बारावीत शिकणाऱ्या तरुणीची आत्महत्या; गळफास घेऊन संपवलं जीवन, कारण...फोटो सौजन्य - X)
अमरावती : लैंगिक अत्याचार पीडित मुलीने राहत्या घरी गळफास लावून आत्महत्या केली. ही घटना शनिवारी (दि. 15) नांदगाव पेठ ठाण्याच्या हद्दीत उघडकीस आली. दरम्यान, शवविच्छेदन अहवालावरून ती गर्भवती असल्याची धक्कादायक बाब समोर आली. त्यावरून अत्याचाराचा प्रकारही उघडकीस आला. अत्याचारातून गर्भधारणा झाल्याने मुलीने आत्महत्या केल्याचे तपासात निष्पन्न झाले. त्यानंतर पोलिस उपनिरीक्षक प्रदीप शहाणे यांच्या तक्रारीवरून रविवारी (दि. 16) अज्ञात आरोपीविरुद्ध गुन्हा दाखल करण्यात आला.
हेदेखील वाचा : प्रेमात ठार! महिलेवर अमानुष अत्याचार, जाळून टाकले अन् विवस्त्र अवस्थेत; संभाजीनगर नर्स हत्याप्रकरणी धक्कादायक माहिती समोर
एका 15 वर्षीय मुलीने राहत्या घरी गळफास लावून आत्महत्या केल्याची माहिती शनिवारी (दि. 15) सायंकाळी नांदगाव पेठ पोलिसांना मिळाली. त्यानुसार, पोलिस उपनिरीक्षक शहाणे यांनी आपल्या पथकासह घटनास्थळ गाठले. त्यावेळी त्यांना पीडित मुलगी ही राहत्या घरी बेडरूममध्ये पंख्याला स्टूलच्या मदतीने गळफास लावलेल्या अवस्थेत दिसून आली. पोलिसांनी तिला जिल्हा सामान्य रुग्णालयात दाखल केले. मात्र, डॉक्टरांनी तिला मृत घोषित केले. या प्रकरणी मृत मुलीच्या मामाच्या तक्रारीवरून पोलिसांनी आकस्मिक मृत्यूची नोंद करून तपास केला.
दरम्यान, रविवारी (दि. 16) तिचे शवविच्छेदन करण्यात आले. शवविच्छेदनानंतर ती गर्भवती असल्याचा लेखी अभिप्राय संबंधित वैद्यकीय अधिकाऱ्यांनी नांदगाव पेठ पोलिसांना दिला. त्यानुसार, अज्ञात आरोपीने पीडित मुलीवर अत्याचार केला. त्यातून गर्भधारणा झाल्याने तिने गळफास लावून आत्महत्या केली, असे पोलिसांच्या तपासात निष्पन्न झाले. त्या आधारावर पोलिस उपनिरीक्षक प्रदीप शहाणे यांनी तक्रार दाखल केली. तक्रारीवरून अज्ञात आरोपीविरुद्ध विविध कायद्यान्वये गुन्हा दाखल करण्यात आला असून पुढील तपास सुरू आहे.
आत्महत्या प्रकरणांमध्ये वाढ
राज्यात आत्महत्येचं प्रमाण मोठ्या प्रमाणात वाढले आहे. राज्यातील वेगवेगळ्या भागातून आत्महत्येच्या घटना उघडकीस येत असतात. अशातच आता कौटुंबिक कारणातून तरुणाने शिवाजीनगर न्यायालयाच्या आवारातच चिंचेच्या झाडाला गळफास घेवून एकाने आत्महत्या केल्याची घटना घडली आहे. शनिवारी भरदुपारी हा प्रकार घडला आहे. याप्रकरणी शिवाजीनगर पोलीस ठाण्यात घटनेची नोंद करण्यात आली आहे. सोहेल येणीघुरे (२८, रा. पाषाण) असे आत्महत्या केलेल्याचे नाव आहे.
हेदेखील वाचा : पुणे न्यायालय परिसरात गळफास घेऊन एकाची आत्महत्या; धक्कादायक कारणही आलं समोर
