Asaduddin Owaisi: ऑपरेशन सिंदूर नंतर पुन्हा युद्ध होईल…? ‘पाकिस्तान आणि बांगलादेश युद्ध सराव करत आहेत,’ ओवेसींचा दावा

भाजप कार्यकर्ते फक्त बांगलादेशी लोक भारतात बेकायदेशीरपणे स्थायिक होत आहेत याबद्दल बोलत राहतात, परंतु धोक्यांकडे लक्ष देत नाहीत, अशी टिका असदुद्दीन ओवेसी केली आहे.

ऑपरेशन सिंदूर नंतर पुन्हा युद्ध होईल...? 'पाकिस्तान आणि बांगलादेश युद्ध सराव करत आहेत,' ओवेसींचा दावा (फोटो सौजन्य-X)

Follow Us:

Follow Us:

ऑल इंडिया मजलिस-ए-इत्तेहाद-उल-मुसलमीन (एआयएमआयएम) प्रमुख असदुद्दीन ओवेसी यांनी आरोप केला की, भारतात बांगलादेशी स्थलांतरितांच्या घुसखोरीबद्दल आवाज उठवणारा भारतीय जनता पक्ष (भाजप) बांगलादेश आणि पाकिस्तानमधील वाढती जवळीक आणि चीन बांधत असलेल्या हवाई तळांकडे दुर्लक्ष करत आहे. यावेळी ओवेसी यांनी चिंता व्यक्त केली आहे की, पाकिस्तानी आणि बांगलादेशी नेते भेटत आहेत, चीन हवाई तळ बांधत आहे, जर आता युद्ध झाले तर हे तिघेही भारतावर सर्व बाजूंनी हल्ला करतील, परंतु भाजप याकडे लक्ष देत नाही.

भाजपच्या फायरब्रॅंड नेत्याचा पक्षाला रामराम; अध्यक्षपदावरून पक्षांतर्गत वाद विकोपाला

रविवारी (२९ जून २०२५) परभणी येथे एका सभेला संबोधित करताना असदुद्दीन ओवेसी म्हणाले की, भाजप नेते भारताच्या शेजारील देशांच्या सीमेवर उद्भवणारी परिस्थिती समजून घेण्यास असमर्थ असल्याचे दिसत आहे. त्यांनी प्रश्न केला की, ‘ते (भाजप नेते) बांगलादेशी लोक भारतात बेकायदेशीरपणे स्थायिक होत आहेत याबद्दल बोलत राहतात. केंद्रीय गृहमंत्री अमित शहा, गुप्तचर संस्था आणि सीमा सुरक्षा दल (बीएसएफ) काय करत आहेत?’

ओवैसी यांनी दावा केला की, मोहम्मद युनूस यांच्या नेतृत्वाखालील अंतरिम सरकार (बांगलादेशात) सत्तेत आल्यानंतर बांगलादेश आणि पाकिस्तानचे नौदल संयुक्त युद्ध सराव करत आहेत. ते म्हणाले, ‘पाकिस्तानी नेते त्यांच्या बांगलादेशी समकक्षांना भेटत आहेत आणि चीन बांगलादेश सीमेवर आपले हवाई तळ बांधत आहे. जर युद्ध झाले तर ते तीन आघाड्यांवर पसरेल. या धोक्यांचा विचार करण्याऐवजी, भाजप कार्यकर्ते बांगलादेशातून होणाऱ्या बेकायदेशीर स्थलांतराबद्दल बोलत राहतात.’

तसेच महाराष्ट्रात मराठी भाषेच्या प्राधान्याला पाठिंबा देणाऱ्या लोकांच्या निषेधानंतर, राज्याचे मुख्यमंत्री देवेंद्र फडणवीस यांना शाळांमध्ये त्रिभाषिक सूत्र लागू करण्याशी संबंधित दोन सरकारी आदेश रद्द करावे लागले. ओवैसी म्हणाले की विविधता ही भारताची ओळख आणि वैशिष्ट्य आहे. ‘राष्ट्रीय स्वयंसेवक संघ (आरएसएस) म्हणतो की भारताची एक भाषा, एक संस्कृती आणि एक विचारधारा असेल, परंतु जर असे झाले तर भारत एक हुकूमशाही राज्य होईल. “आम्ही हे होऊ देणार नाही. भारत वेगवेगळ्या रंगांचे प्रतिनिधित्व करतो आणि ते तसेच राहील याची आम्ही खात्री करू.” ओवेसी यांनी इतर मागासवर्गीय (ओबीसी) आरक्षणासाठी आंदोलन करणाऱ्या मराठा कार्यकर्ते मनोज जरंगे यांनाही पाठिंबा दर्शवला,असं मतं असदुद्दीन ओवेसी यांनी व्यक्त केलं आहे.

Monsoon Alert: सावधान! रेड अलर्टमुळे पाऊस आज ‘या’ राज्यात…; मान्सूनच्या आगमनाने दिल्लीकर सुखावले

Web Title: Asaduddin owaisi says pakistan bangladesh china planning to counter india after operation sindoor

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com