शुक्रवार, 23 ऑक्टोबर 2026
क्लिप कशी व्हायरल झाली हे फडणवीसांना विचारा!; रामदास कदमांवर मनोज जरांगे पाटलांचा पलटवार
पाशचे कोटींच्या कथित गैरव्यवहारांच्या मुद्द्यांवरून शिंदे गटाचे नेते रामदास कदम यांनी केलेल्या गंभीर आरोप केले आहेत. त्या आरोपांना मनोज जरांगे पाटील यांनी प्रत्युत्तर दिले आहे. इतकेच नव्हे तर जरांगे यांनी रामदास कदम यांच्या मानसिक स्थितीवर आणि राजकीय भूमिकेवर गंभीर प्रश्नचिन्ह उपस्थित करत त्यांच्यावर जोरदार निशाणा साधला आहे.
रामदास कदम यांनी उपस्थित केलेल्या प्रश्नांना उत्तर देताना जरांगे म्हणाले, ” तसेच, भाजप नेते प्रसाद लाड यांच्यासोबतच्या जेवणावर टीका करणाऱ्यांना प्रत्युत्तर देताना ते म्हणाले, “प्रसाद लाड जेवायला आले तर तुमची पोटदुखी का होते, तुम्हाला जेवढ्या खोलात जायचंय तेवढं जाऊन बघा. तुम्ही चिल्लर माणसासारखे वागू लागेल आहात, असा टोलाही त्यांनी लगावला.
रामदास कदम यांचे पुत्र आणि आमदार योगेश कदम यांचाही त्यांनी समाचार घेतला. “तुझ्या म्हाताऱ्याने कोणाची सुपारी घेतलीये, हे आधी बघ, सुपारी तर तुमच्या घरातच आहे. त्याचं नाव सांगा, तो कोण आहे ते आम्हीच शोधून काढू शकतो.” असे आव्हानही जरांगेनी दिले आहे.
“रामदास कदम हे उपमुख्यमंत्री एकनाथ शिंदे यांच्यासाठी ‘साडेसाती’ आहेत. रामदास कदम स्वतः बोलायला एवढी बुद्धी आहे का? ते त्रिकोणी आहेत. शिंदे साहेब बदनाम व्हावेत म्हणून यांनी खूप काही जमा करून ठेवलंय. हा माणूस शिवसेना संपवायला निघाला आहे.”
पुढे उपरोधिक टोला लगावत जरांगे म्हणाले, “रामदास कदम येडा झाला आहे, त्याला लवकरात लवकर दवाखान्यात न्या! त्यापेक्षा संजय राऊत बरे आहेत, ते एकदा सकाळी मीडियासमोर येतात आणि विषय संपवतात.”
रामदास कदम यांनी घेतलेली पत्रकार परिषद घेत भाजपवरच प्रहार केला आहे. दोन दिवसांपूर्वी मनोज जरांगे पाटील यांनी उपमुख्यमंत्री एकनाथ शिंदे यांच्यावर ५०० कोटींच्या भ्रष्टाचाराचा आरोप केला होता. त्यानंतर दुसऱ्याच दिवशी त्यांनी पैशांच्या देवाणघेवाणीशी संबंधित एक ऑडिओ क्लिप व्हायरल केली. या ऑडिओ क्लिपला रामदास कदम यांनी भाजपवर गंभीर आरोप केले आहेत. “एकनाथ शिंदे यांना राजकीयदृष्ट्या संपवण्यासाठी आणि बदनाम करण्यासाठी भाजपने कुणाकडून सुपारी घेतली आहे, असा सवाल रामदास कदम यांनी उपस्थित केला आहे. या संपूर्ण प्रकरणाची उच्चस्तरीय चौकशी करण्यात यावी, अशी मागणीही रामदास कदम यांनी केली आहे.
रामदास कदम म्हणाले की, मनोज जरांगे पाटील भाजप नेते प्रसाद लाड यांच्यासोबत जेवण करतात, जरांगे पाटील यांनी प्रसाद लाड यांच्या भेटीचे फोटोही यावेळी रामदास कदम यांनी पत्रकार परिषदेत शेअर केले. त्यामुळए जरांगे पाटील आणि भाजप नेते एकत्र मिळून एकनाथ शिंदेंविरोधात कट रचत असल्याचा दावाही कदम यांनी यावेळी केला.
Ans: मनोज जरांगे म्हणाले की, ऑडिओ क्लिपची तारीख आणि ती कशी व्हायरल झाली हे जाऊन देवेंद्र फडणवीसांना विचारावे.
Ans: प्रसाद लाड जेवायला आल्याने कोणालाही पोटदुखी होण्याचे कारण नाही, रामदास कदम चिल्लर माणसासारखे वागत आहेत, असे जरांगे यांनी स्पष्ट केले.
Ans: जरांगे म्हणाले की, सुपारी देणाऱ्याचे नाव उघड करा, तो कोण आहे ते आम्हीच शोधून काढू; आधी स्वतःच्या घरात कोणाची सुपारी घेतली आहे ते बघा.
