Pahalgam Terror Attack: लष्कर, नौदल, हवाईदल अलर्टवर..; पाकिस्तानचं Countdown सुरू

दक्षिण काश्मीर व नियंत्रण रेषेच्या आसपास व्हिक्टर फोर्स, राष्ट्रीय रायफल्स आणि पॅरा स्पेशल फोर्सेसच्या तुकड्या सक्रिय आहेत. या विशेष पथकांना घुसखोरीविरोधात तत्काळ कारवाई करण्याची क्षमता आहे.

Photo Credit- Social Media लष्कर, नौदल, हवाईदल तयार..; पाकिस्तानचं Countdown सुरू

Follow Us:

Follow Us:

जम्मू-कश्मीरमधील पहलगाम येथे झालेल्या दहशतवादी हल्ल्यानंतर भारत आणि पाकिस्तानमधील तणाव अधिकच गहिरा झाला आहे. या पार्श्वभूमीवर देशातील सुरक्षा परिस्थिती अत्यंत संवेदनशील बनली आहे. संरक्षण क्षेत्रातील सूत्रांच्या माहितीनुसार, भारतीय लष्कर, हवाई दल आणि नौदल यांनी नियंत्रण रेषा (LoC) आणि इतर धोरणात्मक भागांत आपली हालचाल आणि तैनाती मोठ्या प्रमाणावर वाढवली आहे.

लष्कराची सक्रियता वाढली

भारतीय लष्कर नियंत्रण रेषेवरील पहिल्या रेषेवर सदैव सज्ज असते. मात्र, अलीकडील घटनांमुळे कारवायांत लक्षणीय वाढ झाली आहे. राजस्थानसह विविध क्षेत्रांमध्ये युद्धसराव राबवण्यात येत असून, लष्कराने हाय अलर्ट घोषित केला आहे. तैनाती आणि पुढील हालचालींसाठी सतत आढावा घेतला जात आहे.

विशेष दलांची सज्जता

दक्षिण काश्मीर व नियंत्रण रेषेच्या आसपास व्हिक्टर फोर्स, राष्ट्रीय रायफल्स आणि पॅरा स्पेशल फोर्सेसच्या तुकड्या सक्रिय आहेत. या विशेष पथकांना घुसखोरीविरोधात तत्काळ कारवाई करण्याची क्षमता आहे.

Pahalgam Terror Attack: पाकिस्तानची भ्याड खेळी, हवाई मार्ग बंद; आता कोणते असतील पर्याय?

आधुनिक शस्त्रास्त्रांची तैनाती

• तोफखाना: बोफोर्स, धनुष आणि K-9 वज्र स्वयंचलित हॉवित्झर तोफा नियंत्रण रेषेवर तैनात आहेत.

• टँक आणि क्षेपणास्त्र प्रणाली: T-90 भीष्म टँक, स्पाइक व पिनाका यांसारख्या अत्याधुनिक प्रणाली पुढच्या चौक्यांवर सज्ज.

• ड्रोन आणि देखरेख: हेरॉन व स्वदेशी ड्रोनद्वारे २४x७ देखरेख सुरू आहे.

हवाई दलाची सज्जता

भारतीय हवाई दलाने संभाव्य हवाई कारवायांसाठी सर्व ऑपरेशनल बेस अलर्टवर ठेवले आहेत. विशेषतः पंजाब, जम्मू व श्रीनगर येथील हवाई तळांवरून Su-30MKI, Mirage-2000 आणि Rafale लढाऊ विमानांची तैनाती करण्यात आली आहे.

• AWACS आणि AEW&C विमाने पाकिस्तानच्या हवाई हालचालींवर सतत लक्ष ठेवत आहेत.

• स्ट्राइक मोहिमा आणि गस्त: सतत हवाई गस्त सुरू असून, गरज भासल्यास जलद प्रतिसाद देण्यासही हवाई दल सज्ज आहे.

• हवाई युद्धसराव: एप्रिल-मे 2025 दरम्यान उत्तर व पश्चिम सीमेवर व्यापक सराव सुरू आहे.

नौदलाची चोख तयारी

जमिनीवरील व हवाई तणावाच्या पलीकडे, भारतीय नौदलाने पश्चिम किनारपट्टीवर आपली उपस्थिती वाढवली आहे.

• INS सुरत द्वारे अलीकडेच यशस्वी क्षेपणास्त्र चाचणी पार पडली आहे.

• P-8I पोसायडॉन विमाने सागरी गस्त व गुप्तचर कार्यासाठी तैनात आहेत.

• वॉरशिप आणि हेलिकॉप्टर सज्ज: INS विक्रांतसह प्रमुख युद्धनौका व MiG-29 आणि MH-60R सारखी विमाने सतर्क आहेत.
  Pahalgam Attack : भारत आणि पाकिस्तान यांच्यातील ‘या’ करार संदर्भात तुम्हाला माहितीय का?

Web Title: Pahalgam terror attack army navy air force ready pakistans countdown begins

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com