शनिवार, 14 नोव्हेंबर 2026
सतीश कौशिक यांच्या मृत्यू प्रकरणी (satish kaushik death) तपास करणाऱ्या दिल्ली पोलिसांना (Delhi Police) काल होळी साजरी केलेल्या फार्महाऊसवर काही आक्षेपार्ह औषधं आढळली होती. या माहितीने सर्वत्र खळबळ उडाली असतानाच आता सतीश कौशिक यांच्या मृत्यू प्रकरणाला आणखी संशय निर्माण होईल अशी परिस्थिती निर्माण झाली आहे. कारण सतीश यांचा जवळचा मित्र विकास मालूच्या (vikas malu ) दुसऱ्या पत्नीने आपल्याच पतीवर आणि त्याच्या साथीदारांवर सतीश यांची हत्या केल्याचा आरोप केला आहे. सानवी मालूने दिल्लीचे पोलीस आयुक्त संजय अरोरा यांना पत्र लिहून या प्रकरणाची चौकशी करण्याची मागणी केली आहे.
[read_also content=”नाचताना-व्यायाम करतानाही कार्डिॲक अरेस्टमुळे लोकांचा मृत्यू! यामागे नेमकं काय कारण? तरुणंही याच्या विळख्यात https://www.navarashtra.com/india/why-people-die-due-to-cardiac-arrest-even-while-dancing-and-exercising-nrps-375347.html”]
सानवीचा दावा आहे की, सतीशने तीन वर्षांपूर्वी विकासला गुंतवणुकीसाठी 15 कोटी रुपये दिले होते. मात्र, विकासने सतीशला ना पैसे परत केले गेले ना त्याला कोणताही फायदा दिला गेला. सतीशने पैसे परत मागितल्यावर विकासने कट रचून सतीशचा खून केला. या पत्रानंतर खळबळ उडाली आहे. याप्रकरणी सध्या पोलीस अधिकारी काहीही बोलण्यास तयार नाहीत. आता या प्रकरणाचा तपास पोलीस कसा करणार याकडे सर्वांचे लक्ष लागले आहे.
दिल्लीच्या पूर्व शालीमार बागेत राहणाऱ्या सान्वी मलिकने सांगितले की, 2019 मध्ये तिचे लग्न विकाससोबत झाले होते. 23 ऑगस्ट 2022 रोजी सतीश विकासकडे त्याच्या दुबईच्या घरी आला. त्यावेळी आपल्याला पैशांची नितांत गरज असल्याचे सांगून त्याच्याकडे पैसे मागितले होते. यावरून दोघांमध्ये वाद झाला. विकास मालूने सतीशचे पैसे लवकरच भारतात परत करण्याचे आश्वासन दिले.
सानवीने आरोप केला की, विचारल्यावर विकासने कोविडमध्ये सर्व पैसे गमावल्याचे सांगितले होते. आता सतीशला पैसे कोण परत करणार. ते एका मार्गाने किंवा इतर मार्गाने काढले जाईल. त्यासाठी परदेशी मुलींची व्यवस्था करून तिला औषधांचा ओव्हरडोज दिला जाणार आहे. तिच्या पतीचे अंडरवर्ल्ड डॉन दाऊद इब्राहिमशी संबंध असल्याचा आरोपही सानवीने केला आहे. आता होळीच्या दिवशी विकासच्या फार्म हाऊसवर सतीशची तब्येत बिघडणे आणि हृदयविकाराच्या झटक्याने त्याचा मृत्यू हे सगळे षड्यंत्र दिसत आहे. त्यामुळे दिल्ली पोलिसांनी आता या संपूर्ण प्रकरणाची गुन्हे शाखा किंवा अन्य कोणत्याही एजन्सीकडे चौकशी करावी.
8 मार्चच्या रात्री विकास मालूच्या फार्म हाऊसवर सतीश कौशिक यांची तब्येत बिघडली, त्यानंतर त्यांना रुग्णालयात नेण्यात आले. नंतर त्याला मृत घोषित करण्यात आले. प्राथमिक शवविच्छेदन अहवालात हा मृत्यू हृदयविकाराच्या झटक्याने झाल्याचे सांगण्यात आले आहे. आता सविस्तर शवविच्छेदन अहवाल आणि पोलिसांच्या व्हिसेरा अहवालाची प्रतीक्षा आहे. सानवीच्या आरोपानंतर आता पोलीस या प्रकरणाचा तपास कसा करणार हे पाहावं लागेल.
