सोमवार, 26 ऑक्टोबर 2026
सौजन्य फोटो - सोशल मिडीया
Fake Currency News: नागपूरमधील चैतन्येश्वर नगरात एका घरात मोठ्या प्रमाणावर नकली नोटांसारख्या छापलेल्या कागदांच्या कथित प्रकरणात एक नवीन आणि धक्कादायक माहिती समोर आली आहे. या प्रकरणातील मुख्य संशयित आरोपी पुष्म बंडाने हा परिसरात कोणाशीही फारसा संपर्क ठेवत नव्हता. विशेष म्हणजे तो घरमालकालाही घराच्या आत येऊ देत नव्हता. अखेर गेल्या अनेक महिन्यांपासून घराचे भाडे थकवल्यामुळे शनिवारी घरमालकाने शेजारील लोकांना व मनसे कार्यकर्त्यांना सोबत घेऊन घर उघडून पाहिले असता, तिथे ५०० रुपयांच्या अस्सल नोटांसारखे दिसणारे हजारो छापलेले कागद आढळून आले.
प्रकरणाचे गांभीर्य लक्षात घेऊन पोलिसांनी घटनास्थळी पाहणी केली असता, ५०० च्या नोटांसारखे दोन्ही बाजूंना छपाई असलेले जवळपास ३७ लाख रुपये मूल्याचे छापलेले कागद आढळून आले. तसेच, नोटांची फक्त एक बाजू छापलेले जवळपास ४५ लाख रुपये मूल्याचे कागदही त्या ठिकाणी सापडले. पुष्म बंडाने याने एवढ्या मोठ्या प्रमाणावर हे कागद का छापले, याबाबत अजून स्पष्टता आलेली नाही. मात्र, स्थानिक नागरिकांनी त्याच्या संशयास्पद वर्तणुकीवरून तो मोठ्या प्रमाणावर असलेल्या अस्सल नोटांमध्ये या नकली छापलेल्या नोटा मिसळून व्यवहारात आणत असावा, अशी दाट शंका व्यक्त केली आहे.
घरचे अनेक महिन्यांचे भाडे थकवणाऱ्या पुष्पमने नुकतंच एका बँकेत एक लाख रुपये जमा केल्याची कागदपत्रे त्याच्या घरातून सापडली आहेत. त्यामुळे तो या छापलेल्या कागदांचा वापर नक्की कुठे करत होता? याबाबत अनेक प्रश्न निर्माण झाले आहेत. दरम्यान, पुष्पम बंडाने अजूनही फरार असून पोलीस त्याचा कसून शोध घेत आहेत.
दुसरीकडे, घरमालकाने दिलेल्या माहितीनुसार, पुष्पमने यापूर्वी भाडे देण्याच्या मुद्द्यावरून वाद घालत त्यांना चाकू दाखवून धमकी दिली होती. याची रीतसर तक्रार वाठोडा पोलीस स्टेशनमध्ये करूनही पोलिसांनी तेव्हा कोणतीही कारवाई केली नव्हती. जर पोलिसांनी तेव्हाच कठोर पावले उचलली असती, तर हा नकली नोटांचा काळाबाजार तेव्हाच उजेडात आला असता, असा संतप्त सूर स्थानिकांनी लावला आहे.
Ans: नागपूरच्या चैतन्येश्वर नगरात ही घटना उघडकीस आली आहे.
Ans: घरामध्ये ५०० च्या नोटांसारखे दोन्ही बाजू छापलेले ३७ लाख व एक बाजू छापलेले ४५ लाख असे एकूण ८२ लाखांचे छापलेले कागद सापडले.
Ans: वाठोडा पोलीस स्टेशनच्या हद्दीत हा प्रकार घडला असून पोलीस आरोपीचा शोध घेत आहेत.
