Ganja Seized : पुणे विमानतळावर दहा कोटींचा गांजा जप्त, दोघांना घेतलं ताब्यात

लोहगाव आंतराष्ट्रीय विमानतळावर महसूल गुप्तचर विभागाने (डिरेक्टोरेट रेव्हेन्यू इंटलिजन्स) दहा कोटी रुपयांचे हायड्रोपोनिक गांजा जप्त केला आहे.

संग्रहित फोटो

Follow Us:

Follow Us:

पुणे : लोहगाव आंतराष्ट्रीय विमानतळावर महसूल गुप्तचर विभागाने (डिरेक्टोरेट रेव्हेन्यू इंटलिजन्स) दहा कोटी रुपयांचे हायड्रोपोनिक गांजा जप्त केला आहे. याप्रकरणी दोघांना ताब्यात घेण्यात आले असून, त्यांची चौकशी सुरू आहे. तर ‘डीआरआय’ने मुंबईतून देखील आणखी एकाला ताब्यात घेतले आहे.

मिळालेल्या माहितीनुसार, बँकाकहून लोहगाव आंतराष्ट्रीय विमानतळावर सोमवारी (१२ मे) दोघे उतरले असून, त्यांच्याकडे हायड्रोपोनिक असल्याची माहिती ‘डीआरआय’च्या मुंबई पथकाला मिळाली. त्यानूसार, या माहितीची खातरजमा केली. नंतर पथकाने विमानतळावर सापळा लावून दोघांना पकडले आणि त्यांच्याकडे चौकशी केली. त्यांच्याकडे असलेल्या सामानाची तपासणी करण्यात आली. तेव्हा प्लास्टिकच्या पिशवीत चरस सापडले. चौकशीत मुंबईतील एकाकडे गांजा विक्रीसाठी देण्यात येणार असल्याची माहिती दिली.

‘डीआरआय’च्या पथकाने मुंबईतून एकाला ताब्यात घेतले. त्याच्याकडून हायड्रोपोनिक जप्त करण्यात आले. या कारवाईत दहा किलो हायड्रोपोनिक जप्त करण्यात आले असून, आंतराष्ट्रीय बाजारपेठेत जप्त करण्यात आलेल्या हायड्रोपोनिक गांजाची किंमत दहा कोटी रुपये असल्याची माहिती ‘डीआरआय’च्या अधिकाऱ्यांनी प्रसिद्धीस दिलेल्या पत्रकाद्वारे दिली आहे. याप्रकरणाचा सखोल तपास करण्यात येत असून, यापूर्वी पुणे आंतरराष्ट्रीय विमानतळावरुन केंद्रीय सीमाशुल्क (कस्ट), डीआरआयच्या पथकाने तस्करी करुन आणलेले अमली पदार्थ, तसेच सोने जप्त केले आहे.

Web Title: Marijuana worth rs 10 crore seized at pune airport

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com