाट उसळली आहे. गावकऱ्यांच्या म्हणण्यानुसार, बंधूंमध्ये गेल्या काही वर्षांपासून शेतजमिनीच्या वाटपावरून मतभेद सुरू होते. त्याचाच शेवट इतक्या भीषण स्वरूपात झाला, याची कुणालाही कल्पना नव्हती.
पोलिसांनी गुन्हा दाखल केला आहे. आरोपी भाऊ बाबाराव येळणे याला ताब्यात घेतले असून देवळी पोलिसात गुन्हा दाखल करण्यात आला आहे. या घटनेने परिसरात शोककळा पसरला आहे.
Crime News: जमिनीच्या व्यवहारात फसवणूक, १२ जणांवर ॲट्रॉसिटी अंतर्गत गुन्हा दाखल
