‘वंदे भारत’साठी ट्रॅकच्या बाजूला कुंपण लावणार; रेल्वेमंत्री अश्विनी वैष्णव यांची माहिती

वंदे भारत ट्रेन 110 किमी प्रतितास ते 130 किमी प्रतितास या वेगाने सर्व ट्रॅकवर धावण्यासाठी रेल्वे संवेदनशील ठिकाणी सुरक्षा कुंपण बसवेल अशी माहिती केंद्रीय रेल्वे मंत्री अश्विनी वैष्णव यांनी दिली.

Follow Us:

Follow Us:

नवी दिल्ली : वंदे भारत ट्रेन 110 किमी प्रतितास ते 130 किमी प्रतितास या वेगाने सर्व ट्रॅकवर धावण्यासाठी रेल्वे संवेदनशील ठिकाणी सुरक्षा कुंपण बसवेल अशी माहिती केंद्रीय रेल्वे मंत्री अश्विनी वैष्णव यांनी दिली. 2023 मध्ये वंदे भारतचा ट्रॅक विस्कळीत करणाऱ्या चार घटना उघडकीस आल्या.

प्रवाशांना सुरक्षितता देणे हे रेल्वेचे सर्वोच्च प्राधान्य आहे. सर्व प्रकरणांमध्ये अटकेत असलेल्या आरोपींवर कायदेशीर कारवाई करण्यात आली होती. रेल्वे प्रोटेक्शन फोर्स तसेच सरकारी पोलीस दल, जिल्हा पोलीस आणि प्रशासन सुरक्षित ट्रेन ऑपरेशन्स सुनिश्चित करण्यासाठी आवश्यक पावले उचलतात.

उपनगरीय रेल्वे स्थानकांच्या प्लॅटफॉर्मवर स्वयंपाक करण्यास परवानगी नाही आणि इतर स्थानकांवरही ते हळूहळू कमी करण्याचा प्रयत्न केला जात आहे. स्टॉल्स, ट्रॉली आणि स्टेशनरी केटरिंग युनिट्सच्या माध्यमातून रेल्वे स्टेशन्स आणि प्लॅटफॉर्मवर प्रवास करणाऱ्या प्रवाशांना चांगल्या दर्जाचे आणि स्वच्छ अन्न पुरवण्याचा रेल्वे प्रयत्न करते.

Web Title: For vande bharat fences will be erected on the side of the track says railway minister ashwini vaishnav nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com