Hrita Durgule: शाळेचा गणवेश, दोन वेण्या आणि खट्याळ हसू, हृता दुर्गुळेचा नवा लूक पाहिलात का?

Hrita Durgule: मराठी प्रेक्षकांची लाडकी अभिनेत्री हृता दुर्गुळे लवकरच नव्या भूमिकेत प्रेक्षकांच्या भेटीला येणार आहे. तिच्या आगामी ‘आली मोठी शहाणी’ या चित्रपटाचा पहिला पोस्टर तिने सोशल मीडियावर शेअर केला आहे. या पोस्टरमध्ये हृता शाळेच्या युनिफॉर्ममध्ये, दोन वेण्या आणि खट्याळ हास्यासह दिसत आहे.

Hrita Durgule: शाळेचा गणवेश, दोन वेण्या आणि खट्याळ हसू, (फोटो सौजन्य- सोशलमीडिया)

Follow Us:

Follow Us:

• हृता दुर्गुळेचा ‘आली मोठी शहाणी’मधील हटके लुक
• शाळेच्या युनिफॉर्ममधील पोस्टरने वेधलं लक्ष
• सारंग साठ्येसोबत हृताची मजेशीर जोडी

सध्या ती ‘अगं आई अहो आई’ या वेब सिरीजमुळे चर्चेत आहे. झी ५ वर ही सिरीज आली आहे. यात तिच्यासोबत रेणुका शहाणे आणि निर्मिती सावंत आहेत. या सिरीजला चांगला प्रतिसाद मिळत असतानाच हृताने तिच्या पुढच्या सिनेमाची बातमी दिली आहे आणि त्यामुळे चाहते एकदम खुश झाले आहेत.Hrita Durgule:

पोस्टरमध्ये ती शाळेच्या युनिफॉर्ममध्ये

तिच्या नव्या सिनेमाचं नाव आहे ‘आली मोठी शहाणी’.हृताने स्वतः तिच्या इन्स्टाग्रामवर या सिनेमाचं पहिलं पोस्टर टाकलं आहे. पोस्टर बघूनच खूप धमाल वाटतेय. कारण यात हृता एकदम वेगळ्या रूपात दिसतेय.पोस्टरमध्ये ती शाळेच्या युनिफॉर्ममध्ये आहे. पांढरा शर्ट, टाय, दोन घट्ट वेण्या आणि चेहऱ्यावर एक निरागस पण खट्याळ हसू. अगदी शाळेतल्या चुणचुणीत मुलीसारखी दिसतेय ती.

Jui Gadkari post: ‘आमची म्हातारी आज ७०ची झाली असती…’ सायलीची पूर्णा आजीच्या आठवणीत भावूक पोस्ट

तिच्यासोबत अभिनेता सारंग साठ्ये आहे. त्याच्या कानावर जास्वंदीचं फूल आहे आणि तो हृताचे कान धरताना दिसतोय. हा फोटो इतका गमतीशीर आहे की बघताच हसू येतं. सिनेमा कसला असेल याची उत्सुकता या एका पोस्टरने वाढवली आहे.

 

View this post on Instagram

 

२ ऑक्टोबर २०२६ ला सिनेमागृहात

पोस्टर टाकताना हृताने एक छान कॅप्शन लिहिलं आहे. ती म्हणाली, लहान असो किंवा मोठा, आपण सगळेच बाप्पाकडे काहीतरी मागत असतो. आणि बाप्पा पण मोठ्या मनाने आपल्याला देतो. हा सिनेमा पण तसाच आहे, आपल्याच घरातली, हलकीफुलकी आणि गोड गोष्ट आहे असं तिने सांगितलं.आता सगळ्यांना प्रश्न पडलाय हा सिनेमा कधी येणार?तर ‘आली मोठी शहाणी’ हा सिनेमा २ ऑक्टोबर २०२६ ला सिनेमागृहात येणार आहे.

हृताच्या या नव्या लूकने तर सगळ्यांची मनं जिंकली

या सिनेमाचं दिग्दर्शन आनंद गोखले यांनी केलं आहे.या सिनेमात फक्त हृता आणि सारंगच नाहीत तर अजून बरेच ओळखीचे चेहरे आहेत. ऋजुता देशमुख, मैत्रयी दाते, सुहिता थत्ते, गुरू ठाकूर, विशाखा नाईक, प्रशांत कुलकर्णी असे बरेच चांगले कलाकार यात दिसणार आहेत.एकंदरीत, शाळेच्या आठवणींना उजाळा देणारा आणि पोट धरून हसवणारा असा हा सिनेमा असेल असं वाटतंय. हृताच्या या नव्या लूकने तर सगळ्यांची मनं जिंकली आहेतच.

Web Title: Hruta durgules new look in aali mothi shahani grabs attention

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com