Jaysingpur Crime: जयसिंगपूर पोलिसांची धडक कामगिरी; ५० लाखांच्या घरफोडीच्या गुन्हा १२ तासांत केला उघड

जयसिंगपूर: जयसिंगपूर पोलीस ठाणे गुन्हे शोध पथकाने दिवसा झालेल्या गंभीर घरफोडीचा गुन्हा अवघ्या १२ तासांत उघडकीस आणत दोन संशयितांना ताब्यात घेऊन सुमारे ५० लाख ७० हजार रुपयांचा मुद्देमाल जप्त केला आहे. दिनांक २२ मे २०२५ रोजी सकाळी १० ते दुपारी ३ या वेळेत राधाबाई रोडवरील रहिवासी भगवान राजाराम बियाणी (वय ७६) यांच्या घरात चोरी झाली होती. अज्ञात चोरट्यांनी दुसऱ्या मजल्यावरील खोलीतील कपाट उचकटून सोनं, हिरे आणि मोत्यांचे दागिने चोरण्याचा प्रकार घडला होता.

पोलीस अधीक्षक योगेशकुमार गुप्ता यांच्या मार्गदर्शनाखाली पोलीस निरीक्षक सत्यवान हाके यांच्या नेतृत्वाखाली तपास पथकाने कौशल्यपूर्ण तपास केला. गोपनीय माहिती आणि सीसीटीव्ही फुटेजच्या आधारे संशयित घरकामगार संतोषबाई मदनलाल प्रजापत (वय ५४) व विनायक मलगोंडा पाटील (वय ४१) या दोघांना ताब्यात घेण्यात आले.

तपासादरम्यान संतोषबाईंनी गुन्ह्याची कबुली दिली. तिने आपल्या सहकाऱ्याच्या मदतीने घराच्या गजावर बनावट तोडफोड करून चोरी केली होती. त्यांच्या ताब्यातून डायमंड ब्रेसलेट, नवरत्न हार, राणी हार, कमरपट्टा, झुमके, बाजुबंद यांसारखे एकूण ५०.७० लाख रुपये किमतीचे दागिने जप्त करण्यात आले आहेत.

 हा तपास  उप विभागीय पोलीस अधिकारी रोहीणी सोळंखे, यांचे मार्गदर्शनाखाली पोलीस निरीक्षक सत्यवान हाके, पोलीस निरीक्षक रवींद्र कळमकर स्थानीक गुन्हे अन्वेषन शाखा, सहायक पोलीस निरीक्षक दिपक कदम, पो.उ.नि युनुस इनामदार, पो.उ.नि प्रवीण माने, पोलीस अंमलदार ताहीर मुल्ला, निलेश मांजरे, वैभव सुर्यवंशी, बाळासाहेब गुत्ते कोळी महीला पोलीस अंमलदार अंजना बन्ने, स्मिता कांबळे, राजश्री देसाई यांनी केला.

घरफोडी करणाऱ्या परराज्यातील चोरट्याला ठोकल्या बेड्या

परराज्यातून येऊन घरफोडी करणाऱ्या एका अट्टल गुन्हेगाराला आंबेगाव पोलिसांनी अटक केली आहे. त्याच्याकडून दोन लाख २७ रुपये किमतीचे दागिने आणि इतर मुद्देमाल जप्त केला आहे. सराइताकडून आंबेगाव, बावधन आणि लोणीकंद या तीन पोलिस ठाण्यांच्या हद्दीतील घरफोडीचे गुन्हे उघडकीस आणले आहेत. व्यंकटेश रमेश (वय २२ वर्षे, रा. पी.जी. बिल्डिंग, एमआयटी कॉलेज जवळ, कोथरूड, मूळ रा. बेंगळुरू, कर्नाटक) असे अटक केलेल्याचे नाव आहे.

घरफोडी करणाऱ्या परराज्यातील चोरट्याला ठोकल्या बेड्या; तब्बल लाखो रुपयांचा मुद्देमाल जप्त

दिवसा घरफोडी करणाऱ्याला अटक

दिवसाढवळ्या घरफोडी करणाऱ्या रेकॉर्डवरील सराईताला गुन्हे शाखेच्या युनिट पाचच्या पथकाने अटक केली आहे. हडपसर परिसरारील घरफोडीचा गुन्हाही त्याच्याकडून उघडकीस आला असून, एक लाख ४० हजार रुपये किमतीचा मुद्देमाल जप्त केला आहे. मॉन्ट्या ऊर्फ आर्यन माने (वय २२ वर्षे, रा. वंदे मातरम चौक, रामटेकडी, हडपसर) असे अटक चोरट्याचे नाव आहे. युनिटचे वरिष्ठ निरीक्षक वाहीद पठाण यांच्या मार्गदर्शनाखाली तपास पथकाकडून तपास केला जात होता. खबऱ्याकडून पोलीस रेकॉर्डवरील आर्यन माने याने घरफोडी केल्याची माहिती मिळाली. त्यानुसार पथकाने तत्काळ कारवाई करत आरोपीला शिताफीने अटक केली. तपासादरम्यान आरोपीने गुन्हा केल्याची कबुली दिली, असे पोलिसांनी सांगितले.