Jharkhand Election 2024: ठरलं तर! हेमंत सोरेन ‘या’ दिवशी घेणार मु्ख्यमंत्रीपदाची शपथ

झारखंड:   झारखंड विधानसभा निवडणुकीत हेमंत सोरेन यांच्या झारखंड मुक्ती मोर्च्याच्या बंपर विजयानंतर आता हेमंत सोरेन हे झारखंडचे नवे मुख्यमंत्री होणार हे निश्चित झाले आहे आणि त्यांचा शपथविधी 28 नोव्हेंबर रोजी होणार आहे. हेमंत सोरेन यांनी मुख्यमंत्रिपदाचा राजीनामा दिला असून निवडणुकीतील विजयानंतर ते आता नवीन मुख्यमंत्री म्हणून शपथ घेणार आहेत.  विधानसभेच्या 81 जागांपैकी झारखंड मुक्ती मोर्च्याच्या नेतृत्वाखालील इंडिया आघाडीने 56 जागा जिंकल्या आहेत. हा आकडा 41 च्या बहुमतापेक्षा 15 जागा जास्त आहे.

हेमंत सोरेन यांची माहिती

झारखंडचे मुख्यमंत्री आणि झामुमोचे कार्याध्यक्ष हेमंत सोरेन म्हणाले की, “नवीन सरकारचा शपथविधी सोहळा 28 नोव्हेंबर रोजी होणार आहे. आज आम्ही इंडिया आघाडी सरकार स्थापन करण्याची प्रक्रिया सुरू केली आहे. त्या संदर्भात आम्ही राज्यपालांसमोर सरकार स्थापनेचा दावा केला आहे. मी त्यांना माझा राजीनामाही दिला आहे…काँग्रेस आणि आरजेडीचे प्रभारीही येथे उपस्थित होते. 28 नोव्हेंबर रोजी शपथविधी होणार आहे.

Malshiras Election News: राम सातपुतेंना पराभवाची धूळ चारत उत्तमराव जानकरांनी मैदान मारलं

सलग दुसऱ्यांदा मुख्यमंत्री होणार

त्याच वेळी, भाजप आघाडीने निवडणुकीत 24 जागा जिंकल्या आहेत, म्हणजे बहुमताच्या आकड्यापेक्षा 13 जागा कमी आहेत. विजयानंतर हेमंत सोरेन यांनी झारखंडच्या जनतेचे आभार मानले आणि जनतेची शक्ती पक्षापर्यंत आणणाऱ्या उपस्थित असलेल्या नेत्यांचेही मी आभारी असल्याचे सांगितले. झामुमोच्या विजयाने राजधानी रांचीच्या रस्त्यांवर पोस्टर लावण्यात आले होते ज्यात लिहिले होते की त्यांनी सर्वांचे मन जिंकले आहे.  शेरदिल सोरेन पुन्हा आले आहेत. हेमंत सोरेन हे झारखंडचे पहिले मुख्यमंत्री असतील जे सलग दुसरी निवडणूक जिंकून मुख्यमंत्रीपदाची धुरा सांभाळतील.

विधानसभा निकालाचा शेअर बाजारावर होणार परिणाम, वाचा… मार्केटमध्ये काय हालचाली

काँग्रेस नेत्यांनी घेतली हेमंत यांची भेट

काँग्रेस नेत्यांनी हेमंत सोरेन यांची मुख्यमंत्र्यांच्या निवासस्थानी भेट घेतली. झारखंड काँग्रेसचे माजी अध्यक्ष राजेश ठाकूर म्हणाले, ‘याआधीही आमचे सरकार संकटात असताना आम्ही पूर्ण आत्मविश्वासाने सरकार स्थापन करू असे सांगितले होते. आम्ही पुन्हा एकदा पूर्ण विश्वासाने सरकार स्थापन करणार आहोत. दरम्यान, काँग्रेसचे निरीक्षक तारिक अन्वर म्हणाले , ‘हे चांगले आहे, आम्हाला विजयाची अपेक्षा होती.