दिल्लीचे उपमुख्यमंत्री मनीष सिसोदिया आणि सत्येंद्र जैन यांचा राजीनामा; केजरीवालांकडे राजीनामा आल्यानंतर लगेचच…

दिल्ली मद्य धोरण घोटाळ्याप्रकरणी उपमुख्यमंत्री मनीष सिसोदिया (Manish Sisodia) यांना अटक करण्यात आली आहे. केंद्रीय अन्वेषण विभागाकडून (CBI) त्यांची तब्बल 8 तास चौकशी झाली होती. त्यानंतर त्यांच्यावर अटकेची कारवाई केली गेली.

Follow Us:

Follow Us:

नवी दिल्ली : दिल्ली मद्य धोरण घोटाळ्याप्रकरणी उपमुख्यमंत्री मनीष सिसोदिया (Manish Sisodia) यांना अटक करण्यात आली आहे. केंद्रीय अन्वेषण विभागाकडून (CBI) त्यांची तब्बल 8 तास चौकशी झाली होती. त्यानंतर त्यांच्यावर अटकेची कारवाई केली गेली. सिसोदिया हे गेल्या काही दिवसांपासून वादात सापडले होते. त्यानंतर त्यांनी आपल्या पदाचा राजीनामा दिला आहे. त्यांच्यासह तुरुंगात शिक्षा भोगत असलेले सत्येंद्र जैन (Satyendar Jain) यांनी देखील राजीनामा दिला आहे.

Delhi ministers Manish Sisodia and Satyendar Jain resign from their posts in the state cabinet; CM Arvind Kejriwal accepts their resignation. pic.twitter.com/rODxWkSoc9

— ANI (@ANI) February 28, 2023

मद्य धोरण घोटाळ्याप्रकरणी सिसोदिया यांचे नाव पुढे आले होते. त्यांच्याकडे दिल्लीचे उपमुख्यमंत्री तसेच शिक्षण मंत्रालयाचा कार्यभार होता. याशिवाय अबकारी खातेही त्यांच्याकडे होते. सिसोदिया यांच्याकडे दिल्ली सरकारचे एकूण 8 विभाग होते. त्यांना 4 मार्चपर्यंत सीबीआय कोठडी सुनावण्यात आली आहे. तर दुसरीकडे अटकेनंतर तब्बल 9 महिन्यांनी सत्येंद्र जैन यांनी मंत्रिपदाचा राजीनामा दिला आहे. आज त्यांनी राजीनामा दिला असून, मुख्यमंत्री अरविंद केजरीवाल यांनी त्यांचा राजीनामा मंजूर देखील केला आहे.

सिसोदिया यांचे खाते गेहलोत आणि राजकुमार आनंद सांभाळणार

सिसोदिया आणि सत्येंद्र जैन यांच्या राजीनाम्यानंतर केजरीवाल मंत्रिमंडळ विस्ताराच्या चर्चेला वेग आला होता. मात्र, सध्या दिल्लीत कोणताही नवा मंत्री होणार नसून अटक करण्यात आलेल्या मनीष सिसोदिया यांच्या खात्यांची जबाबदारी कैलास गेहलोत आणि राजकुमार आनंद यांच्याकडे सोपवण्यात येणार असल्याचे सूत्रांनी स्पष्ट केले आहे.

Web Title: Delhi deputy chief minister manish sisodia and satyendar jain resign nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com