Delhi Railway Station : “प्लॅटफॉर्म बदलल्याने चेंगराचेंगरी…”, नवी दिल्ली रेल्वे स्थानकावर अपघाताचा प्राथमिक तपास अहवाल समोर

नवी दिल्ली रेल्वे स्थानकावर झालेल्या चेंगराचेंगरीत १८ जणांचा मृत्यू झाला तर १२ हून अधिक जण जखमी झाले.  या अपघाताबाबत रेल्वे मंत्रालयाचा प्राथमिक चौकशी अहवाल समोर आला आहे.

नवी दिल्ली रेल्वे स्थानकावर अपघाताचा प्राथमिक तपास अहवाल समोर (फोटो सौजन्य - X)

Follow Us:

Follow Us:

Delhi Railway Station Stampede News Marathi: नवी दिल्ली रेल्वे स्थानकावर झालेल्या चेंगराचेंगरीत १८ जणांचा मृत्यू झाला आणि 12 हून अधिक जण जखमी झाले. या घटनेनंतर एकच खळबळ उडाली. या प्रकरणी रेल्वे मंत्रालयाने या घटनेची उच्चस्तरीय चौकशीचे आदेश दिले आहेत. दरम्यान, अपघाताबाबत रेल्वे मंत्रालयाचा प्राथमिक चौकशी अहवाल समोर आला आहे. रेल्वेने कबूल केले की प्लॅटफॉर्म बदलण्याची घोषणा करण्यात आली होती.

मिळालेल्या माहितीनुसार महाकुंभासाठी अनपेक्षित गर्दी येत आहे. त्यामुळे गेल्या अनेक दिवसांपासून अनेक विशेष गाड्यांची व्यवस्था करण्यात आली आहे. शनिवारी, १५ फेब्रुवारी रोजी नवी दिल्ली रेल्वे स्थानकावर एक दुःखद घटना घडली. या प्रकरणी अहवालात म्हटले आहे की, प्रयागराज एक्सप्रेस प्लॅटफॉर्म १४ वर पोहोचणार होती. महाकुंभाला जाण्यासाठी प्रवासी प्लॅटफॉर्मवर वाट पाहत होते. ट्रेन येण्यास थोडा उशीर झाला. दरम्यान, प्लॅटफॉर्म १२ वर एक विशेष ट्रेनची घोषणा करण्यात आली. प्लॅटफॉर्म १४ वरून प्रवासी प्लॅटफॉर्म १२ कडे जाऊ लागले. यामुळे पायऱ्यांवर चेंगराचेंगरी झाली आणि एक दुर्दैवी अपघात झाला.

 नवी दिल्ली रेल्वे स्थानकावर भयंकर चेंगराचेंगरी; 18 प्रवाशांचा मृत्यू

उच्चस्तरीय चौकशीचे आदेश

यापूर्वी रेल्वे मंत्री अश्विनी वैष्णव यांनी या घटनेवर दुःख व्यक्त केले होते आणि ते दुर्दैवी म्हटले होते. त्यांनी सांगितले होते की, रेल्वेने उच्चस्तरीय चौकशीचे आदेश दिले आहेत. या अपघाताची चौकशी करण्यासाठी दोन सदस्यांची समिती स्थापन करण्यात आली आहे, जी त्याची चौकशी करत असल्याचे सांगण्यात येत आहे.

जखमींना लेडी हार्डिंग आणि एलएनजेपी रुग्णालयात दाखल

अपघातात जखमी झालेल्या लोकांवर दिल्लीतील लेडी हार्डिंग आणि एलएनजेपी रुग्णालयात उपचार सुरू आहेत. लोक नायक रुग्णालयातील आपत्कालीन विभागाच्या प्रमुख डॉ. रितू सक्सेना यांच्या मते, या घटनेत १८ जणांचा मृत्यू झाला आहे. अपघातात जखमी झालेल्यांवर उपचार सुरू असल्याचे त्यांनी सांगितले. दरम्यान, केंद्रीय आरोग्य मंत्री जेपी नड्डा यांनी रुग्णालयातील डॉक्टरांकडून सध्याच्या परिस्थितीचा आढावा घेतला. नड्डा यांनी रुग्णालयाच्या डॉक्टरांशी फोनवर बोलून त्यांच्या प्रकृतीबद्दल माहिती घेतली.

मृतांमध्ये बहुतेक महिला आणि मुलांचा समावेश

ही दुर्घटना नवी दिल्ली रेल्वे स्थानकाच्या प्लॅटफॉर्म क्रमांक १४ आणि १६ वर घडली. मृतांमध्ये बहुतेक लोक बिहार आणि दिल्लीचे होते. बिहारमधील ९, दिल्लीतील ८ आणि हरियाणामधील १ जणांचा मृत्यू झाला आहे. त्यापैकी बहुतेक महिला आणि मुलांचा समावेश आहे. दरम्यान, उत्तर रेल्वेचे मुख्य जनसंपर्क अधिकारी हिमांशू उपाध्याय यांनी अपघाताचे प्राथमिक कारण सांगितले आहे. त्यांनी सांगितले की, जेव्हा नवी दिल्ली रेल्वे स्थानकावर ही दुःखद घटना घडली तेव्हा पाटण्याकडे जाणारी मगध एक्सप्रेस प्लॅटफॉर्म क्रमांक १४ वर उभी होती आणि जम्मूकडे जाणारी उत्तर संपर्क क्रांती एक्सप्रेस प्लॅटफॉर्म क्रमांक १५ वर उभी होती. दरम्यान, प्लॅटफॉर्म क्रमांक १४ आणि १५ मधील पायऱ्यांवर एक प्रवासी घसरला आणि पडला. त्याच्या मागे असलेल्या अनेक प्रवाशांना त्याची धडक बसली आणि ही दुःखद घटना घडली.

चेंगराचेंगरीच्या घटनेवर मुख्यमंत्री फडणवीसांची प्रतिक्रिया

नवी दिल्ली रेल्वे स्थानकावर झालेल्या चेंगराचेंगरीत १८ जणांचा मृत्यू झाला. या घटनेवर महाराष्ट्राचे मुख्यमंत्री देवेंद्र फडणवीस म्हणाले, “ही एक अतिशय दुर्दैवी घटना आहे आणि सर्वांनी यावर दुःख व्यक्त केले आहे. भविष्यात अशा घटना रोखण्यासाठी प्रशासन निश्चितच योग्य ती कारवाई करेल.”

दुसरीकडे, महाराष्ट्रातील इतर नेत्यांकडूनही प्रतिक्रिया येत आहेत. राष्ट्रवादी-सपा खासदार सुप्रिया सुळे म्हणाल्या की, नवी दिल्ली रेल्वे स्थानकावर झालेल्या चेंगराचेंगरीत मोठ्या संख्येने लोक जखमी झाल्याची माहिती आहे. हे खूप दुःखद आणि दुर्दैवी आहे. दरम्यान, शिवसेनेच्या शायना एनसी म्हणाल्या की, पंतप्रधान नरेंद्र मोदी नियमितपणे परिस्थितीवर लक्ष ठेवून आहेत. सत्य लवकर बाहेर यावे आणि प्रशासनाने योग्य ती कारवाई करावी अशी आमची इच्छा आहे.

भाजपच्या राष्ट्रीय अध्यक्षपदासाठी हालचालींना वेग; दक्षिण भारतातील ‘या’ महिला नेत्याच्या नावाची जोरदार चर्चा

Web Title: New delhi railway station incident high level inquiry detailed official report news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com