बुधवार, 21 ऑक्टोबर 2026
१५९ विद्यार्थ्यांना नमाज पठण करण्यास भाग पाडले, विद्यापीठाच्या प्राध्यापकाला अटक (फोटो सौजन्य - X)
Chhattisgarh News in marathi: गुरु घासीदास केंद्रीय विद्यापीठाच्या एका प्राध्यापकाला गुरुवारी अटक करण्यात आली. छत्तीसगडमधील बिलासपूर जिल्ह्यात आयोजित राष्ट्रीय सेवा योजना (एनएसएस) शिबिरादरम्यान त्याने बिगर मुस्लिम विद्यार्थ्यांना नमाज पठण करण्यास भाग पाडल्याचा आरोप आहे. या घटनेबाबत २६ एप्रिल रोजी ८ जणांविरुद्ध गुन्हा दाखल करण्यात आला. आता पोलिसांनी प्राध्यापक दिलीप झा यांना अटक केली आहे. डीएसपी रश्मीत कौर चावला यांनी ही माहिती दिली.
छत्तीसगडमधील बिलासपूर जिल्ह्यात राष्ट्रीय सेवा योजना (एनएसएस) शिबिरादरम्यान काही विद्यार्थ्यांना नमाज पठण करण्यास भाग पाडल्याबद्दल गुरु घासीदास केंद्रीय विद्यापीठाच्या एका प्राध्यापकाला अटक करण्यात आली.
दिलीप झा, सहा प्राध्यापक आणि एका विद्यार्थ्यावर भारतीय न्याय संहिता आणि छत्तीसगड धर्म स्वातंत्र्य कायद्याअंतर्गत धर्माच्या आधारावर द्वेष निर्माण करणे, धार्मिक भावना दुखावणे आणि इतर गुन्ह्यांसाठी गुन्हा दाखल करण्यात आला आहे. ३१ मार्च रोजी आरोपींनी एनएसएस कॅम्पमधील १५९ विद्यार्थ्यांना नमाज पठण करण्यास भाग पाडले, त्यापैकी फक्त ४ मुस्लिम होते. कोटा पोलिस ठाण्याअंतर्गत येणाऱ्या शिवतराई गावात २६ मार्च ते १ एप्रिल दरम्यान हे शिबिर आयोजित करण्यात आले होते.
परतल्यानंतर विद्यार्थ्यांनी निषेध केला आणि हिंदू संघटनांनीही आरोपींवर कठोर कारवाईची मागणी केली. यानंतर पोलिसांनी संपूर्ण प्रकरणाचा तपास सुरू केला. बिलासपूरचे एसपी रजनीश सिंह यांनी चार सदस्यांची समिती स्थापन केली होती. शहर अधीक्षक (कोतवाली) अक्षय सबदरा यांच्या नेतृत्वाखाली ही चौकशी करण्यात आली. समितीच्या अहवालाच्या आधारे झा आणि इतरांविरुद्ध गुन्हा दाखल करण्यात आला. चावला म्हणाले की, इतर लोकांविरुद्धही चौकशी सुरू आहे.
